Jozuwée 11:16 - MAWUXÓWÉMA

¹⁶ Jozuwée yí to ɔ́ bǐ. É yí to e ɖo sókan mɛ lɛ́ɛ, bó yí to e ɖo afɔligbé lɛ́ɛ bǐ, bó yí to e ɖo Gocɛ́ni gbé jí lɛ́ɛ bǐ, bó yí to e ɖo dodomɛ lɛ́ɛ, bó yí to e ɖo Judɛ́ɛn sín tɔdo mɛ lɛ́ɛ, bó yí to e ɖo Izlayɛ́li só jí, ɖo totaligbé lɛ́ɛ, kpódó éé ɖo ayǐkúngban wɛnjɛ jí ɖo só ɔ́ kpá lɛ́ɛ kpó.

Jozuwée 11:16 Iomraidhean Croise

Ɖɛhan 105:44

É sɔ́ akɔta lɛ́ɛ sín ayǐkúngban jó nú yě, bɔ nǔ e togun ɖěvo lɛ́ɛ wa lɛ́ɛ húzú yětɔn

Ɖɛhan 78:55

É nya akɔta ɖě lɛ́ɛ sín ayǐkúngban énɛ́ ɔ́ jí; é má to ɔ́ dó así nú yě, bɔ é húzú yětɔn; é ɖó tɛnmɛ nú akɔta Izlayɛ́li ví lɛ́ɛ tɔn lɛ́ɛ ɖo Kanáanu lɛ́ɛ xwé gbe.

Ezekiyɛ́li 17:23

Un ná zé yi tun ɖó Izlayɛ́li só ɖaxó ɖokpó jí, bɔ é ná zɛ ala bó ná sɛ́n. É ná nyí sɛ́dlu ɖagbe ɖagbe ɖokpó. Xɛ alɔkpa alɔkpa bǐ ná nɔ́ wá ɖó ɖ'é jí. Nǔ e kó sixú nyí xɛ lɛ́ɛ bǐ ná wá nɔ yɛtɛn tɔn.

Ezekiyɛ́li 36:8

Hwe énɛ́ nu ɔ́, atín e ɖo Izlayɛ́li só jí lɛ́ɛ ná zɔ́n ama, bó ná sɛ́n nú mi Izlayɛ́li ví togun ce ɔ́. Ɖó zaanɖé din ɔ́, mi ná lɛ́ kɔ yi to mitɔn mɛ.

Sɛ́nflínmɛ 1:7

Din ɔ́, mi wlí ali, bó yi sókan mɛ fí e Amɔliti lɛ́ɛ ɖe ɔ́. Mi gba kpé ayǐkúngban e sɛkpɔ́ yě lɛ́ɛ bǐ jí: mi yi ayǐkúngban wɛnjɛ Judɛ́ɛn tɔn ɔ́ jí, mi yi sókan mɛ, mi yi tofɔligbé, mi yi xutó, mi yi Kanáanu lɛ́ɛ sín to mɛ, bó yi Libáan. Mi gba kpé fí énɛ́ lɛ́ɛ bǐ káká yi tɔ ɖaxó Efláti tɔn ɔ́ tó.

Jozuwée 10:40

Jozuwée yí to ɔ́ bǐ; é hu axɔ́sú sókan mɛ tɔn lɛ́ɛ, bó hu éé ɖo tofɔligbé lɛ́ɛ, bó hu éé ɖo tɔdo mɛ lɛ́ɛ, bó hu éé ɖo kpó jí lɛ́ɛ. É jó mɛ ɖěbǔ dó ǎ. Nǔ e kó sixú ɖó funfún lɛ́ɛ bǐ wɛ é hu, lě e Mawu Mavɔmavɔ, Mawu Izlayɛ́li ví lɛ́ɛ tɔn ɖɔ gbɔn é.

Jozuwée 10:41

Jozuwée hu mɛ lɛ́ɛ sín Kadɛ́ci-Baanɛ́ya wá Gaza; é hu to ɔ́ mɛ nu lɛ́ɛ bǐ sín Gocɛ́ni káká wá Gabawɔ́ɔn.

Jozuwée 11:15

Mɔyízi ko ɖɔ xó e Mawu Mavɔmavɔ ɖɔ n'i dó nǔ énɛ́ ɔ́ wú ɔ́ bǐ nú Jozuwée, bɔ Jozuwée bló ɖ'é jí, é hɔn xó ɔ́ ɖokpó nyi gbě ǎ.

Jozuwée 11:2

É sɛ́ wɛn dó axɔ́sú e ɖo sókan mɛ ɖo totaligbé lɛ́ɛ lɔmɔ̌, bó sɛ́ wɛn dó axɔ́sú e ɖo tɔdo Judɛ́ɛn tɔn ɔ́ mɛ, ɖo Jenɛzalɛ́ti tɔ ɔ́ sín afɔligbé lɛ́ɛ, bó sɛ́ wɛn dó axɔ́sú e ɖo to e ɖo tɔdo mɛ lɛ́ɛ kpódó éé ɖo kpó jí ɖo Dɔ́ɔ kpá, ɖo gbadahwe jí lɛ́ɛ kpó.

Jozuwée 11:21

Hwe énɛ́ ɔ́ nu ɖokpó ɔ́, Jozuwée yi fun ahwan xá Anáki ví e ɖo sókan mɛ, ɖo Eblɔ́n lɛ́ɛ, éé ɖo Devíi lɛ́ɛ, éé ɖo Anávu lɛ́ɛ, kpódó éé ɖo Judáa kpó Izlayɛ́li kpó sín sókan mɛ lɛ́ɛ kpó. É vívá kún yě bǐ tɔn, bó gba to yětɔn bǐ hánnyá.

Jozuwée 12:8

To e é má nú yě lɛ́ɛ ɖíe: Ayǐkúngban e ɖo sókan mɛ é, to e ɖo dodomɛ é, ayǐkúngban e ɖo tɔdo Judɛ́ɛn tɔn mɛ é, ayǐkúngban e ɖo só jí lɛ́ɛ, ayǐkúngban e ɖo gbětótló mɛ lɛ́ɛ kpódó éé ɖo só kpɛví kpɛví lɛ́ɛ kan mɛ lɛ́ɛ kpó. Mɛ e nɔ ayǐkúngban énɛ́ lɛ́ɛ jí ɖ'ayǐ lɛ́ɛ ɖíe: Hitíti lɛ́ɛ, Amɔliti lɛ́ɛ, Kanáanu lɛ́ɛ, Pɛliziti lɛ́ɛ, Hivíti lɛ́ɛ, kpódó Jebuzinu lɛ́ɛ kpó.

Jozuwée 9:1

Axɔ́sú e ɖo Judɛ́ɛn tɔ ɔ́ gúdo ɖo sókan mɛ, ɖo tɔdo mɛ lɛ́ɛ kpódó éé ɖo Mɛditɛlanɛ́ɛ xu ɔ́ tó káká yi Libáan lɛ́ɛ kpó bǐ se ɖɔ è gba Ayíi toxo ɔ́. Axɔ́sú e wɛ lɛ́ɛ ɖíe: Hitíti lɛ́ɛ xɔ́sú ɔ́, Amɔliti lɛ́ɛ xɔ́sú ɔ́, Kanáanu lɛ́ɛ xɔ́sú ɔ́, Pɛliziti lɛ́ɛ xɔ́sú ɔ́, Hivíti lɛ́ɛ xɔ́sú ɔ́ kpódó Jebuzinu lɛ́ɛ xɔ́sú ɔ́ kpó.