Jozuwée 4:3 - MAWUXÓWÉMA

³ bó ná zɔ́n yě ɖɔ yě ní yi tɔ zan ɔ́ jí ɖo fí e vɔ̌sánú-xwlémawutɔ́ lɛ́ɛ nɔ te ɖe ɔ́, bó bɛ́ awǐnnya wěwe wá. Yě ná bɛ́ awǐnnya énɛ́ lɛ́ɛ yi ɖó fí e ná dɔ́ wɛ mi ɖe égbé é.”

Jozuwée 4:3 Iomraidhean Croise

Bǐbɛ́mɛ 28:22

Awǐnnya élɔ́ e un sɔ́ tun te dó bló awǐnnya e è nǎ nɔ́ sɛn ɔ́ ná nyí Mawu xwé.” Bɔ é ɖɔ nú Mawu ɖɔ: “Nǔ e a nǎ ná mì lɛ́ɛ ɔ́, un ná ná we bǐ sín mǎɖówǒ.”

Ɖɛhan 103:2

Lǐndɔ̌n ce ní kpa susu nú Mawu Mavɔmavɔ. Ní ma wɔn ɖagbe e é wa lɛ́ɛ kwín ɖokpó ó.

Ɖɛhan 11:4

Mawu Mavɔmavɔ ɖo nɔtɛn tɔn mímɛ́ ɔ́, axɔ́súzinkpo tɔn ɖo jǐxwé dɔ̌n. Nukún tɔn ká ɖo gbɛtɔ́ lɛ́ɛ bǐ jí; é mɔ do nú nǔ e wa wɛ yě ɖe lɛ́ɛ bǐ.

Luki 19:40

Jezu ka yí gbe nú yě ɖɔ: “Má ɖɔ nú mi: yědɛɛ lɛ́ɛ na bó xwɛ ɔ́, awǐnnya lɛ́ɛ ná sú xó.”

Jozuwée 24:27

bó ɖɔ nú togun ɔ́ ɖɔ: “Mi kpɔ́n awǐnnya élɔ́ ganjí, é wɛ ná ɖe kúnnu nú mǐ, ɖó é se xó e Mawu Mavɔmavɔ ɖɔ nú mǐ lɛ́ɛ bǐ. É wɛ ná nɔ flín nǔ mi, bɔ mi ná lɛ́ kɔ sín Mawu mitɔn gúdo ǎ.”

Jozuwée 3:13

Hwenu e vɔ̌sánú-xwlémawutɔ́ e hɛn akɔjijɛgbá Mawu Mavɔmavɔ tɔn, Aklúnɔ e ɖó ayǐkúngban ɔ́ bǐ é tɔn ɔ́ lɛ́ɛ ná tɛ afɔ tɔ ɔ́ mɛ lě tlóló ɔ́, tɔ ɔ́ ná gbo bɔ sin ɔ́ ná kplé cí fí ɖokpó nǔɖé wɛ hɛn ɛ ɖó te ɖɔhun.”

Jozuwée 4:4

Jozuwée ylɔ́ súnnu wěwe e é zɔ́n bɔ è cyán ɖo Izlayɛ́li ví lɛ́ɛ mɛ lɛ́ɛ, è sɔ́ súnnu ɖokpó ɖokpó gbɔn akɔta ɖokpó ɖokpó mɛ.

Jozuwée 4:8

Énɛ́ ɔ́ gúdo ɔ́, mɛ e è cyán lɛ́ɛ bló nǔ e Jozuwée zɔ́n yě ɔ́. Yě yi bɛ́ awǐnnya wěwe ɖo Judɛ́ɛn tɔ ɔ́ tɛ́ntin, bó bɛ́ hɛn yi fí e yě ɖɔ é. Akɔta ɖokpó awǐnnya ɖokpó lě e Mawu Mavɔmavɔ ɖésú ɖɔ gbɔn nú Jozuwée é.

1 Samuwɛ́li 7:12

Samuwɛ́li sɔ́ awǐnnya ɖokpó, bó sɔ́ ɖó Misipa kpó Ceni kpó tɛ́ntin, bó ylɔ́ fínɛ́ ɖɔ Evɛ́ni-Ezɛ́ɛ, tínmɛ tɔn wɛ nyí Alɔgɔ́númɛ sín awǐnnya, bó dó ɖo ɖiɖɔ wɛ ɖɔ: “Mawu Mavɔmavɔ dó alɔ mǐ káká wá jɛ fí.”