Jozuwée 11:6 - MAWUXÓWÉMA

⁶ Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó, ɖó sɔ lěhwenu ɔ́, un ná jó yě bǐ nú mi togun Izlayɛ́li tɔn ɔ́, bɔ mi ná hu yě. A nǎ sɛ́n dɔnkan nú sɔ́ yětɔn lɛ́ɛ, bó ná dó kɛkɛ́ví yětɔn lɛ́ɛ zo.”

Jozuwée 11:6 Iomraidhean Croise

2 Samuwɛ́li 8:4

Davídi wlí sɔ́xátɔ́ afatɔ́n nǔwɔntɔn kanwe ko (1.700), bó wlí sɔ́ja adɔ̌kpo (20.000). Amɔ̌, é jó sɔ́ e ná dɔn ahwankɛkɛ́ví kanwe ko (100) mɔ̌ lɛ́ɛ dó, bó ká sɛ́n dɔn nú sɔ́ e kpo lɛ́ɛ bǐ.

2 Axɔ́sú 6:16

Bɔ é yí gbe n'i ɖɔ: “Ma ɖi xɛsi ó, ɖó mɛ e ɖo kpɔ́ xá mǐ lɛ́ɛ sukpɔ́ hú mɛ e ɖo kpɔ́ xá yě lɛ́ɛ.”

2 Tan 20:16

É jɛ sɔ ɔ́, mi ná wlí ali bo ná yi mɔ kɛntɔ́ mitɔn lɛ́ɛ. Yě ná gbɔn Tisi kpó ɔ́ jí wá, mi ná mɔ yě ɖo tɔdo ɔ́ tó, ɖo gbětótló Yeluɛli tɔn ɔ́ nukɔn.

Ɖɛhan 46:10

É wɛ sú ahwan kún dó gbɔn gbɛ ɔ́ bǐ mɛ. É wɛ́n gǎ lɛ́ɛ, é lɔ́ hwǎn lɛ́ɛ, é dó ahwankɛkɛ́ lɛ́ɛ zo.

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Ɖɛhan 46:9

Mi wá kpɔ́n nǔ e Mawu Mavɔmavɔ jlɛ́ lɛ́ɛ, mi wá kpɔ́n nǔ e é hɛn gblé ɖo ayǐkúngban jí lɛ́ɛ.

Nǔnywɛ́xó 20:7

Gbɛtɔ́ hwɛjijɔnɔ nɔ sɔ́ ayi ɖó wɛn dó wa nǔ; nǔ nyɔ́ nú vǐ e é ji lɛ́ɛ.

Ezayíi 30:16

Mi nɔ ɖɔ: “Gbeɖé kpɔ́n! Mǐ ná xá sɔ́ bó hɔn yi!” Énɛ́ ɔ́ wú wɛ mi ná hɔn nǔgbó. Mi nɔ ɖɔ: “Mǐ nǎ zé sɔ́ e yá afɔ ganjí lɛ́ɛ.” Énɛ́ ɔ́ wú wɛ mɛ e ná nya mi lɛ́ɛ lɔmɔ̌ ná yá afɔ ganjí.

Ezayíi 31:1

Heelú mɛ e nɔ ɖo alɔgɔ́ ba wɛ bó nɔ́ yi Ejípu lɛ́ɛ! Yě nɔ́ ɖeji dó sɔ́ e ɖo Ejípu lɛ́ɛ wú, bó nɔ́ gán jɛ ahwankɛkɛ́ví e ɖo dɔ̌n lɛ́ɛ wú, ɖó nǔ énɛ́ lɛ́ɛ sukpɔ́ ɖésú ɖo Ejípu. Sɔ́xátɔ́ yětɔn lɛ́ɛ lɔmɔ̌ syɛ́n ɖésú. Lo ɔ́, yě sɔ́ nɔ́ kpɔ́n Mɛ Mímɛ́ Izlayɛ́li tɔn ɔ́ sɛ́ dó ǎ; yě nɔ́ hɔn yi su Mawu Mavɔmavɔ ǎ.

