Jozuwée 2:4 - MAWUXÓWÉMA

⁴ Hlaxábu ka ko sɔ́ yě hwlá, lobo ɖɔ nú mɛ e axɔ́sú ɔ́ sɛ́ dó lɛ́ɛ ɖɔ: “Nya ɖé lɛ́ɛ wá xwé ce gbe nǔgbó, amɔ̌, un tunwun fí e nu yě nyí ɔ́ ǎ.

Jozuwée 2:4 Iomraidhean Croise

2 Axɔ́sú 6:19

Énɛ́ ɔ́ gúdo ɔ́, Elizée ɖɔ nú yě ɖɔ: “Ali ɔ́ ɖíe ǎ. Toxo ɔ́ ɖíe ǎ. Mi xwedó mì nú má kplá mi yi nya e ba wɛ mi ɖe ɔ́ gɔ́n.” Bɔ Elizée kplá yě yi Samalíi toxo mɛ.

Tíntɔ́n 1:19

Bɔ ajinɔtɔ́ lɛ́ɛ yí gbe n'i ɖɔ: “Nyɔ̌nu Eblée lɛ́ɛ cí nyɔ̌nu Ejípunu lɛ́ɛ ɖɔhun ǎ, yědɛɛ lɛ́ɛ dó hlɔ̌nhlɔ́n; yě nɔ́ kó ji vǐ cóbɔ mǐ mɛ ajinɔtɔ́ lɛ́ɛ nɔ́ wá.”

Jaki 2:25

Mɔ̌ ɖokpó ɔ́ wɛ é nyí nú Hlaxábu agalɛtɔ́ ɔ́. Mawu sɔ́ ɛ dó mɔ hwɛjijɔnɔ ná ɖó nǔwiwa tɔn lɛ́ɛ wú; é wɛ yí dobanúnǔtɔ́ lɛ́ɛ dó xwé gbe, lobo dó alɔ yě, bɔ yě gbɔn ali ɖěvo bo yi.

Jozuwée 2:3

Ée axɔ́sú ɔ́ se mɔ̌ ɔ́, é dó wɛn sɛ́ dó Hlaxábu ɖɔ: “Nya e wá xwé towe gbe lɛ́ɛ ɔ́, è sɛ́ yě dó ɖɔ yě ní wá ba do nú to ɔ́ céɖécéɖé wɛ. Jǒ yě nú mǐ.”

Jozuwée 2:5

Yě kó lɛ́ kɔ yi hwenu e zǎn ɖo bibɔ wɛ, bɔ è ɖo hɔntogbó to ɔ́ tɔn ná sú wɛ é. Un tunwun fí e yě yi ɔ́ ǎ. Ényí mi hwlɛ́ndó ɔ́, mi sixú xwedó yě wú.”

Jozuwée 6:17

È nǎ gba toxo ɔ́, bó ná hɛn nǔ e ɖ'é mɛ lɛ́ɛ bǐ gblé, ɖó Mawu Mavɔmavɔ wɛ è sɔ́ ɖ'ayǐ ná. Hlaxábu agalɛtɔ́ ɔ́ kɛ́ɖɛ́, kpó mɛ e ɖo xwé tɔn gbe lɛ́ɛ bǐ kpó wɛ è nǎ jó dó, ɖó é wɛ sɔ́ dobanúnǔtɔ́ e mǐ sɛ́ dó lɛ́ɛ hwlá.

Jozuwée 6:25

Énɛ́ ɔ́, Jozuwée jó Hlaxábu agalɛtɔ́ ɔ́ dó nyi gbɛ, é kpó mɛ tɔn lɛ́ɛ bǐ kpó, ɖó hwenu e Jozuwée sɛ́ dobanúnǔtɔ́ lɛ́ɛ dó ɖɔ yě ní yi kpɔ́n lě e toxo ɔ́ ɖe gbɔn ɔ́, é wɛ sɔ́ yě hwlá bɔ è ma wa nǔɖé nú yě ǎ. É nɔ Izlayɛ́li ví lɛ́ɛ mɛ, bɔ kúnkan tɔn lɛ́ɛ kpo ɖo gbɛ ɖo yě mɛ káká jɛ égbé.