Jozuwée 3:4 - MAWUXÓWÉMA

⁴ Énɛ́ ɔ́, é ná xlɛ́ ali e mi ná gbɔn ɔ́ mi, ɖó mi ko gbɔn fínɛ́ kpɔ́n gbeɖé ǎ. Mi ma ka sɛkpɔ́ ɛ dín ó, mi nɔ zɔ n'i nú kilomɛ́tlu ɖokpó mɔ̌.”

Jozuwée 3:4 Iomraidhean Croise

Bǐbɛ́mɛ 31:2

Jakɔ́bu lɔ ka mɔ ɖɔ Labáan kún sɔ́ nɔ́ sɔ́ nukún ɖagbe dó kpɔ́n émí ná ó. Labáan sɔ́ ɖó ninɔmɛ xóxó ɔ́ dó wǔ tɔn ǎ.

1 Tan 11:2

Đ'ayǐ e Sawúlu nyí axɔ́sú mǐtɔn ɔ́, hwi wɛ nɔ kplá ahwanfuntɔ́ Izlayɛ́li tɔn lɛ́ɛ yi ahwangbénu, bó nɔ lɛ́ kplá yě wá xwé. Mawu Mavɔmavɔ, Mawu towe ko ɖɔ nú we ɖ'ayǐ ɖɔ hwi ná kpé nukún dó togun émítɔn Izlayɛ́li ɔ́ wú lě e lɛ̌ngbɔ́nyitɔ́ nɔ kpé nukún dó lɛ̌ngbɔ́ tɔn lɛ́ɛ wú é ɖɔhun; hwi wɛ ná nyí to ɔ́ sín gǎn.”

Ɖɛhan 25:12

Ényí mɛɖé ɖó sísí nú Mawu Mavɔmavɔ ɔ́, Mawu Mavɔmavɔ nɔ xlɛ́ ɛ ali e é ɖó ná sɔ́ é.

Ɖɛhan 89:7

Mɛ̌ è ka sixú jlɛ́ dó hwi Mawu Mavɔmavɔ wú ɖo jǐnukúnsin? Nǔmɛsɛn lɛ́ɛ ɖě tɛ́ ká yá ga we?

Tíntɔ́n 19:12

A nǎ ɖǒ dogbó nú yě lɛ́ lɛ̌ dó só ɔ́, bó ná dó sɛ́n nú yě ɖɔ yě nǐ má xá só ɔ́ jí ó, yě nǐ má ká ɖó alɔ wú ó. Mɛ ɖěbǔ ɖó alɔ wú ɔ́, mɛ ɔ́ ná kú.

Tíntɔ́n 3:5

Bɔ Mawu ɖɔ: “Ma sɛkpɔ́ fí ó. Đe afɔkpa sín afɔ, ɖó ayǐkúngban e jí a ɖe ɔ́, ayǐkúngban ɖeɖóvo wɛ.”

Tíntɔ́n 4:10

Mɔyízi ɖɔ nú Mawu Mavɔmavɔ ɖɔ: “Nǔ sixú nyí mɔ̌ ǎ Aklúnɔ, un ɖi ɖɛ̌ ǎ; un nyɔ́ xó ɖɔ sín do ǎ. Sín hwenu e a ɖo xó ɖɔ nú mì wɛ káká jɛ din ɔ́, lě e un ɖe ɔ́ jɛ́n un ɖe. Xóɖiɖɔ kó nɔ nyí tagba nú mì ɖ'ayǐ.”

Ezayíi 30:33

Fí e è nǎ dó axɔ́sú ɔ́ zo ɖe ɔ́, è blǒ ɖ'ayǐ din ɔ́, é kó lín; fí ɔ́ gbló bó gɔ́ngɔ́n bɔ è to nakí d'é mɛ. Mawu Mavɔmavɔ sín funfún ná dó nakí ɔ́ zo, bɔ é ná ji hɛhɛ hwemí ɖɔhun.

Ezayíi 48:17

Xó e Mawu Mavɔmavɔ, Mɛhwlɛ́ngántɔ́ towe, Mɛ Mímɛ́ Izlayɛ́li tɔn ɖɔ ɔ́ ɖíe: “Nyɛ Mawu Mavɔmavɔ ɔ́, nyɛ wɛ nyí Mawu towe; nyi wɛ ná ɖɔ nǔ e ná nyɔ́ nú we ɔ́ nú we. Nyi wɛ ɖo ali xlɛ́ we wɛ ɖo ali e a mlɛ̌ ɔ́ jí.

Jozuwée 3:3

Yě ɖɔ nú togun ɔ́ ɖɔ: “Hwenu e mi ná mɔ Levíi ví vɔ̌sánú-xwlémawutɔ́ lɛ́ɛ hɛn akɔjijɛgbá Mawu Mavɔmavɔ, Mawu mitɔn tɔn ɔ́ wá xweyǐgbe ɔ́, mi na gosín fí e mi ɖe ɔ́, bó ná jɛ gǔdo tɔn.

Jozuwée 3:5

Jozuwée ɖɔ nú togun ɔ́ ɖɔ: “Mi slá wǔ, ɖó sɔ ɔ́, Mawu Mavɔmavɔ ná jlɛ́ nǔ ɖo tɛ́ntin mitɔn.”