Jozuwée 10:1 - MAWUXÓWÉMA

¹ Axɔ́sú Jeluzalɛ́mu tɔn Adoni-Sedɛ́ki se ɖɔ Jozuwée yí Ayíi toxo ɔ́, lobo hɛn nǔ e ɖo toxo ɔ́ mɛ lɛ́ɛ bǐ gblé. É se ɖɔ Jozuwée wa nǔ xá toxo ɔ́ kpó axɔ́sú tɔn kpó lě e é wa nǔ xá Jeliko kpódó Jeliko xɔ́sú ɔ́ kpó gbɔn é. É lɛ́ se ɖɔ Gabawɔ́ɔnnu lɛ́ɛ jɛ akɔ xá Izlayɛ́li togun ɔ́, bó dó mɔ fífá, bó ɖo yě mɛ.

Jozuwée 10:1 Iomraidhean Croise

Bǐbɛ́mɛ 14:18

Lo ɔ́, Mɛlukisedɛ́ki , axɔ́sú Salɛ́mu tɔn ɔ́, éyɛ́ hɛn wɔ̌xúxú kpó vɛ̌ɛn kpó wá nú Ablámu. Mawu Ajalɔ̌nlɔn ɔ́ sín vɔ̌sánú-xwlémawutɔ́ wɛ é kó nyí ɖ'ayǐ.

Eblée 7:1

Mɛlukisedɛ́ki énɛ́ ɔ́, Salɛ́mu xɔ́sú wɛ é nyí, bó lɛ́ nyí vɔ̌sánú-xwlémawutɔ́ Mawu Ajalɔ̌nlɔn ɔ́ tɔn. Hwenu e Ablaxámu fun ahwan lobo ɖu ɖo axɔ́sú lɛ́ɛ jí, bó lɛ́ kɔ wá xwé ɔ́, Mɛlukisedɛ́ki yi kpé e, bó dó acɛ jǐ tɔn.

Jozuwée 10:3

Énɛ́ ɔ́ wú wɛ Adoni-Sedɛ́ki axɔ́sú Jeluzalɛ́mu tɔn ɔ́ sɛ́ wɛn dó Hoxámu Eblɔ́n xɔ́sú ɔ́, bó sɛ́ wɛn dó Pileyamu Yaamúti xɔ́sú ɔ́, bó sɛ́ wɛn dó Yafia Lakíci xɔ́sú ɔ́, kpódó Devíi Eglɔ́ni xɔ́sú ɔ́ kpó ɖɔ:

Jozuwée 6:21

Yě vívá nǔ e ɖo toxo ɔ́ mɛ lɛ́ɛ bǐ sín kún. Yě hu súnnu lɛ́ɛ, bó hu nyɔ̌nu lɛ́ɛ, bó hu mɛ wínnyáwínnyá lɛ́ɛ kpódó degénɔ lɛ́ɛ kpó. Yě hu káká bó hu nyibú bó hu gbɔ̌ kpódó tócí lɛ́ɛ kpó.

Jozuwée 8:2

A nǎ wa nǔ xá toxo énɛ́ ɔ́ kpódó axɔ́sú tɔn kpó lě e a wa nǔ xá Jeliko kpódó axɔ́sú tɔn kpó gbɔn é. Amɔ̌, dɔkun e mi ná mɔ ɖo toxo ɔ́ mɛ lɛ́ɛ kpódó kanlin e mi ná mɔ ɖ'é mɛ lɛ́ɛ kpó ɔ́, mi ná bɛ́ yě. Toxo ɔ́ gúdo wɛ mi ka ná tɔ́n ahwan yě sín ɖo ajijimɛ.”

Jozuwée 8:21

Ée Jozuwée kpódó mɛ tɔn lɛ́ɛ kpó mɔ ɖɔ ahwanfuntɔ́ e tɔwu ɖo toxo ɔ́ gúdo dɔ̌n lɛ́ɛ yí toxo ɔ́, bɔ toxo ɔ́ kó ɖo zo ji wɛ ɔ́, yě lɛ́ kɔ bo jɛ Ayíinu lɛ́ɛ hu jí.

Jozuwée 9:3

Gabawɔ́ɔnnu lɛ́ɛ lɔ se lě e Jozuwée wa Jeliko toxo ