Jozuwée 11:4 - MAWUXÓWÉMA

⁴ Axɔ́sú lɛ́ɛ bǐ jɛ ali kpó ahwanfuntɔ́ maxamaxa kpó. Ahwanfuntɔ́ lɛ́ɛ sukpɔ́ kɔ́ e ɖo xutó é ɖɔhun. Yě hɛn sɔ́ gěgé kpódó kɛkɛ́ví gěgé kpó.

Jozuwée 11:4 Iomraidhean Croise

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

Bǐbɛ́mɛ 32:12

Bo kɛnklɛ́n bó hwlɛ́n mì ɖo fofó ce Esawu sí. Un ɖo xɛsi ɖi wɛ ɖɔ ní má wá hu mì ó. É má wá hu nyi kpó asi ce lɛ́ɛ kpó vǐ ce lɛ́ɛ kpó ó.

2 Samuwɛ́li 17:11

Nǔ e nyɛ ná kplɔ́n we ɔ́ ɖíe: a nǎ dɔn sɔ́ja Izlayɛ́li tɔn lɛ́ɛ bǐ dó wǔ; a nǎ kplé yě sín Dan ɖo totaligbé káká wá Bɛ̌-Ceva ɖo tofɔligbé, bɔ yě ná sukpɔ́ nyɛ̌kɛ́n e ɖo xutó é ɖɔhun, bɔ hwi ɖésúnɔ ná nɔ ahwan ɔ́ nu.

1 Axɔ́sú 4:20

Togun Judáa tɔn ɔ́ kpó Izlayɛ́li tɔn ɔ́ kpó sukpɔ́ ɖésú, bó cí nyɛ̌kɛ́n e ɖo xutó ɔ́ ɖɔhun; yě nɔ́ mɔ nǔ ɖu, bó nɔ mɔ ahan nu, lobo vo ganjí.

Ɖɛhan 20:8

Mɛ ɖé lɛ́ɛ nɔ́ gán jɛ ahwankɛkɛ́ yětɔn lɛ́ɛ wú, bɔ mɛɖé lɛ́ɛ nɔ́ gán jɛ sɔ́ yětɔn lɛ́ɛ wú. Amɔ̌, mǐdɛɛ lɛ́ɛ ɔ́, Mawu Mavɔmavɔ, Mawu mǐtɔn sín nyǐkɔ wú wɛ mǐ gán jɛ.

Jozuwée 11:5

Yě kplé yěɖée ɖó kpɔ́, bó wá ɖó gɔnu ɖó tɔsisa Mɛlɔmu tɔn kpá, bó ná tɔ́n ahwan Izlayɛ́li ví lɛ́ɛ.

Hwɛɖɔtɔ́ 7:12

Madiáani ví lɛ́ɛ kpó Amalɛ́ki ví lɛ́ɛ kpó, kpódó mɛ e gosín zǎnzǎnhwe jí lɛ́ɛ kpó gba kpé ayǐkúngban wɛnjɛ ɔ́ jí, bó sukpɔ́ ɖésú wɛn ɖɔhun. Lǎkúnmí yětɔn lɛ́ɛ nyí maxamaxa, xuta nyɛ́kɛ́n ɖɔhun.

1 Samuwɛ́li 13:5

Filisitɛ́ɛn lɛ́ɛ kplé bó ná tɔ́n ahwan Izlayɛ́li. Yě ɖó ahwankɛkɛ́ví adɔ̌kpo ɖě děgba we afɔwó (30.000), bó ɖó sɔ́xátɔ́ děgba ɖě afɔwó (6.000). Ahwanfuntɔ́ e ɖo fínɛ́ lɛ́ɛ sukpɔ́, è sixú xa ǎ. Yě sukpɔ́ káká, bó cí kɔ́ e ɖo xutó é ɖɔhun, bɔ yě wá ɖó gɔnu ɖó Mikumasi, ɖo zǎnzǎnhwe jí ɖo Bɛti-Awɛni.