Jozuwée 2:5 - MAWUXÓWÉMA

⁵ Yě kó lɛ́ kɔ yi hwenu e zǎn ɖo bibɔ wɛ, bɔ è ɖo hɔntogbó to ɔ́ tɔn ná sú wɛ é. Un tunwun fí e yě yi ɔ́ ǎ. Ényí mi hwlɛ́ndó ɔ́, mi sixú xwedó yě wú.”

Jozuwée 2:5 Iomraidhean Croise

Nɛɛmíi 13:19

Bɛ́ sín gbe nɛ́ ɔ́ gbe ɔ́, un ná gbe ɖɔ nú zǎn jɛ bibɔ jí hǔn, è nǐ nɔ́ sú Jeluzalɛ́mu sín hɔntogbó lɛ́ɛ có nú gbɔjɛzán ɔ́ ná bɛ́; è ma ka nɔ hun yě có nú gbɔjɛzán ɔ́ fó ó; un sɔ́ mɛsɛntɔ́ ce lɛ́ɛ ɖě ɖó hɔntogbó lɛ́ɛ jí, bónú mɛɖé ná sɔ́ ajɔ̌nú byɔ́ Jeluzalɛ́mu toxo ɔ́ mɛ gbɔjɛzán gbe ɔ́, yě ná gbɛ́.

Ezayíi 60:11

Hɔntogbó towe lɛ́ɛ ná ɖo nuvo hwebǐnu. È nǎ sú hɔntogbó towe lɛ́ɛ zǎn mɛ ǎ, è ka ná sú kéze ǎ, bónú è nǎ bɛ́ dɔkun akɔta lɛ́ɛ tɔn wá nú we, axɔ́sú yětɔn lɛ́ɛ ná zɔn jí bó wá.

Jelemíi 50:20

Nyɛ Mawu Mavɔmavɔ ɖɔ: azǎn énɛ́ lɛ́ɛ mɛ ɔ́, è na ba nǔ e Izlayɛ́li wa nyi do ɔ́ kpo. È nǎ mɔ hwɛ e Judáa hu ɔ́ ǎ, ɖó un ná zé hwɛ kɛ mɛ e un ná jó dó nyi gbɛ lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 47:12

Ɖo tɔsisa e gosín Mawu xwé ɔ́ gbe é tó ɔ́, atínsínsɛ́n tɛnmɛ tɛnmɛ ná wú gbɔn aɖisí amyɔ. Yě ná lúnlún ɖa gbeɖé ǎ, yě ná nɔ́ sɛ́n hwebǐnu. Sun ɖokpó ɖokpó mɛ ɔ́, è nǎ nɔ́ gbɛ sínsɛ́n ɖo yě jí, ɖó tɔ e sa sín Mawu xwé ɔ́ gbe é wɛ ná nɔ́ sa gbɔn kɔ yětɔn. Sínsɛ́n yětɔn lɛ́ɛ ná nyí nǔɖuɖu, ama yětɔn ná nyí amasin.”

Jozuwée 2:4

Hlaxábu ka ko sɔ́ yě hwlá, lobo ɖɔ nú mɛ e axɔ́sú ɔ́ sɛ́ dó lɛ́ɛ ɖɔ: “Nya ɖé lɛ́ɛ wá xwé ce gbe nǔgbó, amɔ̌, un tunwun fí e nu yě nyí ɔ́ ǎ.

Jozuwée 2:6

É ká kó kplá nya lɛ́ɛ yi xɔ ta, bó sɔ́ yě hwlá dó lɛ̌ɛnkantín e è ko xyá ɖó fínɛ́ lɛ́ɛ glɔ́.

Jozuwée 2:7

Mɛ e axɔ́sú ɔ́ sɛ́ dó lɛ́ɛ jɛ dobanúnǔtɔ́ lɛ́ɛ gbé mɛ; ée yě tɔ́n sín toxo ɔ́ mɛ tlóló ɔ́, è sú hɔntogbó ɔ́, bɔ yě wlí ali e yi fí e è nɔ dó asá Judɛ́ɛn tɔ ɔ́ ɖe ɔ́, bó ɖo dobanúnǔtɔ́ lɛ́ɛ ba wɛ.

Nǔɖexlɛ́mɛ 21:25

Toxo ɔ́ sín hɔntogbó lɛ́ɛ ná nɔ hunhun ɖo kéze ɔ́ bǐ mɛ; è nǎ sú gbeɖé ǎ, ɖó zǎn ná kú ɖo fínɛ́ ǎ.

1 Samuwɛ́li 19:14

Ée mɛ e Sawúlu sɛ́ dó ɖɔ è nǐ wá wlí Davídi ɔ́ lɛ́ɛ wá é ɔ́, Mikali ɖɔ nú yě ɖɔ é kún nyɔ́ n'i ó.