Jozuwée 7:2 - MAWUXÓWÉMA

² Jozuwée sɛ́ mɛ dó sín Jeliko ɖɔ yě ní yi Ayíi. Toxo énɛ́ ɔ́ ɖo zǎnzǎnhwe jí nú Betɛ́li ɖo Bɛti-Awɛni kpá. É ɖɔ nú yě ɖɔ yě ní yi kpɔ́n lě e toxo ɔ́ ɖe gbɔn ɔ́. Ée yě yi kpɔ́n toxo ɔ́,

Jozuwée 7:2 Iomraidhean Croise

Bǐbɛ́mɛ 12:8

Énɛ́ ɔ́ gúdo ɔ́, Ablámu gosín Sikɛ́mu, bó yi sókan mɛ, ɖo Betɛ́li sín zǎnzǎnhwe jí, bó ɖó gɔnu nyi fínɛ́. Betɛ́li ɔ́ ɖo gbadahwe jí n'i, bɔ Ayíi ɖo zǎnzǎnhwe jí n'i. É lɛ́ mɛ vɔ̌sákpe ɖěvo ɖó fínɛ́ nú Mawu Mavɔmavɔ, lobo nɔ xomlá nyǐkɔ tɔn.

Bǐbɛ́mɛ 28:19

É sun nyǐ tɛn ɔ́ mɛ ɖɔ Betɛ́li; tínmɛ tɔn wɛ nyí “Xwé Mawu tɔn”. Lǔzi wɛ toxo ɔ́ ká nɔ́ nyí ɖ'ayǐ.

1 Axɔ́sú 12:29

Ée é ɖɔ mɔ̌ ɔ́, é zé nyibúví ɔ́ ɖokpó ɖó Betɛ́li ɖo afɔligbé, bó zé ɖokpó ɖó Dan ɖo taligbé.

Nɛɛmíi 11:31

Bɛnjamɛ́ɛ ví lɛ́ɛ sá xwé ɖó Gɛva, bó sá ɖó Mikumasi, bó sá ɖó Aya, bó sá ɖó Betɛ́li kpó gletoxo e lɛ́ lɛ̌ dó yě lɛ́ɛ kpó mɛ.

Nǔnywɛ́xó 20:18

Mɛ ɖé lin nǔɖé ná wa bónú è kplɔ́n ɛ nǔ ɖagbe d'é wú ɔ́, é ná kpé nǔ ɔ́ wú bó ná wa; mɛ ɖé xwe ahwan fun gbé hǔn, é ní sɔ́ nǔ tɔn ganjí cóbó yi.

Nǔnywɛ́xó 24:6

Nǔgbó ɔ́, a ja ahwan fun gbé bó ɖe wě d'é wú ganjí ɔ́, a nǎ ɖu ɖ'é jí; mɛ e ná ɖe wě dó to wú lɛ́ɛ sukpɔ́ ɔ́, to nɔ nɔ te.

Ezayíi 10:28

Kɛntɔ́ ɔ́ sɛkpɔ́ Ayati. É gbɔn Miglɔni bó jó agban tɔn lɛ́ɛ dó nyi Mikumasi.

Jelemíi 49:3

Hɛcibɔ́ninu lɛ́ɛ mi, mi ya avǐ, ɖó Ayíi to ɔ́ gba! Hlaba gletoxo mɛ nu lɛ́ɛ mi, mi sú xó, mi fɔ ati kplá dó ɖe xlɛ́ ɖɔ mi ɖo aluwɛ mɛ; mi dó gbɛvíhan, mi kan wezun gbɔn ɖisí amyɔ gbɔn gle lɛ́ɛ mɛ. Đó Milukɔ́mu vodún Amumɔ́ɔ ví lɛ́ɛ tɔn xwe kannumɔgbénu, é kpódó vɔ̌sátɔ́ tɔn lɛ́ɛ kpó hunnɔ tɔn lɛ́ɛ kpó.

Ozée 4:15

Óo! Izlayɛ́linu lɛ́ɛ mi! Mi fɔ́n bó ɖo aga lɛ wɛ. Amɔ̌, Judáanu lɛ́ɛ mi, mi ma hu hwɛ e yě hu ɔ́ ó. Mi ma yi Gilugalu ó, mi ma yi Bɛti-Awɛni ó, mi ma ka xwlé nǔ bó ɖɔ: “Mawu Mavɔmavɔ ɖo gbɛ” ó.

