Jozuwée 11:3 - MAWUXÓWÉMA

³ É sɛ́ wɛn dó Kanáanu e ɖo Judɛ́ɛn tɔ ɔ́ sín zǎnzǎnhwe jí kpó gbadahwe jí lɛ́ɛ kpó. É sɛ́ wɛn dó Amɔliti lɛ́ɛ, bó sɛ́ wɛn dó Hitíti lɛ́ɛ, bó sɛ́ dó Pɛliziti lɛ́ɛ, bó sɛ́ wɛn dó Jebuzinu e ɖo sókan mɛ lɛ́ɛ, bó sɛ́ wɛn dó Hivíti e ɖo Ɛmɔ́ɔ só kpá, ɖo Misipa lɛ́ɛ.

Jozuwée 11:3 Iomraidhean Croise

Bǐbɛ́mɛ 31:49

È nɔ lɛ́ ylɔ́ fínɛ́ ɖɔ “Misipa”; ɖó Labáan ɖɔ: “Mawu Mavɔmavɔ ní cɔ́ nyɛ kpó hwi kpó hwenu e mǐ má sɔ́ ná mɔ mǐɖée ǎ é. Misipa sín tínmɛ wɛ nyí ‘Tɛn e mɛ è nɔ cɔ́ mɛ ɖe ɔ́’.

2 Samuwɛ́li 24:16

Ée wɛnsagun Mawu Mavɔmavɔ tɔn dlɛ́n alɔ dó Jeluzalɛ́mu jí, bó ɖo jɛmɛjí ɔ́ ná sɛ́ dó wɛ ɔ́, Mawu Mavɔmavɔ mɔ ɖɔ fí e émí wa nǔ xá yě jɛ ɔ́ kpé, lobo ɖɔ nú wɛnsagun nǔhɛngblétɔ́ ɔ́ ɖɔ: “É nyɔ́ mɔ̌, zě alɔ dó do.” Hwenɛ́nu ɔ́, wɛnsagun ɔ́ kó sɛkpɔ́ fí e Alona Jebuzinu ɔ́ nɔ́ fún jinukún ɖe é.

2 Samuwɛ́li 24:7

Yě lɛ́ yi toxo e è mɛ ahohó lɛ́ lɛ̌ dó ɖo Tíi ɔ́ mɛ, bó gbɔn Hivíti lɛ́ɛ kpó Kanáanu lɛ́ɛ kpó sín toxo lɛ́ɛ bǐ mɛ, bó wá fó dó Bɛ̌-Ceva, ɖo Judáa sín tofɔligbé.

1 Axɔ́sú 15:22

Axɔ́sú Asa ylɔ́ Judáa to ɔ́ bǐ, mɛ ɖěbǔ hwe ɖ'é mɛ ǎ. Bɔ yě bɛ̌ awǐnnya, bó bɛ́ atín e Baeca dó ɖo dǒ mɛ lɛ́ dó Hlama wɛ ɔ́, bɔ axɔ́sú Asa bɛ́ dó mɛ ahohó lɛ́ dó Gɛva ɖo Bɛnjamɛ́ɛ, bó lɛ́ mɛ lɛ́ dó Misipa.

1 Axɔ́sú 9:20

Amɔliti lɛ́ɛ, Hitíti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó ɖé lɛ́ɛ kpo ɖo to ɔ́ mɛ; yědɛɛ ká nyí Izlayɛ́li ví ǎ.

Ɖɛhan 133:3

É cí ahǔn e ja dó Ɛmɔ́ɔ só jí é ɖɔhun, ahǔn e ja dó Ɛmɔ́ɔ só jí, bó sa káká yi Sinyɔ́ɔ só lɛ́ɛ jí é ɖɔhun, ɖó fínɛ́ wɛ Mawu Mavɔmavɔ nɔ ná nyɔ̌ná tɔn mɛ ɖe, é nɔ́ ná gbɛ mɛ káká sɔ́yi káká sá.

Ɖɛhan 89:12

Towe wɛ nyí jǐxwé ɔ́; towe wɛ nyí ayǐkúngban ɔ́ lɔ. Hwi wɛ bló gbɛ ɔ́ kpó nǔ e ɖ'é mɛ lɛ́ɛ bǐ kpó.

Hanvíví 4:8

Asixɔ́ntɔn ce, xwedó mì, gosín Libáan só ɔ́ jí bó xwedó mì; jɛ te sín Amana só ɔ́ jí; jɛ te sín Seníi só ɔ́ kpó Ɛmɔ́ɔ só ɔ́ kpó jí. Gosín kinnikínní sín nɔtɛn énɛ́ lɛ́ɛ; gosín só énɛ́ lɛ́ɛ jí, kpɔ lɛ́ɛ wɛ nɔ́ nɔ fínɛ́.

