Jozuwée 10:3 - MAWUXÓWÉMA

³ Énɛ́ ɔ́ wú wɛ Adoni-Sedɛ́ki axɔ́sú Jeluzalɛ́mu tɔn ɔ́ sɛ́ wɛn dó Hoxámu Eblɔ́n xɔ́sú ɔ́, bó sɛ́ wɛn dó Pileyamu Yaamúti xɔ́sú ɔ́, bó sɛ́ wɛn dó Yafia Lakíci xɔ́sú ɔ́, kpódó Devíi Eglɔ́ni xɔ́sú ɔ́ kpó ɖɔ:

Jozuwée 10:3 Iomraidhean Croise

Bǐbɛ́mɛ 23:2

É kú ɖo Kiliyati-Aaba. Toxo énɛ́ ɔ́ wɛ nyí Eblɔ́n bó ɖo Kanáa yíkúngban jí. Ablaxámu wa asi tɔn sín nǔ lɛ́ɛ, bó ví i.

Bǐbɛ́mɛ 37:14

Énɛ́ ɔ́, Izlayɛ́li ɖɔ n'i ɖɔ: “Yi kpɔ́n ɖɔ nɔví towe lɛ́ɛ ɖo ganjí a jí, kanlin lɛ́ɛ lɔmɔ̌ ɖo ganjí a jí. Nú a ko yi ɔ́, a nǎ wá ɖɔ lě e yě ɖe gbɔn ɔ́ nú mì.” Tɔdo Eblɔ́n tɔn ɔ́ mɛ wɛ Izlayɛ́li nɔ bó sɛ́ Jozɛ́fu dó Sikɛ́mu.

2 Samuwɛ́li 2:11

Davídi ɖu axɔ́sú ɖo Eblɔ́n, bó kpa acɛ dó akɔta Judáa tɔn ɔ́ nu xɔ xwe tɛ́nwe adaɖé.

2 Axɔ́sú 18:14

Énɛ́ ɔ́, Ezekiyási Judáa xɔ́sú ɔ́ ɖɔ sɛ́ dó Asilíi xɔ́sú ɔ́ ɖo Lakíci ɖɔ: “Un wa nǔ ɖokpó nyi do, ka kɛnklɛ́n bó jó mì dó. Énɛ́ ɔ́, a byɔ́ nǔ ɖěbǔ mì ɔ́, un ná ná.” Ée Asilíi xɔ́sú ɔ́ se mɔ̌ ɔ́, é ɖɔ sɛ́ dó Ezekiyási ɖɔ é ɖó ná ná kpatágan kilóo děgba we afatɔ́n (9.000), kpó siká kilóo afɛnɛ kanwe ko (900) kpó émí.

2 Axɔ́sú 18:17

Asilíi xɔ́sú ɔ́ nɔ Lakíci, bó sɛ́ mɛ dó axɔ́sú Ezekiyási ɖo Jeluzalɛ́mu. Mɛ e é sɛ́ dó lɛ́ɛ ɖíe: ahwangán ɖaxó bǐ ɔ́, ahwangán e kpa acɛ dó ahwangɔnu ɔ́ nu é kpó ahwangán e nɔ kplá axɔ́sú ɔ́ é kpó. Ahwangɔnu ɖaxó ɖé nu wɛ yě zɔn bó wá Jeluzalɛ́mu. Ée yě wá ɔ́, yě nɔ te ɖo ali e è nɔ gbɔn yi Avɔnyatɔ́ lɛ́ɛ gle mɛ ɔ́ jí ɖo fí e sindo e ɖo só ta ɔ́ sín sin nɔ gbɔn é kpá.

2 Tan 11:9

Adolayímu, Lakíci, Azeka,

Jelemíi 34:7

Hwenɛ́nu ɔ́, ahwangɔnu Babilɔ́nu xɔ́sú ɔ́ tɔn ɖo ahwan fun xá Jeluzalɛ́mu kpódó Judáa toxo e è mɛ ahohó lɛ́ lɛ̌ dó lɛ́ɛ wɛ. Toxo lɛ́ɛ wɛ nyí Lakíci kpó Azeka kpó.

Micée 1:13

Mi Lakícinu e mi, mi sin sɔ́ mitɔn lɛ́ɛ dó ahwankɛkɛ́ mitɔn lɛ́ɛ wú . Mi gbɛ́ gbe nú Mawu Izlayɛ́li ví lɛ́ɛ ɖɔhun; mi wútu wɛ yě hu hwɛ.

