Jozuwée 2:9 - MAWUXÓWÉMA

⁹ bo ɖɔ nú yě ɖɔ: “Un tunwun ɖɔ Mawu Mavɔmavɔ ná to élɔ́ mi. Nǔwiwa mitɔn nɔ dó xɛsi nú mǐ ɖésú, káká bɔ mɛ ɖěbǔ sín ayi sɔ́ nɔ jɛ ayǐ ɖo to mǐtɔn mɛ fí ǎ, ɖó mi wú.

Jozuwée 2:9 Iomraidhean Croise

Bǐbɛ́mɛ 35:5

Énɛ́ ɔ́ gúdo ɔ́, yě ɖidó. Toxo e lɛ́ lɛ̌ dó yě lɛ́ɛ jɛ xɛsi ɖi nú Mawu jí; énɛ́ ɔ́, mɛɖé sɔ́ jɛ Jakɔ́bu ví lɛ́ɛ gbé mɛ ǎ.

2 Samuwɛ́li 17:10

Hwenɛ́nu ɔ́, kanmɛ ná gbɔ́jɔ́ mɛ e syɛ́n ta kinnikínní ɖɔhun ɖo mi mɛ lɛ́ɛ bǐ, ɖó Izlayɛ́li to ɔ́ bǐ kó tunwun ɖɔ tɔ́ towe ɔ́, ahwanfuntɔ́ ɖaxó ɖokpó wɛ, bɔ sɔ́ja tɔn lɛ́ɛ lɔ syɛ́n ɖésú.

2 Axɔ́sú 5:15

Naamáni lɛ́ kɔ ɖidó gbeyíɖɔ Mawu tɔn ɔ́ gɔ́n tlóló, é kpódó mɛ e xwedó e lɛ́ɛ kpó. Ée é wá ɔ́, é nɔ te nukɔn tɔn bo ɖɔ n'i ɖɔ: “Un mɔ din ɖɔ nǔmɛsɛn ɖě kún sɔ́ ɖo fí ɖěbǔ ɖo ayǐkúngban ɔ́ jí zɛ Mawu Izlayɛ́li tɔn ɔ́ wú ó. Din ɔ́, kɛnklɛ́n bó yí nǔ e nyɛ mɛsɛntɔ́ towe hɛn wá nú we é.”

2 Axɔ́sú 7:6

Cóbónú yě ná wá fí e ahwangɔnu Silíi tɔn lɛ́ɛ ɖó gɔnu ɖó ɔ́, sɔ́ja Silíi tɔn lɛ́ɛ kó se zǐngídi ɖé, bɔ é cí ahwangɔnu ɖaxó ɖé wɛ hɛn sɔ́ kpódó kɛkɛ́ví kpó jǎwe ɖɔhun. Mawu Mavɔmavɔ wɛ ka sɛ́ zǐngídi énɛ́ ɔ́ dó, bɔ Silíinu lɛ́ɛ ɖɔ ɖo yěɖée tɛ́ntin ɖɔ: “Mi mɔ axɔ́sú Izlayɛ́li tɔn dó ajɔ axɔ́sú Hitíti tɔn lɛ́ɛ kpódó Ejípu tɔn lɛ́ɛ kpó, bɔ ahwangɔnu yětɔn lɛ́ɛ wá tɔ́n ahwan mǐ din a?”

Nɛɛmíi 6:16

Ée kɛntɔ́ mǐtɔn e ɖo to e lɛ́ lɛ̌ dó mǐ lɛ́ɛ mɛ lɛ́ɛ se mɔ̌ ɔ́, xɛsi jɛ yě jí, bɔ winnyá hu yě káká. Yě bǐ wá mɔ ɖɔ azɔ̌ énɛ́ ɔ́, Mawu mǐtɔn sín jlǒ mɛ wɛ é nyí wiwa dó.

