Jozuwée 8:1 - MAWUXÓWÉMA

¹ Mawu Mavɔmavɔ ɖɔ nú Jozuwée ɖɔ: “Ma ɖi xɛsi ó, ado ní má hu we ó. Kplá ahwangɔnu towe bǐ bónú mi yi tɔ́n ahwan Ayíi toxo ɔ́. Éɖíe, un jó axɔ́sú Ayíi tɔn ɔ́ kpó togun tɔn kpó nú we; un jó toxo tɔn kpó ayǐkúngban tɔn kpó nú we.

Jozuwée 8:1 Iomraidhean Croise

Ɖɛhan 27:1

Davídi sín han. Mawu Mavɔmavɔ wɛ nyí wěziza ce, bó nyí mɛhwlɛ́ngántɔ́ ce; mɛ̌ un ka ná ɖi xɛsi ná? Mawu Mavɔmavɔ lɔmɛ wɛ gbɛ ce ɖe; mɛ̌ un ka ná hɔn ná?

Ɖɛhan 44:3

A sɔ́ hlɔ̌nhlɔ́n towe dó nya akɔta ɖě lɛ́ɛ, bó sɔ́ tɔ́ mǐtɔn lɛ́ɛ ɖó tɛn yětɔn mɛ. A dǒ ya nú togun ɖě lɛ́ɛ, bó dó ná tɛnmɛ yě.

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Ezayíi 12:2

Mawu Mɛhwlɛ́ngántɔ́ ce ɔ́ ɖíe, un ɖeji dó wǔ tɔn, xɛsi sɔ́ ɖi mì ǎ, ɖó Mawu Mavɔmavɔ wɛ nyí hlɔ̌nhlɔ́n ce, bó nyí han ɖo nu ce; é wɛ nyí hwlɛngán ce.”

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Jelemíi 46:27

Mawu ɖɔ: “Mɛsɛntɔ́ ce Izlayɛ́li, hwɛ ɔ́, ma ɖi xɛsi ó. Jakɔ́bu ví, ado ma hu we ó. Đó un na hwlɛ́n we gán ɖo gbě ji fí e a ɖe ɔ́. Un na hwlɛ́n vǐ towe lɛ́ɛ gán ɖo to e mɛ yě ɖo mɛ kan nu ɖe é. Izlayɛ́li, a nǎ lɛ́ kɔ wá, bó ná vo, bɔ ayi towe ná jɛ ayǐ; mɛ ɖěbǔ sɔ́ ná dó ya nú we ǎ.

Jelemíi 49:3

Hɛcibɔ́ninu lɛ́ɛ mi, mi ya avǐ, ɖó Ayíi to ɔ́ gba! Hlaba gletoxo mɛ nu lɛ́ɛ mi, mi sú xó, mi fɔ ati kplá dó ɖe xlɛ́ ɖɔ mi ɖo aluwɛ mɛ; mi dó gbɛvíhan, mi kan wezun gbɔn ɖisí amyɔ gbɔn gle lɛ́ɛ mɛ. Đó Milukɔ́mu vodún Amumɔ́ɔ ví lɛ́ɛ tɔn xwe kannumɔgbénu, é kpódó vɔ̌sátɔ́ tɔn lɛ́ɛ kpó hunnɔ tɔn lɛ́ɛ kpó.

Daniyɛ́li 2:21

É wɛ nɔ́ húzú hwenu lɛ́ɛ. É wɛ nɔ́ húzú nǔ e ɖo jijɛ wɛ lɛ́ɛ. É wɛ nɔ́ ɖe axɔ́sú sín gǎnzinkpo jí. É wɛ nɔ́ zé mɛ axɔ́sú. É wɛ nɔ́ ná nǔnywɛ́ nǔnywɛ́tɔ́ lɛ́ɛ. É wɛ nɔ́ ná nukúnnú-mɔjɛnǔmɛ nukúnnú-mɔjɛnǔmɛtɔ́ lɛ́ɛ.

