Jozuwée 2:3 - MAWUXÓWÉMA

³ Ée axɔ́sú ɔ́ se mɔ̌ ɔ́, é dó wɛn sɛ́ dó Hlaxábu ɖɔ: “Nya e wá xwé towe gbe lɛ́ɛ ɔ́, è sɛ́ yě dó ɖɔ yě ní wá ba do nú to ɔ́ céɖécéɖé wɛ. Jǒ yě nú mǐ.”

Jozuwée 2:3 Iomraidhean Croise

Bǐbɛ́mɛ 38:24

É ná bló sun atɔn mɔ̌ bɔ è wǎ ɖɔ nú Judáa ɖɔ: “Vǐ towe sín asi Tamáa lɛ aga bó tlɛ ɖo xo din.” Bɔ Judáa ɖɔ è nǐ ɖe e tɔ́n, bó dó e zo.

Bǐbɛ́mɛ 42:31

Bɔ mǐ ɖɔ n'i ɖɔ: ‘Mǐ nyǐ nǔdobatɔ́ ǎ. Mǐ nyǐ adingbannɔ ǎ.

2 Samuwɛ́li 10:3

Amumɔ́ɔ ví lɛ́ɛ sín gǎn hɔn-yitɔ́ lɛ́ɛ yi ɖɔ nú gǎn yětɔn Hanúni ɖɔ: “A vɛdó ɖɔ tɔ́ towe ná zé su wú jɛ́n Davídi sɛ́ gǎn hɔn-yitɔ́ tɔn lɛ́ɛ dó ɖɔ yě wá dó nǔwamɛgbe we a? Gbeɖé, mɔ̌ wɛ ǎ. É sɛ́ yě dó nú yě ná wá ba do nú toxo ɔ́, bó ná wá gba.”

2 Samuwɛ́li 17:20

Mɛ e Abusalɔ́mu sɛ́ dó gbě yětɔn mɛ lɛ́ɛ wá mɔ nyɔ̌nu ɔ́, bó kanbyɔ́ ɛ ɖɔ: “Fítɛ́ Aximáasi kpó Jonatáan kpó ɖe?” Nyɔ̌nu ɔ́ ɖɔ nú yě ɖɔ: “Yě wlí ali e gbɔn sindo ɔ́ kɔn é.” Ée é ɖɔ mɔ̌ nú yě ɔ́, yě yi ba yě, bó ba yě kpo, bó lɛ́ kɔ wá yi Jeluzalɛ́mu.

1 Tan 19:3

gǎn hɔn-yitɔ́ Amumɔ́ɔ ví lɛ́ɛ tɔn yi ɖɔ nú Hanúni ɖɔ: “A lin ɖɔ tɔ́ towe ná zé su wú jɛ́n Davídi sɛ́ mɛsɛntɔ́ tɔn lɛ́ɛ dó ɖɔ yě ní wá dó nǔwamɛgbe we a? Yě ná wá kpɔ́n ayǐ, bó ná wá gba to wú wɛ é sɛ́ mɛsɛntɔ́ tɔn lɛ́ɛ dó gɔ̌n towe vlafo ǎ cé?”

Jɔ̌bu 21:30

Nyladó zán gbé ɔ́, nǔɖé nɔ wa mɛdídá ǎ, xomɛsin Mawu tɔn nɔ́ jó e dó wǔ ɖíɖí aji ɖɔhun.

Levíi ví 24:14

“Mi kplá nyaví élɔ́ tɔ́n sín fí e mi ɖó gɔnu ɖó ɔ́. Mɛ e se bɔ é nylá nu dó nyɛ Mawu Mavɔmavɔ sín nyǐkɔ wú lɛ́ɛ bǐ ní fɔ alɔ yětɔn lɛ́ɛ ɖó ta tɔn; Izlayɛ́li ví lɛ́ɛ bǐ ní nyi hwǎn dó hu i.

Jǎan 19:4

Pilátu lɛ́ tɔ́n wá kɔ́xo, bó ɖɔ nú yě ɖɔ: “Mi ɖótó; un ná yi kplá nya mitɔn wá nú mi, bónú mi ná dó tunwun ɖɔ un kún mɔ nǔ e wú un ná ɖó hwɛ n'i é ɖě ó.”

Mɛsɛ́dó 12:4

Ée Elódu wlí Piyɛ́ɛ ɔ́, é sú i dó gankpá mɛ, bó sɔ́ ɛ dó alɔ mɛ nú sɔ́ja ɛnɛ ɛnɛ gbɛ́ donu ɛnɛ, nú yě ná cɔ́ ɛ, bó ɖo linlin wɛ ɖɔ Dǐndínwáyixwe ɔ́ gúdo ɔ́, émí ná dɔn ɛ wá togun ɔ́ nukɔn, bó ná ɖɔ hwɛ xá ɛ.

Mɛsɛ́dó 12:6

Ée é kpo sɔ bɔ Elódu ná kplá Piyɛ́ɛ wá togun ɔ́ nukɔn, bó ná ɖɔ hwɛ xá ɛ ɔ́, Piyɛ́ɛ ɖo amlɔ dɔ́ wɛ zǎn mɛ, ɖo sɔ́ja we tɛ́ntin; wlɔ we wɛ è dó e, bɔ sɔ́ja ɖěvo lɛ́ɛ ka ɖo te ɖo hɔn ɔ́ jí, bó ɖo gankpá ɔ́ cɔ́ wɛ.

Jozuwée 10:23

Yě bló nǔ e Jozuwée ɖɔ ɔ́, bó kplá axɔ́sú atɔ́ɔ́n lɛ́ɛ wá n'i; yě ɖíe: axɔ́sú Jeluzalɛ́mu tɔn, Eblɔ́n tɔn, Yaamúti tɔn, Lakíci tɔn, kpó Eglɔ́ni tɔn kpó.

Jozuwée 2:2

Axɔ́sú Jeliko tɔn ɔ́ se ɖɔ Izlayɛ́li ví ɖé lɛ́ɛ wá to ɔ́ mɛ ɖo zǎn énɛ́ ɔ́ mɛ, bó ná ba do nú to ɔ́.

Jozuwée 2:4

Hlaxábu ka ko sɔ́ yě hwlá, lobo ɖɔ nú mɛ e axɔ́sú ɔ́ sɛ́ dó lɛ́ɛ ɖɔ: “Nya ɖé lɛ́ɛ wá xwé ce gbe nǔgbó, amɔ̌, un tunwun fí e nu yě nyí ɔ́ ǎ.

Hwɛɖɔtɔ́ 4:20

É lɛ́ ɖɔ n'i ɖɔ: “Nɔ goxɔ ɔ́ sín ali nu. Ényí è wǎ kanbyɔ́ we ɖɔ mɛ ɖé ɖo fí a jí ɔ́, a nǎ gbɛ̌”.