Jozuwée 11:2 - MAWUXÓWÉMA

² É sɛ́ wɛn dó axɔ́sú e ɖo sókan mɛ ɖo totaligbé lɛ́ɛ lɔmɔ̌, bó sɛ́ wɛn dó axɔ́sú e ɖo tɔdo Judɛ́ɛn tɔn ɔ́ mɛ, ɖo Jenɛzalɛ́ti tɔ ɔ́ sín afɔligbé lɛ́ɛ, bó sɛ́ wɛn dó axɔ́sú e ɖo to e ɖo tɔdo mɛ lɛ́ɛ kpódó éé ɖo kpó jí ɖo Dɔ́ɔ kpá, ɖo gbadahwe jí lɛ́ɛ kpó.

Jozuwée 11:2 Iomraidhean Croise

1 Axɔ́sú 15:20

Bɛni-Hadadi yí gbe nú xó e axɔ́sú Asa ɖɔ ɔ́, bó sɛ́ ahwangán tɔn lɛ́ɛ dó, bɔ yě yi tɔ́n ahwan Izlayɛ́li sín toxo lɛ́ɛ; yě yǐ Iyɔ́ni, bó yí Dan, bó yí Avɛ́li-Bɛti-Maaka, bó yí ayǐkúngban e gbɔn Jenɛzalɛ́ti gbé ɔ́ jí lɛ́ɛ bǐ, bó yí Nɛfutali yíkúngban e kpo lɛ́ɛ bǐ.

1 Axɔ́sú 4:11

Avinadávu ví ɔ́; éyɛ́ kpa acɛ dó sókan e ɖo Dɔ́ɔ gbé jí ɔ́ bǐ nu. É da Tafáti Salomɔ́ɔ ví ɔ́.

Kɛ́nsísɔ́ 34:11

bó ná gosín Cefámu ɖidó Hlivla ɖo Ayini sín zǎnzǎnhwe jí; é ná gosín fínɛ́ bó ná dlɛ́n d'é nu gbɔn Jenɛzalɛ́ti xu ɔ́ tó.

Luki 1:39

Azǎn ɖé jɛ ǎ, bɔ Mali jɛ ali, bó hwlɛ́ndó, bó yi Judáa sín toxo ɖé mɛ, ɖo sókan mɛ.

Luki 5:1

Jezu ɖo te ɖo Jenɛzalɛ́ti tɔ tó gbe ɖokpó, bɔ mɛ gěgé nyɛ́sú i, bó ná se Mawuxó.

Jozuwée 10:40

Jozuwée yí to ɔ́ bǐ; é hu axɔ́sú sókan mɛ tɔn lɛ́ɛ, bó hu éé ɖo tofɔligbé lɛ́ɛ, bó hu éé ɖo tɔdo mɛ lɛ́ɛ, bó hu éé ɖo kpó jí lɛ́ɛ. É jó mɛ ɖěbǔ dó ǎ. Nǔ e kó sixú ɖó funfún lɛ́ɛ bǐ wɛ é hu, lě e Mawu Mavɔmavɔ, Mawu Izlayɛ́li ví lɛ́ɛ tɔn ɖɔ gbɔn é.

Jozuwée 10:6

Gabawɔ́ɔnnu lɛ́ɛ ká sɛ́ wɛn dó Jozuwée, ɖo fí e é ɖó gɔnu ɖó ɖo Gilugalu ɔ́, ɖɔ: “Ma jó mǐ mɛsɛntɔ́ towe lɛ́ɛ dó ó, yǎ wǔ wá dó alɔ mǐ, lobo ná hwlɛ́n mǐ, ɖó axɔ́sú Amɔliti lɛ́ɛ tɔn e ɖo sókan mɛ lɛ́ɛ bǐ blá gbě mǐtɔn.”