Ɛsitɛ́ɛ 8:17

Fí ɖěbǔ e gbeta axɔ́sú ɔ́ tɔn gbɔn ɖo tokpɔn ɖěbǔ mɛ ɖo toxo ɖěbǔ mɛ é ɔ́, Jwifu lɛ́ɛ bǐ nɔ j'awǎ; yě nɔ́ ylɔ́ agɔ̌ bó nɔ́ ɖu xwe; mɛ gěgé ɖo togun ɖé lɛ́ɛ mɛ, bó húzú Jwifu ɖó yě ɖo xɛsi ɖi nú Jwifu lɛ́ɛ wɛ.

Jɔ̌bu 19:25

Amɔ̌, nyɛ ɔ́, un tunwun ɖɔ mɛ e ɖo hun jɛ dó jǐ ce wɛ ɔ́ ɖo gbɛ; é wɛ ná kɛ nu gǔdo gúdo tɔn ɖo ayǐkúngban jí.

Ɖɛhan 112:10

Mɛdídá nɔ́ mɔ ɛ, bɔ xomɛ nɔ sin i; é nɔ́ ɖu aɖǔkún bɔ é nɔ́ mɛ dó wǔ tɔn. Nǔ e é nɔ́ lin é bǐ nɔ cí xo tɔn mɛ.

Ɖɛhan 115:16

Jǐxwé ɔ́, jǐxwé Mawu Mavɔmavɔ ɖokpónɔ géé tɔn wɛ, lo ɔ́, é ná ayǐkúngban ɔ́ gbɛtɔ́ lɛ́ɛ.

Tíntɔ́n 18:11

Un mɔ din ɖɔ Mawu Mavɔmavɔ hú gǎn nǔmɛsɛn lɛ́ɛ bǐ. É ɖe hwenu e Ejípunu lɛ́ɛ ɖo acɛ gannaganna kpa nú Izlayɛ́li ví lɛ́ɛ wɛ é xlɛ́.”

Tíntɔ́n 23:27

“Un ná dó xɛsi to lɛ́ɛ bǐ káká bɔ mi byɔ́ to ɖěbǔ mɛ ɔ́, mɛ e ɖo to ɔ́ mɛ lɛ́ɛ bǐ ná hɔn gbadó, un ná bló bɔ kɛntɔ́ mitɔn lɛ́ɛ bǐ ná hɔn ɖo nukɔn mitɔn.

Nǔnywɛ́tɔ́xó 8:12

É ká ɖo mɔ̌ có, nú hwɛhutɔ́ ná bó ɖo dǎka xo wɛ magbokɔ bó ká nɔ́ lɛ́ dɔ́ ji ɔ́, nyɛ ɔ́, un tunwun ɖɔ mɛ e nɔ ɖó sísí nú Mawu lɛ́ɛ wɛ nǔ na nyɔ́ ná, ɖó sísí e yě nɔ́ ɖó nú Mawu ɔ́ wú.

Ezayíi 19:1

Xó e Mawu ɖɔ dó Ejípu jí é ɖíe: Mawu Mavɔmavɔ ɖíe zɔn akpɔ́kpɔ́ ɖé jí ja Ejípu e! Akpɔ́kpɔ́ e jí é ɖe é ɖo wezun jí. Vodún Ejípu tɔn lɛ́ɛ ɖo sísɔ́sísɔ́ wɛ ɖo nukɔn tɔn, bɔ awakanmɛ kú Ejípunu lɛ́ɛ bǐ.

Ezayíi 23:5

Hwenu e Ejípu ná se nǔ e gbo Sidɔ́ɔn ɔ́, é ná jɛ wǔvɛ́ mɔ jí. Nǔ e wa ɛ hwenu e é se ɖɔ Tíi gba é wɛ ná wa ɛ.

Jelemíi 27:5

“Un bló ayǐkúngban, bó bló gbɛtɔ́ lɛ́ɛ, bó bló kanlin e ɖo ayǐkúngban ɔ́ jí lɛ́ɛ bǐ dó ɖe hlɔ̌nhlɔ́n ce kpódó nǔwúkpíkpé ce kpó xlɛ́. Nǔ e un bló lɛ́ɛ ɔ́, un nɔ ná mɛ e jló mì lɛ́ɛ.

