Malacíi 1:11 - MAWUXÓWÉMA

¹¹ Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

Malacíi 1:11 Iomraidhean Croise

1 Tan 16:25

Đó Mawu Mavɔmavɔ d'agba, é jɛ xá tawun ɖɔ è nǐ nɔ kpa susu n'i. É syɛ́n hú nǔmɛsɛn lɛ́ɛ bǐ.

Ɖɛhan 111:9

É sɛ́ hwlɛngán dó togun tɔn, é jɛ akɔ mavɔ mavɔ xá ɛ. Mawu nyí Mɛ mímɛ́, é dó xɛsi.

Ɖɛhan 113:3

È nǐ kpa susu nú Mawu Mavɔmavɔ sín zǎnzǎnhwe jí káká yi gbadahwe jí.

Ɖɛhan 138:5

Yě ná ɖɔ nǔ e a wa lɛ́ɛ dó han mɛ: “Susu Mawu Mavɔmavɔ tɔn d'agba.”

Ɖɛhan 141:2

Un dlɛ́n alɔ sɛ́ dó we, ɖɛ e xo wɛ un ɖe ɔ́ ní wá gɔ̌n towe zǎlínkpɔ́n sín azɔ ɖɔhun; ɖɛ ce ní wá gɔ̌n towe gbada vɔ́ ɖɔhun.

Ɖɛhan 45:17

Vǐ towe lɛ́ɛ ná yi tɔ́gbó towe lɛ́ɛ zinkpo jí; a nǎ sɔ́ gǎn yě gbɔn to ɔ́ bǐ mɛ.

Ɖɛhan 48:10

Mawu ce, mǐ ɖo xwé towe gbe ɔ́, mǐ nɔ́ flín lě e a nyɔ̌ xomɛ sɔ é.

Ɖɛhan 48:11

Mawu ce, lě e nyǐkɔ towe yi sɔ ɔ́, mɔ̌ wɛ susu towe hun káká yi fí e gbɛ ɔ́ kponu ɖó é. Hwɛjijɔ wɛ gɔ́ alɔ towe ɖisí ɔ́ mɛ.

Ɖɛhan 50:1

Asáfu sín han. Mawu Mavɔmavɔ, Mawu Nǔbǐwúkpétɔ́ ɔ́ kɛ nu; é ylɔ́ ayǐkúngban ɔ́ bǐ kplé sín zǎnzǎn hwe jí káká yi gbadahwe jí.

Ɖɛhan 65:9

Mɛ e ɖo ayǐkúngban ɔ́ jí é bǐ ɖo xɛsi jí káká yi fí e gbɛ ɔ́ kponu ɖó é, ɖó nǔjíwǔ e a nɔ bló lɛ́ɛ wú. A nɔ dó xomɛhunhun nú gbɛtɔ́ lɛ́ɛ, sín zǎnzǎn hwe jí káká yi gbada hwe jí.

Ɖɛhan 67:2

Mawu ce, ɖe xomɛnyínyɔ́ towe xlɛ́ mǐ, bó xo ɖɛ dó mǐ jí. Nukún towe mɛ ní hɔ́n dó mǐ jí; Agbɔ̌n

Ɖɛhan 86:9

Aklúnɔ, akɔta e a blǒ lɛ́ɛ bǐ nǎ wá ɖe kɔ́ nú we, bǐ nǎ kpa susu nú nyǐkɔ towe.

Ɖɛhan 96:8

Mi sɔ́ Mawu Mavɔmavɔ nyíkɔ su. Mi hɛn nǔ e mi ná ná ɛ lɛ́ɛ bó byɔ́ xwé tɔn gbe.

Ezayíi 12:4

Gbe énɛ́ gbe ɔ́, mi ná ɖɔ: “Mi kpa susu nú Mawu Mavɔmavɔ! Mi xomlá nyǐkɔ tɔn! Mi jlá nǔ e é wa lɛ́ɛ ɖo togun lɛ́ɛ tɛ́ntin! Mi flín lě e nyǐkɔ tɔn kló sɔ́ é mɛ bǐ!

Ezayíi 12:5

Mi ji han dó kpa susu nú Mawu Mavɔmavɔ, ɖó é bló nǔ ɖaxó ɖaxó. Mi jlá nú gbɛ ɔ́ bǐ!”