Jozuwée 11:16

Jozuwée yí to ɔ́ bǐ. É yí to e ɖo sókan mɛ lɛ́ɛ, bó yí to e ɖo afɔligbé lɛ́ɛ bǐ, bó yí to e ɖo Gocɛ́ni gbé jí lɛ́ɛ bǐ, bó yí to e ɖo dodomɛ lɛ́ɛ, bó yí to e ɖo Judɛ́ɛn sín tɔdo mɛ lɛ́ɛ, bó yí to e ɖo Izlayɛ́li só jí, ɖo totaligbé lɛ́ɛ, kpódó éé ɖo ayǐkúngban wɛnjɛ jí ɖo só ɔ́ kpá lɛ́ɛ kpó.

Jozuwée 11:21

Hwe énɛ́ ɔ́ nu ɖokpó ɔ́, Jozuwée yi fun ahwan xá Anáki ví e ɖo sókan mɛ, ɖo Eblɔ́n lɛ́ɛ, éé ɖo Devíi lɛ́ɛ, éé ɖo Anávu lɛ́ɛ, kpódó éé ɖo Judáa kpó Izlayɛ́li kpó sín sókan mɛ lɛ́ɛ kpó. É vívá kún yě bǐ tɔn, bó gba to yětɔn bǐ hánnyá.

Jozuwée 12:23

Dɔ́ɔ xɔ́sú ɔ́; xutó wɛ Dɔ́ɔ ɔ́ ɖe; Goyímu xɔ́sú ɔ́; Galilée wɛ Goyímu ɔ́ ɖe,

Jozuwée 12:3

É lɛ́ kpa acɛ dó tɔdo Judɛ́ɛn tɔn ɔ́ nu, ɖo zǎnzǎnhwe jí, bɛ́ sín Jenɛzalɛ́ti tɔ ɔ́ kɔn ɖo totaligbé káká yi Xu Kúkú ɔ́ kɔn, ɖo Bɛti-Yesimɔ́ti kpá, bó lɛ́ kpa acɛ dó ayǐkúngban e ɖo Pisiga só kpá ɔ́ nu, ɖo tofɔligbé do dɔ̌n.

Jozuwée 13:27

Bɛti-Halamu, Bɛti-Nimula, Sukɔ́tu kpó Safɔ́ni kpó, ɖo tɔdo Judɛ́ɛn tɔn ɔ́ mɛ. Sihɔ́ni Hɛcibɔ́ni xɔ́sú ɔ́ wɛ kpa acɛ gbɔn fí énɛ́ lɛ́ɛ, ɖo Judɛ́ɛn tɔ ɔ́ sín zǎnzǎnhwe jí, bɔ Judɛ́ɛn tɔ ɔ́ nyí dogbó n'i káká yi Jenɛzalɛ́ti tɔ ɔ́ kɔn, ɖo totaligbé.

Jozuwée 17:11

È nǎ toxo ɖé lɛ́ɛ akɔta Manasée tɔn ɔ́ ɖo Isakáa kpó Acɛ́ɛ kpó sín ayǐkúngban jí. Toxo e wɛ lɛ́ɛ ɖíe: Bɛti-Ceani kpó gletoxo tɔn lɛ́ɛ kpó, Yivleámu kpó gletoxo tɔn lɛ́ɛ kpó. Dɔ́ɔ kpó gletoxo tɔn lɛ́ɛ kpó, Eyinu-Dɔ́ɔ kpó gletoxo tɔn lɛ́ɛ kpó, Tanaki kpó gletoxo tɔn lɛ́ɛ kpó, Mɛgido kpó toxo tɔn lɛ́ɛ kpó: só atɔn lɛ́ɛ.

Hwɛɖɔtɔ́ 1:27

Manasée sín mɛ lɛ́ɛ kpé wú bó nya mɛ e ɖo Bɛti-Ceani lɛ́ɛ ǎ, yě ká kpé wú bó nya Tanakinu lɛ́ɛ, Dɔ́ɔnu lɛ́ɛ, Yivleámunu lɛ́ɛ kpó Mɛgidonu lɛ́ɛ kpó ǎ; yě ká kpé wú bó nya mɛ e ɖo toxo e ɖo to énɛ́ lɛ́ɛ kpá lɛ́ɛ mɛ lɛ́ɛ ǎ; bɔ Kanáanu lɛ́ɛ kpo ɖo gbě énɛ́ ɔ́ jí.