Biblia Todo Logo
Bìoball air-loidhne

- Sanasan -




Jozuwée 13:3 - MAWUXÓWÉMA

3 To énɛ́ ɔ́ bɛ́ sín Cixɔ́ɔ tɔ ɔ́ kɔn ɖo Ejípu dogbó ɔ́ kɔn ɖo afɔligbé, káká yi Eklɔ́ni dogbó ɔ́ kɔn ɖo taligbé. Ayǐkúngban énɛ́ ɔ́, Kanáanu lɛ́ɛ tɔn wɛ, bɔ gǎn Filisitɛ́ɛn lɛ́ɛ tɔn atɔ́ɔ́n kpó Awanu lɛ́ɛ kpó ka klá jɛ nu. Gǎn énɛ́ lɛ́ɛ nɔ́ nɔ Gaza, Acidɔ́di, Acikelɔ́ni, Gati kpó Eklɔ́ni kpó,

Faic an caibideil Dèan lethbhreac




Jozuwée 13:3
18 Iomraidhean Croise  

Cámu ɔ́, vǐ tɔn súnnu lɛ́ɛ sín nyǐkɔ ɖíe: Kúci, Misilayimu, Púti kpódó Kanáa kpó.


Gbe énɛ́ ɔ́ gbe ɔ́, Mawu Mavɔmavɔ jɛ akɔ xá Ablámu bó ɖɔ: “Un ná to élɔ́ kúnkan towe, bɛ́ sín tɔsisa Ejípu tɔn ɔ́ kɔn káká yi tɔsisa ɖaxó Efláti ɔ́ kɔn.”


Salomɔ́ɔ ɖu azavaxwe ɔ́ hwe énɛ́ ɔ́ nu, é kpódó Izlayɛ́li ví lɛ́ɛ bǐ kpó. Yě wǎ kpɔ́ gégé. Yě gosín fí tɛnmɛ tɛnmɛ ɖo to ɔ́ mɛ. Mɛɖě gosín káká Lɛbo-Hamáti ɖo totaligbé, bɔ mɛ ɖě gosín káká tɔsisa Ejípu tɔn kɔn ɖo tofɔligbé, bó wá kplé ɖo Mawu Mavɔmavɔ, Mawu mǐtɔn nukɔn, bó ɖu xwe ɔ́ káká nú azǎn tɛ́nwe, bó lɛ́ bló azǎn tɛ́nwe ɖěvo gɔ́ ná, bɔ bǐ blǒ azǎn wǒ-ɛnɛ.


Énɛ́ ɔ́, Davídi kplé Izlayɛ́li ví lɛ́ɛ bǐ, bɛ́ sín Ejípu dogbó jí ɖo tofɔligbé káká yi Hamáti ɖo totaligbé, bó ná zé akɔjijɛgbá Mawu tɔn ɔ́ sín Kiliyati-Yealimu.


dó xu jí xu jí lɛ́ɛ mi, ahwi ní xo mi. Jinukún e è nɔ dó gbɔn Nilu tɔ ɔ́ tó káká yi lɛ́ɛ, ée è nɔ ya ɖo Nilu tɔ ɔ́ kpá lɛ́ɛ wɛ nɔ́ dó dɔkun nú Sidɔ́ɔn. Sidɔ́ɔn toxo ɔ́ húzú axi bɔ akɔta lɛ́ɛ bǐ nɔ́ xwlé.


Din ɔ́, nú a yi Ejípu tomɛ, bó ná yi nu Nilu tɔ ɔ́ sín sin ɔ́, ɖagbe tɛ́ wɛ sin ɔ́ ná wa nú we? Nú a yi Asilíi tomɛ, bó ná yi nu Efláti tɔ ɔ́ sín sin ɔ́, ɖagbe tɛ́ wɛ sin ɔ́ ná wa nú we?


Awanu lɛ́ɛ lɔmɔ̌ ɔ́, káká Gaza gletoxo lɛ́ɛ mɛ wɛ yě nɔ́ nɔ ɖ'ayǐ, lo ɔ́ Kafutɔ́ɔnu lɛ́ɛ gosín to yětɔn mɛ, bó wá sú kún yětɔn dó bó jɛ tɛn yětɔn mɛ.