Ezayíi 19:21

Hwenɛ́nu lo ɔ́, Mawu Mavɔmavɔ ná ɖe éɖée xlɛ́ Ejípunu lɛ́ɛ, bɔ yě ná tunwun i, bó ná nɔ́ sɛn ɛ kpó vɔ̌ yětɔn lɛ́ɛ kpó nǔníná yětɔn lɛ́ɛ kpó. Yě ná nɔ́ dó akpá n'i, bó ná nɔ́ ɖe.

Ezayíi 30:27

Mawu Mavɔmavɔ ɖésúnɔ ɖíe jǎwe sín zɔ dɔ̌n e; xomɛsin ɖaxó jí wɛ é ɖe, xomɛsin ɔ́ syɛ́n ɖésú; Mawu Mavɔmavɔ ɖo adǎn jí; xó e ɖo tíntɔ́n sín nu tɔn mɛ wɛ é cí myɔ ɖaxó ɖé ɖɔhun.

Ezayíi 45:6

Énɛ́ ɔ́, sín zǎnzǎnhwe jí káká yi gbadahwe jí ɔ́, mɛ bǐ ná tunwun ɖɔ nyɛ mɛvo ɔ́, Mawu ɖě kún sɔ́ ɖé ó. Nyɛ wɛ nyí Mawu Mavɔmavɔ ɔ́; é sɔ́ kpo mɛɖé ǎ.

Ezayíi 54:5

Đó mɛ e ɖó we é wɛ ná nyí asú nú we, Mawu Mavɔmavɔ Nǔbǐwúkpétɔ́ wɛ nyǐkɔ tɔn nyí, Mɛ mímɛ́ Izlayɛ́li tɔn ɔ́ wɛ vɔ́ gbɛ towe xɔ. Mawu wɛ̌kɛ́ ɔ́ bǐ tɔn wɛ nyǐkɔ tɔn nyí.

Ezayíi 59:19

Énɛ́ ɔ́, è nǎ ɖó sísí n'i sín zǎnzǎnhwe jí, káká yi gbadahwe jí, bó ná ɖó sísí nú susu tɔn. Đó é ná wá kpó zǐngídi kpó, tɔ e ɖi sin ja kpó jɔhɔn kpó é ɖɔhun.

Ezayíi 66:18

Mawu ɖɔ: “Un tunwun nǔ e yě nɔ́ wa ɔ́, bó tunwun nǔ e yě nɔ́ lin ɔ́. Un ná wá bó ná kplé togun e nɔ dó gbe tɛnmɛ tɛnmɛ lɛ́ɛ bǐ; yě bǐ ná wá bó ná mɔ susu ce.

Jelemíi 10:6

Mawu Mavɔmavɔ, mɛ ɖé ka sixú cí hwɛ ɖɔhun a? A d'agba bɔ nyǐkɔ towe yi jǐ tawun ɖó hlɔ̌nhlɔ́n towe wú.

Jelemíi 10:7

Akɔta lɛ́ɛ bǐ xɔ́sú, mɛ̌ ma ká ná ɖó sísí nú we ǎ? Hwi wɛ è ɖǒ ná ɖó sísí ná, ɖó nǔnywɛ́tɔ́ e ɖo axɔ́súɖuto lɛ́ɛ bǐ mɛ, gbɔn akɔta lɛ́ɛ bǐ mɛ ɔ́, è sixú jlɛ́ ɖě dó wǔ we ǎ.

Jelemíi 4:2

Hwe nɛ́ nu ɔ́, a nǎ xwlé nyɛ Mawu Mavɔmavɔ e ɖo gbɛ ɔ́, a nǎ xwlé nǔgbó nǔgbó tɔn, a nǎ xwlé ɖó sɛ́nxwi jí, a nǎ xwlé kpó ayi towe bǐ kpó. A blǒ mɔ̌ ɔ́, akɔta ɖě lɛ́ɛ na byɔ́ mì ɖɔ nyɛ ní xo ɖɛ dó émí jí, yě ná zé mì dó xɔ susu ná.

Daniyɛ́li 2:45

Nǔ e nyí wɛ awǐnnya e mɛɖé ma sɛ́ dó ǎ, bɔ é nɔ́ yǎyá, bó gosín só jí, bó wá gba gan kpó ganvɔ kpó, ko kpó kpatágan kpó, kpódó siká kpó e è dǒ bló bǒcyɔ ɔ́ ná lɛ́ɛ é nɛ́. Sɛ́mɛɖó ce, Nǔ e ɖo ná jɛ wɛ é wɛ Mawu ɖaxó bǐ ɔ́ ɖe xlɛ́ mɛ. Dlɔ̌ titewungbe wɛ mɛ kú, bɔ tínmɛ e é ɖó tawun ɔ́ jɛ́n un ɖɔ nú mɛ nɛ́.”