Kɛ́nsísɔ́ 13:22

Yě byɔ́ to ɔ́ mɛ gbɔn afɔligbé, bó yi káká Eblɔ́n, fí e Aximani kpó Cecáyi kpó, kpódó Talumayi kpó kó nɔ ɖ'ayǐ é; mɛ énɛ́ lɛ́ɛ ɔ́, Anáki ví wɛ yě nyǐ. È ɖǒ Eblɔ́n toxo ɔ́ ayǐ ɔ́, é kó ɖó xwe tɛ́nwe cóbɔ è wǎ ɖó Sowáan toxo ɔ́ ayǐ ɖo Ejípu.

Jozuwée 10:1

Axɔ́sú Jeluzalɛ́mu tɔn Adoni-Sedɛ́ki se ɖɔ Jozuwée yí Ayíi toxo ɔ́, lobo hɛn nǔ e ɖo toxo ɔ́ mɛ lɛ́ɛ bǐ gblé. É se ɖɔ Jozuwée wa nǔ xá toxo ɔ́ kpó axɔ́sú tɔn kpó lě e é wa nǔ xá Jeliko kpódó Jeliko xɔ́sú ɔ́ kpó gbɔn é. É lɛ́ se ɖɔ Gabawɔ́ɔnnu lɛ́ɛ jɛ akɔ xá Izlayɛ́li togun ɔ́, bó dó mɔ fífá, bó ɖo yě mɛ.

Jozuwée 10:23

Yě bló nǔ e Jozuwée ɖɔ ɔ́, bó kplá axɔ́sú atɔ́ɔ́n lɛ́ɛ wá n'i; yě ɖíe: axɔ́sú Jeluzalɛ́mu tɔn, Eblɔ́n tɔn, Yaamúti tɔn, Lakíci tɔn, kpó Eglɔ́ni tɔn kpó.

Jozuwée 10:34

Jozuwée kpódó Izlayɛ́li ví lɛ́ɛ bǐ kpó gosín Lakíci, bó wá Eglɔ́ni, yě xá toxo ɔ́, lobo tɔ́n ahwan toxo ɔ́.

Jozuwée 10:5

Ée é ɖɔ mɔ̌ nú yě ɔ́, axɔ́sú Amɔliti lɛ́ɛ tɔn atɔ́ɔ́n ɖó gbe kpɔ́ bó ɖidó kpódó ahwangɔnu yětɔn lɛ́ɛ bǐ kpó; axɔ́sú énɛ́ lɛ́ɛ wɛ nyí Jeluzalɛ́mu xɔ́sú ɔ́, Eblɔ́n xɔ́sú ɔ́, Yaamúti xɔ́sú ɔ́, Lakíci xɔ́sú ɔ́ kpódó Eglɔ́ni xɔ́sú ɔ́ kpó. Yě xá Gabawɔ́ɔn toxo ɔ́, bó tɔ́n ahwan ɛ.

Jozuwée 14:15

Eblɔ́n to ɔ́, Kiliyati-Aaba wɛ é nɔ nyí ɖ'ayǐ. Aaba sɔ́ avɔ hú Anáki ví lɛ́ɛ bǐ. Énɛ́ ɔ́, Izlayɛ́li togun ɔ́ gbɔjɛ́, bó sɔ́ fun ahwan ɖě ǎ.

Jozuwée 15:54

Humɛta, Kiliyati-Aaba e è nɔ lɛ́ ylɔ́ ɖɔ Eblɔ́n é kpódó Siɔ́ɔ kpó. É bló toxo tɛ́nnɛ kpódó gletoxo yětɔn lɛ́ɛ kpó.

Jozuwée 15:63

Judáa sín kúnkan lɛ́ɛ kpé wú bó nya Jebuzinu e ɖo Jeluzalɛ́mu lɛ́ɛ ǎ, bɔ yě mɛ énɛ́ lɛ́ɛ kpo ɖo toxo ɔ́ mɛ, kpódó kúnkan Judáa tɔn lɛ́ɛ kpó káká jɛ égbé.

Jozuwée 18:28

Sela, Elɛ́fu, Jebuzinu e è nɔ lɛ́ ylɔ́ ɖɔ Jeluzalɛ́mu é; kpó Kiliyati-Yealimu kpó. É bló toxo wǒ-ɛnɛ, kpódó gletoxo e lɛ́ lɛ̌ dó yě lɛ́ɛ kpó. Akɔta Bɛnjamɛ́ɛ tɔn ɔ́ sín hɛ̌nnu lɛ́ɛ ɔ́, ayǐkúngban e nyí yětɔn lɛ́ɛ nɛ́.