Naxúmu 2:10

Mi bɛ́ kpatágan! Mi bɛ́ siká! Dɔkun e ɖo to ɔ́ mɛ ɔ́ sixú vɔ gbeɖé ǎ; dɔkun nukúnɖéjí alɔkpa alɔkpa lɛ́ɛ bǐ wɛ ɖo fínɛ́.

Kɛ́nsísɔ́ 20:14

Mɔyízi nɔ Kadɛ́ci bo sɛ́ mɛ dó axɔ́sú Edɔ́mu tɔn ɔ́. É ɖɔ sɛ́ dó e ɖɔ: “Đǒtó xó e ɖɔ wɛ mǐ nɔví towe Izlayɛ́li ví lɛ́ɛ ɖe é; a tunwun wǔvɛ́ e mǐ mɔ lɛ́ɛ bǐ.

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Matíe 20:15

Un sixú sɔ́ akwɛ́ ce dó wa nǔ e jló mì ɔ́ ná ǎ cé? Wǔhwan wɛ a ɖe a? Un sɔ́ akwɛ́ ce dó wa ɖagbe ná ɔ́, hwɛ wɛ nyí bɔ un hu a?’ ”

Sɛ́nflínmɛ 11:25

Mɛ ɖěbǔ sixú nɔ te nukɔn mitɔn ǎ. Mi jɛ fí ɖěbǔ ɖo to ɔ́ mɛ ɔ́, Mawu Mavɔmavɔ, Mawu mitɔn ná bló, bɔ mɛ lɛ́ɛ ná ɖi xɛsi nú mi, bɔ ado ná nɔ́ hu yě dó mi wú, lě e Mawu Mavɔmavɔ, Mawu mitɔn ko dó akpá tɔn gbɔn nú mi é.

Sɛ́nflínmɛ 2:25

Bɛ́ sín égbé ɔ́, un ná bló bɔ akɔta e ɖo gbɛ ɔ́ mɛ lɛ́ɛ bǐ ná ɖo xɛsi jí, bó ná lɛ́ ɖo adohu jí ɖó mi wú. Ényí è ɖɔ xó mitɔn lě bónú yě se lě tlóló ɔ́, xɛsi ná jɛ yě jí, bɔ yě ná nɔ́ sísɔ́.”

Sɛ́nflínmɛ 28:10

Togun e ɖo gbɛ ɔ́ mɛ lɛ́ɛ bǐ ná mɔ ɖɔ Mawu Mavɔmavɔ tɔn wɛ mi nyí, bó ná nɔ́ ɖi xɛsi nú mi.

Sɛ́nflínmɛ 32:8

Hwenu e Mawu Ajalɔ̌nlɔn má to ɔ́ nú gbɛtɔ́ lɛ́ɛ ɔ́, é ɖó dogbó nú akɔta lɛ́ɛ. É sɔ́ togun lɛ́ɛ ɖokpó ɖokpó ɖó wɛnsagun ɖokpó glɔ́.

Eblée 11:31

Nǔɖiɖi e Hlaxábu nyɔ̌nu agalɛtɔ́ ɔ́ ɖó ɔ́ wɛ zɔ́n bɔ hwenu e mɛ e ma se tónú nú Mawu ǎ lɛ́ɛ kú ɔ́, éyɛ́ kú ɖě ǎ, ɖó é yí dobanúnǔtɔ́ e Izlayɛ́li ví lɛ́ɛ sɛ́ dó ɔ́, kpódó xomɛnyínyɔ́ kpó.

Jozuwée 2:11

Ée mǐ se xó énɛ́ lɛ́ɛ ɔ́, ayixa mǐtɔn bǐ wɛ gba dó, bɔ mɛ ɖěbǔ sɔ́ glá bó ná nɔ te ɖo nukɔn mitɔn ǎ, ɖó Mawu Mavɔmavɔ, Mawu mitɔn ɔ́ wɛ ɖó acɛ ɖo jǐnukúnsin aga, bó ɖó acɛ ɖo ayǐkúngban jí fí ɖo do.

Jozuwée 2:24

Yě ɖɔ nú Jozuwée ɖɔ: “Mǐ mɔ ɖɔ Mawu Mavɔmavɔ jó to ɔ́ bǐ nú mǐ nǔgbó; to ɔ́ mɛ nu lɛ́ɛ bǐ wɛ kó ɖo xɛsi ɖi nú mǐ wɛ.”