Jelemíi 40:10

Nyɛ ɔ́, un ná nɔ Misipa fí, bó ná sɔ́ afɔ mitɔn ɖó te, ɖo Babilɔ́nunu e ná wá mǐ gɔ̌n lɛ́ɛ nukɔn. Midɛɛ lɛ́ɛ ɔ́, mi gbɛ vǐwun lɛ́ɛ, mi gbɛ atínsínsɛ́n lɛ́ɛ, mi ɖa ami. Mi kplé nǔ énɛ́ lɛ́ɛ ɖó toxo mitɔn e mɛ mi lɛ́ kɔ wá lɛ́ɛ mɛ.”

Jelemíi 40:6

Énɛ́ ɔ́, Jelemíi lɛ́ kɔ yi Gedaliyási gɔ́n ɖo Misipa, bó nɔ mɛ e kpo ɖo to ɔ́ mɛ lɛ́ɛ tɛ́ntin.

Jelemíi 41:14

Mɛ énɛ́ lɛ́ɛ e Yicimayɛ́li kplá sín Misipa lɛ́ɛ bǐ lɛ́ kɔ, bó yi su Yoxanáni.

Jelemíi 41:3

Yicimayɛ́li lɛ́ hu Judáanu e ɖo Gedaliyási gɔ́n ɖo Misipa lɛ́ɛ bǐ; é hu Babilɔ́nunu ahwanfuntɔ́ e ɖo fínɛ́ lɛ́ɛ bǐ.

Kɛ́nsísɔ́ 13:29

Amalɛ́ki ví lɛ́ɛ ɖo to ɔ́ sín afɔligbé; Hitíti lɛ́ɛ, Jebuzinu lɛ́ɛ, kpódó Amɔliti ví lɛ́ɛ kpó ɖo sókan mɛ, bɔ Kanáanu lɛ́ɛ ɖo xu ɔ́ kpódó Judɛ́ɛn tɔ ɔ́ kpó kpá.”

Sɛ́nflínmɛ 4:48

Izlayɛ́li ví lɛ́ɛ sín ayǐkúngban wɛ bɛ́ sín Alowɛ́ɛ ɖo Aanɔ́ni tɔ ɔ́ tó, káká yi Sinyɔ́ɔ, só e è nɔ ylɔ́ ɖɔ Ɛmɔ́ɔ é kɔn.

Sɛ́nflínmɛ 7:1

Mɔyízi ɖɔ: “Mawu Mavɔmavɔ, Mawu mitɔn ná kplá mi yi byɔ́ to e mi ɖó ná yí ɔ́ mɛ. Hwenu e mi ná ɖo to ɔ́ sɛkpɔ́ wɛ ɔ́, é ná nya togun tobutóbú ɖé lɛ́ɛ ɖo nukɔn mitɔn; togun tɛ́nwe wɛ; yě sukpɔ́ hú mi, bó syɛ́n hú mi. Togun lɛ́ɛ wɛ nyí: Hitíti lɛ́ɛ, Giigacíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó.

Jozuwée 11:17

É ɖu ɖo to lɛ́ɛ bǐ jí, bɛ́ sín só e jí nǔɖé má ɖe ǎ, bɔ é gbɔn Seyíi káká yi Baalu-Gadi ɖo Libáan tɔdo mɛ, ɖo Ɛmɔ́ɔ só kpá é. É wlí to énɛ́ lɛ́ɛ bǐ sín axɔ́sú bó hu.

Jozuwée 11:8

Mawu Mavɔmavɔ jó yě nú Izlayɛ́li ví lɛ́ɛ, bɔ Izlayɛ́li ví lɛ́ɛ ɖu ɖo yě jí, bó nya yě káká yi toxo ɖaxó Sidɔ́ɔn sín taligbé, bó lɛ́ nya yě gbɔn Mislefɔ́ti-Mayimu, ɖo zǎnzǎnhwe jí káká yi Misipa sín tɔdo mɛ. Yě hu yě bǐ, yě jó yě mɛ ɖokpó dó nyi gbɛ ǎ.

Jozuwée 13:11

Galadi Gɛcúunu lɛ́ɛ kpó Maakatinu lɛ́ɛ kpó sín to ɔ́, kpódó Ɛmɔ́ɔ só ɔ́ bǐ kpó, kpódó ayǐkúngban Basáni tɔn ɔ́ bǐ kpó ɖ'é mɛ káká yi Saluka.

