Jozuwée 10:2 - MAWUXÓWÉMA

² Xɛsi ɖaxó ɖé jɛ Jeluzalɛ́munu lɛ́ɛ jí ɖó xó énɛ́ ɔ́ e yě se ɔ́ wútu, ɖó Gabawɔ́ɔn kló hú Ayíi, bó ká nyí toxo nukúnɖéjí ɖokpó, toxo e mɛ axɔ́sú ɖe lɛ́ɛ ɖɔhun, bɔ gbɛtɔ́ asúká kɛ́ɖɛ́ wɛ ɖo toxo ɔ́ mɛ.

Jozuwée 10:2 Iomraidhean Croise

2 Samuwɛ́li 12:26

Hwenɛ́nu ɔ́, ahwangán ɖaxó Jowabu ko yí Hlaba Amumɔ́ɔ ví lɛ́ɛ sín toxo ɖaxó ɔ́, bó ko yí slá e mɛ axɔ́sú ɔ́ ɖésú nɔ́ nɔ é,

Nǔnywɛ́xó 10:24

Nǔ e ɖi xɛsi ná wɛ mɛdídá ɖe ɔ́ wɛ nɔ gbo e. Nǔ e ba wɛ hwɛjijɔnɔ ka ɖe ɔ́, Mawu nɔ́ ná ɛ.

Sɛ́nflínmɛ 11:25

Mɛ ɖěbǔ sixú nɔ te nukɔn mitɔn ǎ. Mi jɛ fí ɖěbǔ ɖo to ɔ́ mɛ ɔ́, Mawu Mavɔmavɔ, Mawu mitɔn ná bló, bɔ mɛ lɛ́ɛ ná ɖi xɛsi nú mi, bɔ ado ná nɔ́ hu yě dó mi wú, lě e Mawu Mavɔmavɔ, Mawu mitɔn ko dó akpá tɔn gbɔn nú mi é.

Sɛ́nflínmɛ 2:25

Bɛ́ sín égbé ɔ́, un ná bló bɔ akɔta e ɖo gbɛ ɔ́ mɛ lɛ́ɛ bǐ ná ɖo xɛsi jí, bó ná lɛ́ ɖo adohu jí ɖó mi wú. Ényí è ɖɔ xó mitɔn lě bónú yě se lě tlóló ɔ́, xɛsi ná jɛ yě jí, bɔ yě ná nɔ́ sísɔ́.”

Sɛ́nflínmɛ 28:10

Togun e ɖo gbɛ ɔ́ mɛ lɛ́ɛ bǐ ná mɔ ɖɔ Mawu Mavɔmavɔ tɔn wɛ mi nyí, bó ná nɔ́ ɖi xɛsi nú mi.

Eblée 10:27

É sɔ́ kpo nǔɖé nú mǐ hú mǐ ná ɖo adohu adohu jí, bó ná ɖo te kpɔ́n nǔ e ɖo nǎ jɛ wɛ ɔ́ ǎ. Nǔ énɛ́ wɛ nyí hwɛɖiɖɔ Mawu tɔn kpódó myɔ hɛhɛ e ná sú kún dó nú Mawu sín kɛntɔ́ lɛ́ɛ é kpó.

Eblée 10:31

É hu ado ɖésú ɖɔ è nǐ jɛ Mawu gbɛɖe ɔ́ sín alɔ mɛ.

Jozuwée 2:24

Yě ɖɔ nú Jozuwée ɖɔ: “Mǐ mɔ ɖɔ Mawu Mavɔmavɔ jó to ɔ́ bǐ nú mǐ nǔgbó; to ɔ́ mɛ nu lɛ́ɛ bǐ wɛ kó ɖo xɛsi ɖi nú mǐ wɛ.”

Jozuwée 9:24

Ée Jozuwée ɖɔ mɔ̌ ɔ́, Gabawɔ́ɔnnu lɛ́ɛ yí gbe n'i ɖɔ: “Nǔ e zɔ́n bɔ mǐ wa nǔ gbɔn mɔ̌ ɔ́ ɖíe: mǐ se ɖɔ Mawu Mavɔmavɔ, Mawu towe ná gbe mɛsɛntɔ́ tɔn Mɔyízi ɖɔ ní ná to élɔ́ ɔ́ bǐ mi. É ɖɔ nú mi ɖɔ mi ɖo yiyi wɛ ɔ́, mi ná nɔ́ ɖo to ɔ́ mɛ nu lɛ́ɛ bǐ hu wɛ. Nǔ énɛ́ ɔ́ e mǐ se ɔ́ hu ado nú mǐ bɔ mǐ ɖo xɛsi ɖi wɛ ɖɔ mǐ táá kú.

Jozuwée 9:3

Gabawɔ́ɔnnu lɛ́ɛ lɔ se lě e Jozuwée wa Jeliko toxo ɔ́ kpó Ayíi toxo ɔ́ kpó sín nǔ gbɔn ɔ́,

1 Samuwɛ́li 27:5

É wá su gbe ɖokpó bɔ Davídi ɖɔ nú Akíci ɖɔ: “Sɛ́mɛɖó, ényí è mɔ ɖɔ è sixú ɖó ji ɖe dó wǔtu ce hǔn, è nǐ ná fí ɖé mì ɖo toxo e ɖo to ɔ́ mɛ lɛ́ɛ ɖě mɛ, nú nyi kpó mɛ ce lɛ́ɛ kpó ná nɔ fínɛ́. Đó é nyɔ́ bónú nyi kpó mɛ kpó ná nɔ toxo ɖokpó ɔ́ mɛ ǎ.”