Jozuwée 7:1 - MAWUXÓWÉMA

¹ Izlayɛ́li ví lɛ́ɛ bló nǔ e Mawu Mavɔmavɔ gbɛ́ nú yě ɖɔ yě ní má bló ó é; ɖó nya ɖé ɖo yě mɛ, bó nɔ́ nyí Akáni, bó jɔ ɖo akɔta Judáa tɔn mɛ. Akáni ɔ́, Kaamíi ví wɛ, bɔ Kaamíi nyí Zavúdi ví, bɔ Zavúdi nyí Zeláxi ví. Dɔkun e Mawu Mavɔmavɔ gbɛ́ ɖɔ yě ní má bɛ́ ó lɛ́ɛ ɔ́, Akáni fɔ nǔɖé lɛ́ɛ ɖ'é mɛ. Nǔ énɛ́ ɔ́ wɛ zɔ́n bɔ Mawu Mavɔmavɔ sin xomɛ dó Izlayɛ́li ví lɛ́ɛ.

Jozuwée 7:1 Iomraidhean Croise

Bǐbɛ́mɛ 34:27

Jakɔ́bu ví súnnu e kpo lɛ́ɛ bɛ́ nǔ e ɖo cyɔ lɛ́ɛ wú lɛ́ɛ bǐ, bó fɔ nǔ e ɖo toxo ɔ́ mɛ lɛ́ɛ bǐ, ɖó è dǒ winnyá nɔví yětɔn.

2 Samuwɛ́li 24:1

Mawu Mavɔmavɔ lɛ́ sin xomɛ dó Izlayɛ́li ví lɛ́ɛ, bó dɔn Davídi dó yě jí, bó ɖɔ n'i ɖɔ: “Yi sɔ́ mɛ e ɖo Izlayɛ́li kpó Judáa kpó lɛ́ɛ sín kɛ́n.”

2 Axɔ́sú 5:24

Ée yě jɛ Ofɛ́lu ɔ́, Gehazíi yí nǔ lɛ́ɛ, bó bɛ́ yi ɖó xwé gbe, bó nyi mɛ lɛ́ɛ bɔ yě yi.

1 Tan 21:7

Kɛ́n énɛ́ e Davídi ɖɔ bɔ è sɔ́ ɔ́ nyɔ́ Mawu nukún mɛ ǎ, bɔ é dɔn tó nú Izlayɛ́li togun ɔ́.

2 Tan 24:18

Ée axɔ́sú ɔ́ jɛ nǔ e yě nɔ́ kplɔ́n ɛ lɛ́ɛ xwedó jí ɔ́, Izlayɛ́li ví lɛ́ɛ jó Mawu Mavɔmavɔ, Mawu tɔ́gbó yětɔn lɛ́ɛ tɔn ɔ́ sín xwé ɔ́ dó, bó jɛ vodún Acela kpó bǒcyɔ ɖěvo ɖěvo lɛ́ɛ kpó sɛn jí. Énɛ́ ɔ́ wú wɛ Mawu Mavɔmavɔ sin xomɛ dó axɔ́súɖuto Judáa tɔn ɔ́ kpó Jeluzalɛ́mu toxo ɔ́ kpó.

Ɛsidlási 9:6

bó ɖɔ n'i ɖɔ: “Mawu ce, winnyá tɛ́ ɖíe! Mawu ce, winnyá ɖo huhu mì wɛ dín, bɔ un sixú glá bó kpɔ́n we sɛ́ dó ǎ. Hwɛ e mǐ hu lɛ́ɛ sukpɔ́, yě yi jǐ káká bó hú taga mǐ; hwɛ mǐtɔn lɛ́ɛ kplé káká yi jǐnukúnsin.

Jɔ̌bu 35:8

Alǎnnú e a nɔ wa lɛ́ɛ ɔ́, gbɛtɔ́ towe ɖɔhun lɛ́ɛ wú jɛ́n alǎnnú towe sixú wa nǔ dó. Nǔ jlɔ́jlɔ́ e a nɔ wa lɛ́ɛ ɔ́, gbɛtɔ́ jɛ́n sixú ɖu gbɛ tɔn.

Nǔnywɛ́tɔ́xó 9:18

Nǔnywɛ́ nyɔ́ hú ahwanfunnú lɛ́ɛ; lo ɔ́, mɛ e ma nɔ lin tamɛ cóbó nɔ́ wa nǔ ǎ ɖokpó géé nɔ́ hɛn nǔ ɖagbe e nǔnywɛ́ nɔ́ ná mɛ ɔ́ gěgé gblé.

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Levíi ví 10:6

Énɛ́ ɔ́ gúdo ɔ́, Mɔyízi ɖɔ nú Aalɔ́ɔn kpó vǐ súnnu tɔn Eleazáa kpó Itamáa kpó ɖɔ: “Mi ma jó ɖa mitɔn dó nyi kannyaa ó, mi ma vún awu mitɔn lɛ́ɛ ó. É má nyí mɔ̌ ǎ ɔ́, mi táá kú, Mawu Mavɔmavɔ táá wá sin xomɛ dó togun ɔ́ bǐ. Mi jó Izlayɛ́li ví nɔví súnnu mitɔn lɛ́ɛ bǐ dó nú yě ní ví mɛ e Mawu Mavɔmavɔ zé myɔ dó hu lɛ́ɛ.

Jonási 1:7

Mɛ e ɖo hǔn ɔ́ mɛ lɛ́ɛ jɛ ɖiɖɔ nú yěɖée jí ɖɔ: “Mi wá mǐ ní ba do ná, bó ná tunwun mɛ e wú awě élɔ́ ɖo mǐ xo wɛ é.” Ée yě ɖɔ mɔ̌ ɔ́, yě nyi akɔ, bɔ akɔ jɛ Jonási jí.

Jozuwée 22:16

“Xó e togun Mawu Mavɔmavɔ tɔn ɔ́ bǐ kplé bó ɖɔ ɔ́ ɖíe: Agɔ tɛ́ ká nyí énɛ́ ɔ́ bɔ mi jɛ dó Mawu Izlayɛ́li tɔn ɔ́? Égbé din ɔ́, mi lɛ́ kɔ sín Mawu Izlayɛ́li tɔn ɔ́ gǔdo; mi mɛ vɔ̌sákpe, mi fɔ́n gǔ dó jǐ tɔn.

Jozuwée 22:18

Éɖíe mi lɛ́ kɔ sín Mawu Mavɔmavɔ gúdo égbé din e! Ényí mi fɔ́n gǔ dó jǐ tɔn égbé ɔ́, sɔ wá su ɔ́, Izlayɛ́li togun ɔ́ bǐ wɛ é nǎ zé xomɛsin tɔn dó wa nǔ xá.

Jozuwée 22:20

Hwenu e Akáni Zeláxi ví ɔ́ hu hwɛ ɖaxó, ɖó é bɛ́ dɔkun e è gbɛ̌ ɖɔ è nǐ má bɛ́ ó lɛ́ɛ wútu ɔ́, Izlayɛ́li togun ɔ́ bǐ wɛ Mawu Mavɔmavɔ zé xomɛsin tɔn dó wa nǔ xá, mi tunwun ganjí. Ényí Akáni ɖokpónɔ wɛ kú ɖó hwɛ énɛ́ ɔ́ e é hu ɔ́ wútu ǎ.”