Jozuwée 13:5

Mɔ̌ ɖokpó ɔ́, a ɖǒ ná yí ayǐkúngban Gebali tɔn ɔ́, bó ná yí ayǐkúngban e ɖo Libáan sín zǎnzǎnhwe jí, bɛ́ sín Baalu-Gadi, ɖo Ɛmɔ́ɔ só kpá lɛ́ɛ, káká yi Lɛbo-Hamáti.

Jozuwée 15:38

Dileani, Misipa, Yokiteɛ́li,

Jozuwée 15:63

Judáa sín kúnkan lɛ́ɛ kpé wú bó nya Jebuzinu e ɖo Jeluzalɛ́mu lɛ́ɛ ǎ, bɔ yě mɛ énɛ́ lɛ́ɛ kpo ɖo toxo ɔ́ mɛ, kpódó kúnkan Judáa tɔn lɛ́ɛ kpó káká jɛ égbé.

Jozuwée 18:26

Misipa, Kefila, Mɔsa,

Jozuwée 3:10

Ée yě sɛ wá ɔ́, é ɖɔ nú yě ɖɔ: “Nǔ e Mavɔmavɔ ná jlɛ́ ɔ́ ná zɔ́n bɔ mi ná tunwun ɖɔ Mawu gbɛɖe ɔ́ ɖo tɛ́ntin mitɔn, bó ná nya Kanáanu lɛ́ɛ, Hitíti lɛ́ɛ, Hivíti lɛ́ɛ, Pɛliziti lɛ́ɛ, Giigacíti lɛ́ɛ, Amɔliti lɛ́ɛ kpódó Jebuzinu lɛ́ɛ kpán sín nukɔn mitɔn.

Hwɛɖɔtɔ́ 20:1

Izlayɛ́li ví lɛ́ɛ bǐ ɖó gbe kpɔ́ bó sɛ yěɖée kplé ɖo Misipa ɖo Mawu Mavɔmavɔ nukɔn; to lɛ́ɛ bǐ mɛ wɛ yě gosín, bɛ́ sín Dan ɖo totaligbé káká yi Bɛ̌-Ceva ɖo tofɔligbé, bó gosín Galadi ɖo zǎnzǎnhwe jí.

Hwɛɖɔtɔ́ 21:5

Énɛ́ ɔ́ gúdo ɔ́, Izlayɛ́li ví lɛ́ɛ kanbyɔ́ yěɖée ɖɔ: “Đo Izlayɛ́li sín akɔta lɛ́ɛ bǐ mɛ ɔ́, gbɛ̌ta ɖé ɖe, bó má wá kplé e è blǒ ɖo Mawu Mavɔmavɔ nukɔn ɖo Misipa ɔ́ a?” Đó yě kó ɖɔ bó xwlé nǔ d'é jí ɖɔ mɛ ɖěbǔ gɔn Misipa ɔ́, è nǎ hu i.

Hwɛɖɔtɔ́ 21:8

Énɛ́ ɔ́, yě ba do ná bó ná kpɔ́n ɖɔ gbɛ̌ta ɖé ɖo akɔta Izlayɛ́li tɔn lɛ́ɛ mɛ, bó má wá Mawu Mavɔmavɔ nukɔn ɖo Misipa a jí. Bɔ è mɔ ɖɔ mɛ ɖěbǔ kún gosín Yavɛ́ci ɖo Galadi yíkúngban jí, bó wá fí e è blǒ kplé ɔ́ ɖe ɔ́ ó.

Hwɛɖɔtɔ́ 3:3

Yě mɛ e é jó dó nyi to ɔ́ mɛ lɛ́ɛ wɛ nyí mɛ e ɖo Filisitɛ́ɛn lɛ́ɛ sín axɔ́súɖuto atɔ́ɔ́n lɛ́ɛ mɛ lɛ́ɛ, Kanáanu lɛ́ɛ bǐ, Sidɔ́ɔnnu lɛ́ɛ kpódó Hivíti e nɔ́ nɔ Libáan sókan mɛ lɛ́ɛ kpó, sín Baalu-Ɛmɔ́ni só ɔ́ kɔn káká yi Lɛbo-Hamáti lɛ́ɛ.

Hwɛɖɔtɔ́ 3:5

Énɛ́ ɔ́ wú wɛ Izlayɛ́li ví lɛ́ɛ nɔ Kanáanu lɛ́ɛ, Hitíti lɛ́ɛ, Amɔliti lɛ́ɛ, Pɛliziti lɛ́ɛ, Hivíti lɛ́ɛ kpódó Jebuzinu lɛ́ɛ kpó tɛ́ntin.

1 Samuwɛ́li 10:17

Samuwɛ́li ylɔ́ Izlayɛ́li ví lɛ́ɛ bǐ kplé ɖo Mawu Mavɔmavɔ nukɔn ɖo Misipa,