Jozuwée 3:5 - MAWUXÓWÉMA

⁵ Jozuwée ɖɔ nú togun ɔ́ ɖɔ: “Mi slá wǔ, ɖó sɔ ɔ́, Mawu Mavɔmavɔ ná jlɛ́ nǔ ɖo tɛ́ntin mitɔn.”

Jozuwée 3:5 Iomraidhean Croise

Jozuwée 7:13

Din ɔ́, yi ɖɔ nú togun ɔ́ ɖɔ é ní sɔ́ nǔ, bó wá kpé mì. Đe gbe n'i bónú é ní slá wǔ nú sɔ, ɖó nyɛ Mawu Mavɔmavɔ, Mawu Izlayɛ́li tɔn ɔ́, nǔ e ɖɔ nú Izlayɛ́li ví lɛ́ɛ wɛ un ɖe ɔ́ ɖíe: Dɔkun e un gbɛ́ ɖɔ mi ní ma bɛ́ ó lɛ́ɛ ɔ́, nǔ lɛ́ɛ ɖo así mitɔn. Ényí mi ma bɛ́ yě tɔ́n sín tɛ́ntin mitɔn ǎ ɔ́, mi ná sixú nɔ te ɖo kɛntɔ́ mitɔn lɛ́ɛ nukɔn ǎ.

Levíi ví 20:7

“Mi sɔ́ miɖée ɖó vo bó ná nyí ce, ɖó Mawu Mavɔmavɔ, Mawu mitɔn wɛ un nyí.”

Jowɛ́li 2:16

Mi ylɔ́ togun ɔ́ bǐ kplé, ní nyí kplé ɖaxó. Mi kplé degénɔ lɛ́ɛ, mi kplé yɔ̌kpɔ́vú lɛ́ɛ, bó kplé vǐ ɖo anɔ̌nu lɛ́ɛ lɔmɔ̌. Mɛ e da asi yɔ̌yɔ́ ɔ́ ní tɔ́n sín xwé tɔn gbe; nyɔ̌nu e yi asúxwé yɔ̌yɔ́ ɔ́ ní tɔ́n sín xɔ tɔn mɛ.

1 Samuwɛ́li 16:5

Samuwɛ́li yí gbe ɖɔ: “Ɛɛn, ɖagbe wɛ. Vɔ̌ ɖé sá gbé wɛ un ja bo wá. Mi slá wǔ bó ná kplá mì yi vɔ̌sísá ɔ́ do mɛ.” Samuwɛ́li ylɔ́ Jɛsée kpó vǐ tɔn lɛ́ɛ kpó ɖɔ yě lɔ ní wá slá wǔ.

Jǎan 17:19

Un sɔ́ nyɛ ɖésú bǐ jǒ nú we ɖó yě wú, nú yě lɔmɔ̌ ná sixú nyí towe nǔgbó.

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

Ɖɛhan 86:10

Đó a d'agba, a nɔ wa nǔjíwǔ, hwi ɖokpónɔ wɛ nyí Mawu.

Jɔ̌bu 1:5

Nú yě ɖu agɔ̌ fó ɔ́, Jɔ̌bu nɔ ylɔ́ yě bó nɔ́ slá wǔ nú yě. Ayǐhɔ́ngbe tɔn ɔ́, é nɔ́ fɔ́n zǎn, bó nɔ́ sá vɔ̌ e è nɔ dó zo ɔ́ nú Mawu, dó vǐ lɛ́ɛ ɖokpó ɖokpó ta mɛ, ɖó é nɔ́ ɖo ɖiɖɔ dó ayi mɛ wɛ ɖɔ: “È nɔ nywɛ́ ǎ, vǐ ce lɛ́ɛ sixú kó hu hwɛ ɖé din. Yě sixú ko dó nu Mawu ɖo ayi mɛ.” Lě e Jɔ̌bu nɔ wa nǔ gbɔn tɛgbɛ ɔ́ nɛ́.

Jozuwée 3:13

Hwenu e vɔ̌sánú-xwlémawutɔ́ e hɛn akɔjijɛgbá Mawu Mavɔmavɔ tɔn, Aklúnɔ e ɖó ayǐkúngban ɔ́ bǐ é tɔn ɔ́ lɛ́ɛ ná tɛ afɔ tɔ ɔ́ mɛ lě tlóló ɔ́, tɔ ɔ́ ná gbo bɔ sin ɔ́ ná kplé cí fí ɖokpó nǔɖé wɛ hɛn ɛ ɖó te ɖɔhun.”

Jozuwée 3:15

Nǔkún-yiyahwenu, hwenu e Judɛ́ɛn tɔ ɔ́ nɔ ɖi sin, bo nɔ gba kpé fí bǐ ɔ́ wɛ mɛ e hɛn akɔjijɛgbá ɔ́ lɛ́ɛ wá tɔ ɔ́ tó. Ée vɔ̌sánú-xwlémawutɔ́ lɛ́ɛ tɛ afɔ sín ɔ́ mɛ lě tlóló ɔ́,

Kɛ́nsísɔ́ 11:8

Togun ɔ́ nɔ́ gbadó, bó nɔ́ yi bɛ́ mǎna zǎnzǎn. Yě nɔ́ li ɖo sé jí, abǐ yě nɔ́ só ɖo tomɛ; yě nɔ́ ɖa ɖo zɛ̌n mɛ, bó nɔ́ dó bló atá ná. Atá e è sɔ ɖo ami mɛ ɔ́ ɖɔhun wɛ mǎna ɔ́ nɔ́ cí ɖo nu mɛ.

Jozuwée 3:4

Énɛ́ ɔ́, é ná xlɛ́ ali e mi ná gbɔn ɔ́ mi, ɖó mi ko gbɔn fínɛ́ kpɔ́n gbeɖé ǎ. Mi ma ka sɛkpɔ́ ɛ dín ó, mi nɔ zɔ n'i nú kilomɛ́tlu ɖokpó mɔ̌.”

Jozuwée 3:6

Ée ayǐ hɔ́n ɔ́, é ɖɔ nú vɔ̌sánú-xwlémawutɔ́ lɛ́ɛ ɖɔ yě ní zé akɔjijɛgbá ɔ́, bó jɛ nukɔn nú togun ɔ́. Yě ká zé akɔjijɛgbá ɔ́, bó jɛ nukɔn nú togun ɔ́ ɖidó.

Ɖɛhan 77:15

Hwi Mawu ɔ́, hwi ɖokpónɔ géé wɛ nɔ́ wa nǔjíwǔ; a ɖe hlɔ̌nhlɔ́n towe xlɛ́ ɖo togun lɛ́ɛ tɛ́ntin.