Amɔ́si 9:12

Énɛ́ ɔ́, Izlayɛ́li ví lɛ́ɛ ná lɛ́ vɔ́ ayǐkúngban e ko nyí Edɔ́mu tɔn ɖ'ayǐ xóxó lɛ́ɛ kpó togun ce ɖě lɛ́ɛ kpó yí. Nyɛ Mawu Mavɔmavɔ ɔ́ wɛ ɖɔ mɔ̌, bó ká ná bló.”

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Sofoníi 2:11

Mawu Mavɔmavɔ ná ɖó adohu nú yě, ɖó é ná sɔ́ vodún e ɖo ayǐkúngban jí lɛ́ɛ bǐ dó húzú nǔ yǎyá. Énɛ́ ɔ́, akɔta e ɖo fí má yá fí lɛ́ɛ bǐ ná nɔ sɛn ɛ. Akɔta lɛ́ɛ ɖokpó ɖokpó ná nɔ sɛn ɛ ɖo ayǐkúngban yětɔn yětɔn jí.

Sofoníi 3:9

“Énɛ́ ɔ́ gúdo ɔ́, un ná húzú togun lɛ́ɛ; un ná lɛ nu yětɔn wé: Yě ná xo mlá nyɛ Mawu Mavɔmavɔ ɔ́ sín nyǐkɔ; yě ná ɖó gbe kpɔ́ bó ná sɛn mì.

Zakalíi 8:7

Akpá wɛ nyí bɔ un dó nú mi. Un ná hwlɛ́n togun ce e ɖo kannumɔgbénu, ɖo zǎnzǎnhwe jí kpódó gbadahwe jí kpó lɛ́ɛ gán.

Malacíi 1:14

Heelú nǔhízítɔ́ e ɖó kanlinsú ɖagbe ɖo kanlin tɔn lɛ́ɛ mɛ, bó ká nɔ́ zé kanlin e ma ɖo ganjí ǎ ɖó vo, bó ná zé dó sá vɔ̌ nú mì é. Heelú i, ɖó axɔ́sú ɖaxó ɖokpó wɛ un nyí, bɔ akɔta lɛ́ɛ bǐ nɔ ɖi xɛsi nú hlɔ̌nhlɔ́n ce.” Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.

Malacíi 3:3

É ná jɛ fínɛ́, bó ná za zunkɔ́ lɛ́ɛ, bó ná ɖe nǔ kwíji lɛ́ɛ síin. É ná slá wǔ nú Levíi ví vɔ̌sánú-xwlémawutɔ́ lɛ́ɛ bǐ dégbédégbé, lě e è nɔ́ xo zo dó siká kpódó kpatágan kpó, bó nɔ́ ɖe nǔ kwíji sín mɛ gbɔn é, bɔ vɔ̌sánú-xwlémawutɔ́ énɛ́ lɛ́ɛ ná xwlé vɔ̌sánú yětɔn lɛ́ɛ Mawu Mavɔmavɔ, lě e è nɔ́ bló gbɔn ɖ'ayǐ é.

Kɛ́nsísɔ́ 7:74

É ná kɔ́fu e è sɔ́ siká dó bló ná ɔ́ ɖokpó, bɔ é da glǎmu kanwe ko (100) bɔ nǔhwɛ́nkún gɔ́.

Matíe 28:19

Hǔn, mi yi bó kplɔ́n nǔ akɔta lɛ́ɛ bǐ, bónú yě ní húzú ahwanvú ce. Mi ylɔ́ Tɔ́ ɔ́, Vǐ ɔ́, kpódó Yɛsinsɛn ɔ́ kpó sín nyǐkɔ dó lɛ yɛhwesin nú yě.

Matíe 8:11

Lo ɔ́, un ɖo ɖiɖɔ nú mi wɛ ɖɔ mɛ gěgé ná gosín zǎnzǎnhwe jí, bó ná gosín gbadahwe jí wá, bó ná jínjɔ́n ayǐ, bó ɖu nǔ xá Ablaxámu kpódó Izáki kpó, kpódó Jakɔ́bu kpán, ɖo axɔ́súɖuto sɛ́xwé tɔn mɛ.