Ezekiyɛ́li 39:9

Énɛ́ ɔ́, Izlayɛ́li ví lɛ́ɛ ná tɔ́n sín toxo yětɔn lɛ́ɛ mɛ; yě ná bɛ́ kɛntɔ́ yětɔn lɛ́ɛ sín ahwanfunnú bó ná ɖo zo dó wɛ káká nú xwe tɛ́nwe; yě ná dó gǎglónú kpɛví kpó ɖaxó kpó zo; yě ná dó da kpó gǎ kpó zo; yě ná dó hwǎn kpó kpo nuxwíɖíxwíɖí kpó zo.

Ozée 14:3

Mi lɛ́ kɔ wá Mawu Mavɔmavɔ gɔ́n, bó ɖɔ n'i ɖɔ: “Sɔ́ hwɛ mǐtɔn lɛ́ɛ bǐ kɛ mǐ, bó yí mǐ ganjí. É sɔ́ ná nyí nyibúsú wɛ mǐ ná nɔ́ dó sá vɔ̌ nú we ǎ, nu mǐtɔn wɛ mǐ ná nɔ́ dó kpa susu nú we.

Naxúmu 2:13

Kinnikínní asú ɔ́ nɔ wlí lan bó nɔ́ vún nú vǐ tɔn lɛ́ɛ; é nɔ́ gbo gbe lan bó nɔ́ ná kinnikínní asi lɛ́ɛ. É nɔ́ wlí lan bo nɔ vún gɔ́ nɔtɛn tɔn.

Sɛ́nflínmɛ 7:16

“Mi ma kú nǔbláwǔ nú togun e Mawu Mavɔmavɔ, Mawu mitɔn ná jó nú mi lɛ́ɛ ó; mi hu bǐ. Mi ma sɛn vodún yětɔn lɛ́ɛ ó; ɖó mɔ wɛ yě nyǐ nú mi.”

Jozuwée 10:8

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

Jozuwée 11:5

Yě kplé yěɖée ɖó kpɔ́, bó wá ɖó gɔnu ɖó tɔsisa Mɛlɔmu tɔn kpá, bó ná tɔ́n ahwan Izlayɛ́li ví lɛ́ɛ.

Jozuwée 11:7

Jozuwée kpódó ahwanfuntɔ́ tɔn lɛ́ɛ kpó yi tɔ́n ahwan kɛntɔ́ yětɔn lɛ́ɛ ajijimɛ, ɖo Mɛlɔmu tɔ ɔ́ tó.

Jozuwée 11:9

Jozuwée wa nǔ xá yě lě e Mawu Mavɔmavɔ ɖɔ n'i gbɔn é. É sɛ́n dɔnkan nú sɔ́ yětɔn lɛ́ɛ, bó dó kɛkɛ́ví yětɔn lɛ́ɛ zo.

Jozuwée 3:5

Jozuwée ɖɔ nú togun ɔ́ ɖɔ: “Mi slá wǔ, ɖó sɔ ɔ́, Mawu Mavɔmavɔ ná jlɛ́ nǔ ɖo tɛ́ntin mitɔn.”

Hwɛɖɔtɔ́ 7:9

Zǎn énɛ́ ɔ́ mɛ ɔ́, Mawu Mavɔmavɔ ɖɔ nú Jedenyɔ́ɔ ɖɔ: “Sí te, jɛ te bó yi tɔ́n ahwan Madiáani ví lɛ́ɛ ɖó un jó yě nú we.

1 Samuwɛ́li 11:9

Yě ɖɔ nú wɛnsagun e gosín Yavɛ́ci wá lɛ́ɛ ɖɔ: “Mi ná ɖɔ nú Yavɛ́cinu e ɖo Galadi lɛ́ɛ ɖɔ: sɔ hwe yi hwǎn ɔ́, mi ná mɔ alɔgɔ́númɛtɔ́.” Wɛnsagun lɛ́ɛ yi dó wɛn énɛ́ ɔ́ Yavɛ́cinu lɛ́ɛ, bɔ é víví nú yě káká,