Jozuwée 11:8 - MAWUXÓWÉMA

⁸ Mawu Mavɔmavɔ jó yě nú Izlayɛ́li ví lɛ́ɛ, bɔ Izlayɛ́li ví lɛ́ɛ ɖu ɖo yě jí, bó nya yě káká yi toxo ɖaxó Sidɔ́ɔn sín taligbé, bó lɛ́ nya yě gbɔn Mislefɔ́ti-Mayimu, ɖo zǎnzǎnhwe jí káká yi Misipa sín tɔdo mɛ. Yě hu yě bǐ, yě jó yě mɛ ɖokpó dó nyi gbɛ ǎ.

Jozuwée 11:8 Iomraidhean Croise

Bǐbɛ́mɛ 10:15

Kanáa ji Sidɔ́ɔn kpódó Xɛti kpó. Sidɔ́ɔn wɛ nyí nukɔn ví tɔn.

Bǐbɛ́mɛ 49:13

Zabulɔ́ɔn ɔ́, xutó wɛ é ná nɔ́ nɔ. É ná nɔ fí e tɔjíhún lɛ́ɛ nɔ́ glín ɖó é. Ayǐkúngban tɔn ná yi káká Sidɔ́ɔn.

2 Samuwɛ́li 24:6

Yě byɔ́ Galadi yíkúngban jí, bó yi Hitíti lɛ́ɛ sín tomɛ. Yě yi Kadɛ́ci, bó yi Dan-Yaani, kpó toxo e lɛ́ lɛ̌ dó e lɛ́ɛ kpó mɛ, bó wá yi Sidɔ́ɔn.

Ezayíi 23:4

Sidɔ́ɔn, winnyá ní hu we; ɖó xu ɖɔ, agbetawoyó ɖɔ: “Un cí mɛ ma yi ajidonu kpɔ́n ɖɔhun, un cí mɛ ma jǐ vǐ kpɔ́n ɖɔhun, un cí mɛ ma hɛn vǐ súnnu kpɔ́n ɖɔhun, un cí mɛ ma hɛn vǐ nyɔ̌nu kpɔ́n ɖɔhun .”

Zakalíi 9:2

Mawu Mavɔmavɔ sín xó ɔ́ lɛ́ yi Hamáti toxo ɔ́ mɛ, ɖo Damási kpá, bó lɛ́ yi Tíi kpó Sidɔ́ɔn kpó. To nukúnɖéjí wɛ toxo énɛ́ lɛ́ɛ nyí.

Sɛ́nflínmɛ 7:2

Hwenu e Mawu Mavɔmavɔ, Mawu mitɔn ná jó yě nú mi ɔ́, mi ná kpé nǔɖé xá yě ǎ, mi ná kú nǔbláwǔ nú yě ǎ, mi ná ɖu ɖo yě jí, mi ná vívá kún yětɔn.

Sɛ́nflínmɛ 9:3

Zaanɖé din ɔ́, mi ná mɔ Mawu Mavɔmavɔ, Mawu mitɔn ɖo yiyi wɛ ɖo nukɔn mitɔn myɔ ɖo nǔ fyɔ́ wɛ ɖɔhun. Mawu mitɔn wɛ ná dó winnyá yě ɖo nukɔn mitɔn. É wɛ ná vívá kún yětɔn; mi ná hu yě cɛ́jú mɛ; mi ná yí to yětɔn lě e é kó ɖɔ gbɔn nú mi é.

Jozuwée 10:20

Jozuwée kpó mɛ tɔn lɛ́ɛ kpó ɖu ɖo Amɔliti ví lɛ́ɛ jí; yě ɖu ɖo yě jí bǐ gbídígbídí, mɛ kwín we ɖé lɛ́ɛ jɛ́n gán ɖ'é mɛ, bó hɔn yi toxo e è mɛ ahohó lɛ́ lɛ̌ dó lɛ́ɛ mɛ.

Jozuwée 11:3

É sɛ́ wɛn dó Kanáanu e ɖo Judɛ́ɛn tɔ ɔ́ sín zǎnzǎnhwe jí kpó gbadahwe jí lɛ́ɛ kpó. É sɛ́ wɛn dó Amɔliti lɛ́ɛ, bó sɛ́ wɛn dó Hitíti lɛ́ɛ, bó sɛ́ dó Pɛliziti lɛ́ɛ, bó sɛ́ wɛn dó Jebuzinu e ɖo sókan mɛ lɛ́ɛ, bó sɛ́ wɛn dó Hivíti e ɖo Ɛmɔ́ɔ só kpá, ɖo Misipa lɛ́ɛ.

Jozuwée 11:7

Jozuwée kpódó ahwanfuntɔ́ tɔn lɛ́ɛ kpó yi tɔ́n ahwan kɛntɔ́ yětɔn lɛ́ɛ ajijimɛ, ɖo Mɛlɔmu tɔ ɔ́ tó.

Jozuwée 13:6

A nǎ lɛ́ yí ayǐkúngban mɛ e ɖo sókan mɛ lɛ́ɛ tɔn, bɛ́ sín Libáan káká yi Mislefɔ́ti-Mayimu; Sidɔ́ɔnnu wɛ yě bǐ nyí. Izlayɛ́li ví lɛ́ɛ ɖo yiyi wɛ ɔ́, nyɛ ná ɖo mɛ e ɖo ayǐkúngban énɛ́ lɛ́ɛ jí lɛ́ɛ nya wɛ, ɖo nukɔn yětɔn. A nǎ nyi akɔ dó to tɛnmɛ tɛnmɛ énɛ́ lɛ́ɛ, bó ná má nú Izlayɛ́li ví lɛ́ɛ lě e un ɖɔ nú we gbɔn é.

Jozuwée 19:28

É ɖidó Avidɔni, Hlexɔ́vu, Hamumɔ́ni kpódó Kana kpó, bó yi fó dó Sidɔ́ɔn toxo ɖaxó ɔ́ kpá.

Jozuwée 21:44

Mawu Mavɔmavɔ ná yě ayi jɛ ayǐ gbɔn dogbó yětɔn lɛ́ɛ bǐ jí, lě e é kó dó akpá tɔn nú tɔ́gbó yětɔn lɛ́ɛ lɔ gbɔn é. É ná yě, bɔ yě ná ɖu ɖo kɛntɔ́ yětɔn lɛ́ɛ bǐ jí. Kɛntɔ́ yětɔn lɛ́ɛ ɖěbǔ ná sixú nɔ te ɖo nukɔn yětɔn ǎ.