Jozuwée 8:3 - MAWUXÓWÉMA

³ Ée Mawu Mavɔmavɔ ɖɔ xó énɛ́ lɛ́ɛ nú Jozuwée ɔ́, Jozuwée sɔ́ nǔ é kpódó ahwangɔnu tɔn ɔ́ bǐ kpó, bó ná yi tɔ́n ahwan Ayíi toxo ɔ́. É cyán ahwanfuntɔ́ syɛ́nsyɛ́n adɔ̌kpo ɖě děgba we afɔwó (30.000), bo sɛ́ yě dó zǎn mɛ,

Jozuwée 8:3 Iomraidhean Croise

Tíntɔ́n 17:9

Énɛ́ ɔ́, Mɔyízi ɖɔ nú Jozuwée ɖɔ: “Jozuwée, cyán súnnu e ná sixú fun ahwan nú mǐ lɛ́ɛ, bó yi fun ahwan xá Amalɛ́ki ví lɛ́ɛ; é jɛ sɔ ɔ́, un ná cí só ɔ́ ta bɔ Mawu sín kpo ɔ́ ná ɖo alɔ ce mɛ.”

Matíe 24:39

bɔ yě mɔ nǔ jɛ nǔ e ɖo jijɛ wɛ lɛ́ɛ wú ǎ, káká yi jɛ hwenu e sin wá bɛ́ yě bǐ dó é. Hwenu nyɛ Gbɛtɔ́ví ɔ́ ná lɛ́ kɔ wá dó ɔ́, lě e é ná cí gbɔn é nɛ́.

Matíe 24:50

gǎn tɔn ná wá fyán ɛ gbe e gbe é má ná ɖó nukún tɔn ǎ é, ɖo gan e mɛ é má ná tunwun ǎ é.

Matíe 25:6

“Ɖěe zǎn wá xwete ɔ́, mɛɖé jɛ xó sú jí, bó nɔ́ ɖɔ: ‘Asisúnɔ ɔ́ ɖíe jǎwe e, mi tɔ́n bó yi kpé e!’

1 Tɛsalonikinu 5:2

Đó mi ɖésúnɔ ɔ́, mi tunwun ganjí ɖɔ Aklúnɔzán ɔ́ ná wá fyán mɛ lě e ajotɔ́ nɔ wá fyán mɛ zǎn mɛ é ɖɔhun.

Jozuwée 10:7

Ée Jozuwée se mɔ̌ tlóló ɔ́, é kplá ahwanfuntɔ́ tɔn syɛ́nsyɛ́n lɛ́ɛ, kpó ahwangɔnu ɔ́ bǐ kpó, bɔ yě gosín Gilugalu.

Jozuwée 8:2

A nǎ wa nǔ xá toxo énɛ́ ɔ́ kpódó axɔ́sú tɔn kpó lě e a wa nǔ xá Jeliko kpódó axɔ́sú tɔn kpó gbɔn é. Amɔ̌, dɔkun e mi ná mɔ ɖo toxo ɔ́ mɛ lɛ́ɛ kpódó kanlin e mi ná mɔ ɖ'é mɛ lɛ́ɛ kpó ɔ́, mi ná bɛ́ yě. Toxo ɔ́ gúdo wɛ mi ka ná tɔ́n ahwan yě sín ɖo ajijimɛ.”

Jozuwée 8:4

bó ɖɔ nú yě ɖɔ: “Mi tɔwu ɖo toxo ɔ́ gúdo, mi ma lín dó toxo ɔ́ dín ó, mi nɔ acéjí bó ná tɔ́n ahwan yě.

2 Piyɛ́ɛ 3:10

É ka ɖo mɔ̌ có, Aklúnɔ sín azǎn ɔ́ ná wá ajotɔ́ ɖɔhun. Azǎn énɛ́ gbe ɔ́, jǐnukúnsin ná bú kpó zǐngídi ɖaxó ɖé kpó; Mawu ná zé myɔ dó vɔ nǔ e ɖo jǐnukúnsin lɛ́ɛ ná; ayǐkúngban kpó nǔ e ɖ'é mɛ lɛ́ɛ kpó bǐ ná bú.

Hwɛɖɔtɔ́ 9:32

Din ɔ́, hwi kpó ahwan towe lɛ́ɛ kpó ní tɔ́n zǎn mɛ din bó yi tɔ wu ɖo zunkan mɛ.