Daniyɛ́li 4:25

Nǔ e ɖo nǎ jɛ wɛ bɔ è ɖɔ nú axɔ́sú Nabukodonɔzɔ́ɔ lɛ́ɛ bǐ jɛ.

Matíe 8:26

Jezu ka ɖɔ nú yě ɖɔ: “Étɛ́ sín xɛsi ɖi wɛ mi ka ɖe? Nǔɖiɖihwedónánɔ e mi!” Énɛ́ ɔ́ gúdo ɔ́, é sí te, bó ɖe gbe dó jɔhɔn ɔ́ kpódó xu ɔ́ kpó, bɔ fí bǐ cí tóó.

Sɛ́nflínmɛ 1:21

Mi kpɔ́n, Mawu Mavɔmavɔ, Mawu mitɔn sɔ́ to élɔ́ dó acɛ mitɔn mɛ. Mi yá wǔ wlí ali bó yí to ɔ́, lě e Mawu Mavɔmavɔ, Mawu tɔ́gbó mitɔn lɛ́ɛ tɔn dó akpá tɔn nú mi gbɔn é. Mi kpan akɔ́n, mi ma ɖi xɛsi ó.”

Sɛ́nflínmɛ 31:8

Mawu Mavɔmavɔ ɖésú ná nɔ nukɔn nú we, é ɖésú ná nɔ kpɔ́ xá we, é ná jó we dó ǎ, é ná ɖe alɔ sín kan towe mɛ ǎ. Ma ɖi xɛsi ó, ado ma hu we ó.”

Sɛ́nflínmɛ 7:18

Mi ma ɖi xɛsi nú yě ó. Mi flín nǔ e Mawu Mavɔmavɔ, Mawu mitɔn dó sín xá Ejípu xɔ́sú ɔ́ kpó Ejípu togun ɔ́ bǐ kpó é hwebǐnu; mi ma wɔn gbeɖé ó.

Sɛ́nflínmɛ 7:21

Mi ma sísɔ́ ɖo akɔta énɛ́ lɛ́ɛ nukɔn ó: Mawu Mavɔmavɔ, Mawu mitɔn ɖo tɛ́ntin mitɔn; Mawu ɖaxó wɛ, lobo dó xɛsi.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Jozuwée 10:7

Ée Jozuwée se mɔ̌ tlóló ɔ́, é kplá ahwanfuntɔ́ tɔn syɛ́nsyɛ́n lɛ́ɛ, kpó ahwangɔnu ɔ́ bǐ kpó, bɔ yě gosín Gilugalu.

Jozuwée 10:8

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

Jozuwée 2:24

Yě ɖɔ nú Jozuwée ɖɔ: “Mǐ mɔ ɖɔ Mawu Mavɔmavɔ jó to ɔ́ bǐ nú mǐ nǔgbó; to ɔ́ mɛ nu lɛ́ɛ bǐ wɛ kó ɖo xɛsi ɖi nú mǐ wɛ.”

Jozuwée 6:2

Mawu Mavɔmavɔ ká ɖɔ nú Jozuwée ɖɔ: “Kpɔ́n, un ná jó Jeliko toxo ɔ́ nú we, bó ná jó axɔ́sú e kpa acɛ ɖo toxo ɔ́ mɛ ɔ́ kpó ahwanfuntɔ́ toxo ɔ́ tɔn lɛ́ɛ kpó nú we.

Jozuwée 7:9

Kanáanu lɛ́ɛ kpó mɛ e ɖo to ɔ́ mɛ lɛ́ɛ bǐ kpó ná se xó énɛ́ ɔ́, bó ná wá xá mǐ, lobo ná sú kún mǐtɔn dó. Ényí nǔ ká cí mɔ̌ ɔ́, nɛ̌ wɛ a nǎ ɖe susu towe xlɛ́ gbɔn lo?”