Matíe 10:16

“Éɖíe, un sɛ́ mi dó, bɔ mi ná cí lɛ̌ngbɔ́ ɖo hla lɛ́ɛ tɛ́ntin ɖɔhun e; mi bo ɖó ayi te dan ɖɔhun, bó fá xomɛ ahwannɛ́ ɖɔhun.

Efɛ́zinu 5:15

Hǔn mi bo cɔ́ miɖée ganjí dó gbɛ e zán wɛ mi ɖe ɔ́ wú. Mi ma zán gbɛ mitɔn xlonɔ ɖɔhun ó; lo ɔ́, mi zán gbɛ mitɔn nǔnywɛ́tɔ́ ɖɔhun.

Jozuwée 12:9

Axɔ́sú e jí Jozuwée kpó Izlayɛ́li ví lɛ́ɛ kpó ɖu ɖe lɛ́ɛ ɖíe: Jeliko xɔ́sú ɔ́, Ayíi xɔ́sú ɔ́; Betɛ́li kpá wɛ Ayíi ɔ́ ɖe.

Jozuwée 18:12

Dogbó tɔn e ɖo taligbé ɔ́, bɛ́ sín Judɛ́ɛn tɔ ɔ́ tó, bó fán Jeliko só ɔ́ yi ɖó fí ɖé, ɖo taligbé, lobo gbɔn sókan mɛ dín ɖidó gbadahwe jí, bó hun káká yi gbětótló mɛ ɖo Bɛti-Awɛni.

Jozuwée 2:1

Jozuwée Nuni ví ɔ́ nɔ Citímu bó sɛ́ dobanúnǔtɔ́ we dó Jeliko ɖɔ yě ní gbɔn nǔglɔ́ nǔglɔ́ bó ba do nú to ɔ́. É ɖɔ nú yě ɖɔ yě ní ba do nú Kanáa to ɔ́ bǐ, ɖo tají ɔ́, yě ní ba do nú Jeliko toxo ɔ́. Ée mɛ we lɛ́ɛ yi to ɔ́ mɛ ɔ́, yě yi dɔ́ nyɔ̌nu agalɛtɔ́ ɖé xwé; è nɔ ylɔ́ nyɔ̌nu ɔ́ ɖɔ Hlaxábu.

Jozuwée 7:3

yě lɛ́ kɔ wá ɖɔ nú Jozuwée ɖɔ: “É byɔ́ ɖɔ è nǐ sɛ́ ahwangɔnu ɔ́ bǐ dó ahwan fun xá toxo énɛ́ ɔ́ gbé ǎ. Gbɛtɔ́ afɔwó (2.000) abǐ afɔwó-afatɔ́n (3.000) yi ɔ́, é kó kpé, ɖó mɛ e ɖo toxo ɔ́ mɛ lɛ́ɛ sukpɔ́ ɖěbǔ ǎ. È nǎ xaji dó tagba nú ahwangɔnu mǐtɔn ɔ́ bǐ ǎ.”

1 Samuwɛ́li 13:5

Filisitɛ́ɛn lɛ́ɛ kplé bó ná tɔ́n ahwan Izlayɛ́li. Yě ɖó ahwankɛkɛ́ví adɔ̌kpo ɖě děgba we afɔwó (30.000), bó ɖó sɔ́xátɔ́ děgba ɖě afɔwó (6.000). Ahwanfuntɔ́ e ɖo fínɛ́ lɛ́ɛ sukpɔ́, è sixú xa ǎ. Yě sukpɔ́ káká, bó cí kɔ́ e ɖo xutó é ɖɔhun, bɔ yě wá ɖó gɔnu ɖó Mikumasi, ɖo zǎnzǎnhwe jí ɖo Bɛti-Awɛni.

1 Samuwɛ́li 14:23

Lě e Mawu Mavɔmavɔ bló bɔ Izlayɛ́li ví lɛ́ɛ ɖu ɖ'é jí gbɔn ɔ́ nɛ́. Izlayɛ́li ví lɛ́ɛ fun ahwan ɔ́ káká bó zɛ Bɛti-Awɛni wú.

1 Samuwɛ́li 30:27

Yě mɛ énɛ́ lɛ́ɛ wɛ nyí tomɛxó e ɖo Betɛ́li lɛ́ɛ, tomɛxó e ɖo Hlamɔti tofɔligbé lɛ́ɛ kpó éé ɖo Yatíi lɛ́ɛ kpó.