Jozuwée 10:8 - MAWUXÓWÉMA

⁸ Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

Jozuwée 10:8 Iomraidhean Croise

1 Axɔ́sú 20:13

Hwenɛ́nu ɔ́, gbeyíɖɔ Mawu tɔn ɖokpó sɛkpɔ́ axɔ́sú Izlayɛ́li tɔn Akábu, bo ɖɔ n'i ɖɔ: “Mawu Mavɔmavɔ sɛ́ wɛn dó we ɖɔ: ‘A mɔ mɛ wɔ̌buwɔ́bú nɛ́ lɛ́ɛ bǐ a? Un ná jó yě nú we égbé, bɔ a nǎ tunwun ɖɔ nyɛ wɛ nyí Mawu Mavɔmavɔ e ɖó acɛ dó nǔ bǐ jí é.’ ”

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Sɛ́nflínmɛ 3:2

Lo ɔ́, Mawu Mavɔmavɔ ɖɔ nú mì ɖɔ: ‘Ma ɖi xɛsi n'i ó. Un ná jó é kpódó ahwangɔnu tɔn kpó to tɔn kpó nú we bɔ a nǎ wa nǔ tɔn lě e a wa Sihɔ́ni Amɔliti lɛ́ɛ xɔ́sú ɔ́ sín nǔ gbɔn é. Hɛcibɔ́ni wɛ é nɔ́ nɔ.’

Sɛ́nflínmɛ 7:24

Mawu Mavɔmavɔ ná jó axɔ́sú yětɔn lɛ́ɛ nú mi, bɔ mi ná sú kún yětɔn dó, mɛ ɖěbǔ sɔ́ ná flín yě ɖo ayǐkúngban jí ǎ; yě mɛ ɖokpó géé ná kpo ɖo nukɔn mitɔn ǎ; yě bǐ wɛ mi ná hu,

Jozuwée 10:25

É lɛ́ ɖɔ nú yě ɖɔ: “Mi ma ɖi xɛsi ó, ado ní má hu mi ó! Mi kpan akɔ́n bó dó gǎn, ɖó lě e Mawu Mavɔmavɔ ná wa nǔ xá kɛntɔ́ e mi ná fun ahwan xá lɛ́ɛ bǐ gbɔn é nɛ́.”

Jozuwée 10:9

Jozuwée kpódó ahwan tɔn lɛ́ɛ kpó xo zǎn sín Gilugalu, bó yi tɔ́n ahwan Amɔliti ví lɛ́ɛ ajijimɛ.

Jozuwée 11:6

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó, ɖó sɔ lěhwenu ɔ́, un ná jó yě bǐ nú mi togun Izlayɛ́li tɔn ɔ́, bɔ mi ná hu yě. A nǎ sɛ́n dɔnkan nú sɔ́ yětɔn lɛ́ɛ, bó ná dó kɛkɛ́ví yětɔn lɛ́ɛ zo.”

Jozuwée 8:1

Mawu Mavɔmavɔ ɖɔ nú Jozuwée ɖɔ: “Ma ɖi xɛsi ó, ado ní má hu we ó. Kplá ahwangɔnu towe bǐ bónú mi yi tɔ́n ahwan Ayíi toxo ɔ́. Éɖíe, un jó axɔ́sú Ayíi tɔn ɔ́ kpó togun tɔn kpó nú we; un jó toxo tɔn kpó ayǐkúngban tɔn kpó nú we.

Hwɛɖɔtɔ́ 6:16

Énɛ́ ɔ́, Mawu Mavɔmavɔ ɖɔ n'i ɖɔ: “Un ná ɖo kpɔ́ xá we, énɛ́ ɔ́, a nǎ ɖu ɖo Madiáani ví lɛ́ɛ jí gbɛtɔ́ ɖokpó géé wɛ yě nyǐ ɖɔhun.”

Hwɛɖɔtɔ́ 7:9

Zǎn énɛ́ ɔ́ mɛ ɔ́, Mawu Mavɔmavɔ ɖɔ nú Jedenyɔ́ɔ ɖɔ: “Sí te, jɛ te bó yi tɔ́n ahwan Madiáani ví lɛ́ɛ ɖó un jó yě nú we.

1 Samuwɛ́li 17:47

Bɔ mɛ e ɖo fí lɛ́ɛ bǐ ná tunwun ɖɔ Mawu Mavɔmavɔ kún ba hwǐ abǐ hwǎn cóbó ná hwlɛ́n mɛ gán ó, ɖó Mawu Mavɔmavɔ wɛ nɔ ná ɖuɖéjí mɛ; é ná jó mi nú mǐ.”