Lo ɔ́, Izlayɛ́li ví lɛ́ɛ nya Gɛcúunu lɛ́ɛ, kpódó Maakatinu lɛ́ɛ kpó ǎ, bɔ mɛ énɛ́ lɛ́ɛ lɛ́ kpo ɖo Izlayɛ́li ví lɛ́ɛ mɛ káká wá jɛ din.


Axɔ́sú Filisitɛ́ɛn lɛ́ɛ tɔn atɔ́ɔ́n lɛ́ɛ wá ɖɔ nú Dalila ɖɔ: “Blɛ̌ Sanmusɔ́ɔn bónú é ní ɖɔ fí e hlɔ̌nhlɔ́n alɔkpa énɛ́ ɔ́ nɔ gosín wá n'i ɔ́ kpó lě e è nǎ sixú kpé wǔtu tɔn gbɔn é kpó nú we. A se bó ɖɔ nú mǐ ɔ́, mǐ nǎ kpé wǔ tɔn bó blá ɛ. Énɛ́ ɔ́, mǐ mɛ ɖokpó ɖokpó ná ná we gankwɛ́ afatɔ́n kanwe ko (1.100).”


Yě mɛ e é jó dó nyi to ɔ́ mɛ lɛ́ɛ wɛ nyí mɛ e ɖo Filisitɛ́ɛn lɛ́ɛ sín axɔ́súɖuto atɔ́ɔ́n lɛ́ɛ mɛ lɛ́ɛ, Kanáanu lɛ́ɛ bǐ, Sidɔ́ɔnnu lɛ́ɛ kpódó Hivíti e nɔ́ nɔ Libáan sókan mɛ lɛ́ɛ kpó, sín Baalu-Ɛmɔ́ni só ɔ́ kɔn káká yi Lɛbo-Hamáti lɛ́ɛ.


Filisitɛ́ɛn lɛ́ɛ yí akɔjijɛgbá Mawu tɔn ɔ́, bó sɔ́ sín Evɛ́ni-Ezɛ́ɛ yi Acidɔ́di.


bɔ yě gbɔ bó sɔ́ akɔjijɛgbá Mawu tɔn sɛ́ dó Eklɔ́ni. Ée akɔjijɛgbá Mawu tɔn ɔ́ byɔ́ Eklɔ́ni lě ɔ́, Eklɔ́ninu lɛ́ɛ sú xó bó ɖɔ: “È sɔ́ Mawu Izlayɛ́li tɔn sín akɔjijɛgbá wá gɔ̌n mǐtɔn, bó ná dó hu mǐ, mǐ kpó togun mǐtɔn kpó.”


Yě dó wɛn sɛ́ dó gǎn e kpa acɛ dó Filisitɛ́ɛn lɛ́ɛ nu lɛ́ɛ bǐ, ɖɔ yě ní wá, bɔ yě wá, bɔ yě kanbyɔ́ yě ɖɔ: “Nɛ̌ mǐ ka ná wa akɔjijɛgbá Mawu Izlayɛ́li tɔn ɔ́ tɔn sín nǔ gbɔn?” Gǎn lɛ́ɛ ká yí gbe nú yě ɖɔ: “È nǐ sɔ́ Mawu Izlayɛ́li tɔn ɔ́ sín akɔjijɛgbá yi ɖó Gati .” Bɔ è sɔ́ akɔjijɛgbá Mawu Izlayɛ́li tɔn ɔ́ tɔn yi ɖó dɔ̌n nǔgbó.


Filisitɛ́ɛn lɛ́ɛ ɖɔ: “Hwɛsɔ́kɛmɛ vɔ́ tɛ́ wɛ mǐ ná sá?” Bɔ yě yí gbe nú yě ɖɔ: “Mi ná sɔ́ siká, bó ná dó bló yonutúntún sín akpajlɛ́ atɔ́ɔ́n, bó ná lɛ́ sɔ́ siká dó bló ajaka atɔ́ɔ́n bɔ é ná sɔgbe dó gǎn nabí e ɖo to ɔ́ mɛ é ta, ɖó bǎ ɖokpó ɔ́ wɛ xo mi, bó xo gǎn mitɔn lɛ́ɛ lɔ.


Lean sinn:

Sanasan


Sanasan