Jozuwée 2:8

Cóbónú dobanúnǔtɔ́ lɛ́ɛ ná dɔ́ amlɔ ɔ́, Hlaxábu yi yě gɔ́n ɖo xɔ tɔn ta,

Jozuwée 5:1

Axɔ́sú Amɔliti lɛ́ɛ tɔn e ɖo Judɛ́ɛn tɔ ɔ́ sín gbadahwe jí lɛ́ɛ bǐ kpódó axɔ́sú Kanáanu lɛ́ɛ tɔn e ɖo Mɛditɛlanɛ́ɛ xu ɔ́ tó lɛ́ɛ kpó se ɖɔ Mawu Mavɔmavɔ bló bɔ Judɛ́ɛn tɔ ɔ́ xú, bɔ Izlayɛ́li ví lɛ́ɛ gbɔn ayǐkúngban xúxú jí yi jɛ tɔ ɔ́ gúdo. Ée yě se mɔ̌ ɔ́, ayixa yětɔn bǐ gba dó, bɔ yě sɔ́ glá bó ná nɔ te ɖo Izlayɛ́li ví lɛ́ɛ nukɔn ǎ.

Jozuwée 6:2

Mawu Mavɔmavɔ ká ɖɔ nú Jozuwée ɖɔ: “Kpɔ́n, un ná jó Jeliko toxo ɔ́ nú we, bó ná jó axɔ́sú e kpa acɛ ɖo toxo ɔ́ mɛ ɔ́ kpó ahwanfuntɔ́ toxo ɔ́ tɔn lɛ́ɛ kpó nú we.

Jozuwée 9:10

Mǐ lɛ́ se nǔ e é dó sin xá axɔ́sú Amɔliti tɔn we e nɔ Judɛ́ɛn tɔ ɔ́ sín zǎnzǎnhwe jí lɛ́ɛ é: yě wɛ nyí axɔ́sú Hɛcibɔ́ni tɔn Sihɔ́ni kpódó axɔ́sú Basáni tɔn Ɔgu e nɔ Acitalɔ́ti é kpó.

Jozuwée 9:24

Ée Jozuwée ɖɔ mɔ̌ ɔ́, Gabawɔ́ɔnnu lɛ́ɛ yí gbe n'i ɖɔ: “Nǔ e zɔ́n bɔ mǐ wa nǔ gbɔn mɔ̌ ɔ́ ɖíe: mǐ se ɖɔ Mawu Mavɔmavɔ, Mawu towe ná gbe mɛsɛntɔ́ tɔn Mɔyízi ɖɔ ní ná to élɔ́ ɔ́ bǐ mi. É ɖɔ nú mi ɖɔ mi ɖo yiyi wɛ ɔ́, mi ná nɔ́ ɖo to ɔ́ mɛ nu lɛ́ɛ bǐ hu wɛ. Nǔ énɛ́ ɔ́ e mǐ se ɔ́ hu ado nú mǐ bɔ mǐ ɖo xɛsi ɖi wɛ ɖɔ mǐ táá kú.

Jozuwée 9:9

Yě yí gbe n'i ɖɔ: “Mǐ mɛsɛntɔ́ towe lɛ́ɛ ɔ́, to e mɛ mǐ gosín ɔ́ lín ɖésú. Mawu Mavɔmavɔ, Mawu towe sín nyǐkɔ wɛ mǐ se, mǐ ká lɛ́ se nǔjíwǔ e é bló ɖo Ejípu lɛ́ɛ bǐ.

Hwɛɖɔtɔ́ 7:14

Hǎgbɛ́ tɔn ɔ́ ɖɔ n'i ɖɔ: “Nǔ énɛ́ ɔ́ sɔ́ nyí nǔ ɖěvo zɛ Jedenyɔ́ɔ Izlayɛ́li ví, Yoaci ví ɔ́ sín hwǐ wú ǎ. Mawu ko jó mǐ kpó ahwankpá ɔ́ bǐ kpó n'i.”