Jozuwée 11:13 - MAWUXÓWÉMA

¹³ Amɔ̌, yě dó toxo e ɖo kpó jí lɛ́ɛ ɖěbǔ zo zɛ Hasɔ́ɔ e Jozuwée ná gbe bɔ è dǒ zo ɔ́ wú ǎ.

Jozuwée 11:13 Iomraidhean Croise

Jelemíi 30:18

Mawu Mavɔmavɔ ɖɔ: “Jakɔ́bu ví e ahwan wlí yi to ɖěvo mɛ lɛ́ɛ ɔ́, un ná kplá yě wá xwé. Xwé yětɔn lɛ́ɛ sín nǔ nǎ blá wǔ nú mì. È nǎ vɔ̌ toxo yětɔn e ko gba bǐ ɔ́ bló ɖó. È nǎ vɔ̌ axɔ́sú ɔ́ sín hɔnmɛ bló, ɖó tɛn tɔn xóxó ɔ́ mɛ.

Jozuwée 11:12

Jozuwée ɖu ɖo axɔ́sú e blá gbě tɔn lɛ́ɛ bǐ jí, bó yí toxo yětɔn lɛ́ɛ. É hu axɔ́sú lɛ́ɛ, bó hu mɛ e ɖo to yětɔn mɛ lɛ́ɛ bǐ, lě e mɛsɛntɔ́ Mawu Mavɔmavɔ tɔn Mɔyízi ɖɔ é ní bló gbɔn é.

Jozuwée 11:14

Izlayɛ́li ví lɛ́ɛ bɛ́ dɔkun kpó kanlin kpó e yě mɔ ɖo toxo énɛ́ lɛ́ɛ mɛ lɛ́ɛ bǐ, bó hu to énɛ́ lɛ́ɛ mɛ nu lɛ́ɛ bǐ. Yě jǒ nǔ e kó sixú ɖó funfún lɛ́ɛ ɖokpó dó nyi gbɛ ɖo to énɛ́ lɛ́ɛ mɛ ǎ.

Jozuwée 24:13

Un ná mi to e mɛ mi ma jɛ tagba ɖěbǔ ɖe ǎ é, bó ná mi toxo e mi ma ɖó ayǐ ǎ lɛ́ɛ, bɔ mi ɖ'é mɛ. Un ná mi vǐwuntín e mi ma tun ǎ lɛ́ɛ, bó ná mi olívutín e mi ma tun ǎ lɛ́ɛ, bɔ mi ɖo ɖuɖu wɛ.”