Luki 1:10

Togun ɔ́ bǐ kplé ɖo hɛnkɛ́n, bó ɖo ɖɛ xo wɛ hwenu e Zakalíi ɖo zǎlínkpɔ́n dó zo wɛ é.

Hlɔ̌manu 12:1

Nɔví ce lɛ́ɛ mi, ée Mawu ɖe xomɛnyínyɔ́ tɔn xlɛ́ mi mɔ̌ é ɔ́, un ɖo vo sa nú mi wɛ ɖɔ mi ní sɔ́ mi ɖésúnɔ bǐ jǒ, vɔ̌sánú gbɛɖe e è sɔ́ ɖ'ayǐ nú Mawu, bɔ é nyɔ́ nukún tɔn mɛ é ɖɔhun. Lě e mi ná sɛn ɛ gbɔn, bɔ é ná nyí sinsɛn titewungbe ɔ́ é nɛ́.

Hlɔ̌manu 15:16

bɔ un nyí mɛsɛntɔ́ Klísu Jezu tɔn ɖo togun e ma nyí Jwifu ǎ lɛ́ɛ tɛ́ntin ɔ́ wútu. Wɛn Ɖagbe Mawu tɔn e jlá wɛ un ɖe ɔ́, vɔ̌sánú-xwlémawutɔ́zɔ́ dó wa ná wɛ un ɖe, bó ɖo wiwa wɛ, bónú togun e ma nyí Jwifu ǎ lɛ́ɛ ná húzú vɔ̌sánú e nɔ́ nyɔ́ Mawu nukún mɛ, bɔ Yɛsinsɛn sɔ́ ɖó vo nú Mawu é.

Filípunu 4:18

Un mɔ nǔ e mi sɛ́ dó mì lɛ́ɛ bǐ, bɔ é kpé mì kpo; din e Epafloditi hɛn nǔ e mi ná mì lɛ́ɛ wá nú mì ɔ́, nǔ e ɖo tají nú mì lɛ́ɛ bǐ ɖo así ce; nǔ e mi ná mì lɛ́ɛ cí vɔ̌sánú wǎnɖagbenɔ ɖɔhun, bó cí vɔ̌sísá e nɔ nyɔ́ Mawu nukún mɛ, bɔ é nɔ yí gbe ná ɔ́ ɖɔhun.

2 Tɛsalonikinu 1:12

Énɛ́ ɔ́, gbɔn Mawu mǐtɔn kpódó Aklúnɔ mǐtɔn Jezu Klísu kpó sín fɛ́nú gbla mɛ ɔ́, è nǎ sɔ́ Aklúnɔ mǐtɔn Jezu sín nyǐkɔ su gbɔn mi jí, bó ná sɔ́ nyǐkɔ mi lɔmɔ̌ tɔn su gbɔn jǐ tɔn.

1 Timɔtée 2:8

Un jló ɖɔ súnnu lɛ́ɛ ɖo fí ɖěbǔ hǔn, yě ní nɔ xo ɖɛ, yě ní nɔ zé alɔ dó jǐ, bó nɔ xo ɖɛ kpódó ayi mímɛ́ kpó; yě ní ma nɔ sin xomɛ ó, yě ma ka nɔ ɖɔ jlɛ ó.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 15:4

Aklúnɔ, mɛ̌ ma ká ná ɖó sísí nú we ǎ? Mɛ̌ ka ná gbɛ́ ɖɔ émí kún ná kpa susu nú we ó? Đó hwi ɖokpónɔ géé wɛ nyí mǐmɛ́; to lɛ́ɛ bǐ ná wá sɛn we. Đó nǔ jlɔ́jlɔ́ e a nɔ wa lɛ́ɛ ɖe yěɖée xlɛ́ céɖécéɖé.”

Nǔɖexlɛ́mɛ 5:8

Ée é yí wěma ɔ́ é ɔ́, nǔɖogbɛ ɛnɛ lɛ́ɛ kpó mɛxó ko-nukún-ɛnɛ lɛ́ɛ kpán jɛ kpoli ɖo nukɔn tɔn. Yě mɛ ɖokpó ɖokpó hɛn agǐdigbo ɖokpó ɖokpó, bó lɛ́ hɛn sikákɔ́fu, bɔ zǎlínkpɔ́n gɔ́. Zǎlínkpɔ́n ɔ́ wɛ nyí ɖɛ e mɛɖeɖóvo Mawu tɔn lɛ́ɛ nɔ xo lɛ́ɛ.