Jozuwée 16:4 - MAWUXÓWÉMA

⁴ Ayǐkúngban e è nǎ kúnkan Jozɛ́fu tɔn lɛ́ɛ, akɔta Manasée tɔn ɔ́, kpó akɔta Eflayímu tɔn ɔ́ kpó ɔ́ nɛ́.

Jozuwée 16:4 Iomraidhean Croise

Bǐbɛ́mɛ 41:52

É sun nyǐ vǐ wegɔ́ ɔ́ ɖɔ Eflayímu bó ɖɔ: “Mawu bló bɔ un ji vǐ ɖo to e mɛ è ko dó ya nú mì ɖe ɔ́ mɛ.”

Ezekiyɛ́li 47:13

Xó e Aklúnɔ Mavɔmavɔ ɖɔ ɔ́ ɖíe: “Un ná ɖɔ fí e dogbó Izlayɛ́li to ɔ́ tɔn ná gbɔn, bɔ akɔta wěwe e ɖo to ɔ́ mɛ lɛ́ɛ ná má lɛ́ɛ nú mi. Akɔta Jozɛ́fu tɔn ɔ́, ayǐkúngban we wɛ é ná yí.

Jozuwée 14:4

Jozɛ́fu ví lɛ́ɛ bló akɔta we: yě wɛ nyí akɔta Manasée tɔn ɔ́ kpódó Eflayímu tɔn ɔ́ kpó. Levíi ví lɛ́ɛ ɔ́, è nǎ ayǐkúngban ɖě yědɛɛ lɛ́ɛ zɛ toxo e mɛ yě ɖe lɛ́ɛ, kpódó ayǐkúngban e lɛ́ lɛ̌ dó yě, bɔ kanlin yětɔn lɛ́ɛ ɖ'é jí lɛ́ɛ kpó wú ǎ.

Jozuwée 16:5

Akɔta Eflayímu tɔn ɔ́ sín xwédo lɛ́ɛ yí ayǐkúngban ɔ́ akpáxwé ɖokpó. Ayǐkúngban e yě yí ɔ́ bɛ́ sín Atlɔ́ti-Adáa, ɖo afɔligbé zǎnzǎnhwe jí, bó hun káká yi Bɛti-Holɔ́ni kpóta tɔn ɔ́.

Jozuwée 17:14

Jozɛ́fu ví lɛ́ɛ wá ɖɔ nú Jozuwée ɖɔ: “Étɛ́wú wɛ a nǎ ayǐkúngban ta ɖokpó géé mǐ mɛ e jí Mawu Mavɔmavɔ dó acɛ, bɔ mǐ sukpɔ́ sɔ mɔ̌ lɛ́ɛ?”

Jozuwée 18:5

Yě ná má to ɔ́ ɖó tɛ́nwe. Kúnkan Judáa tɔn lɛ́ɛ ná nɔ ayǐkúngban yětɔn jí ɖo tofɔligbé. Kúnkan Jozɛ́fu tɔn lɛ́ɛ ná nɔ yědɛɛ tɔn jí ɖo totaligbé.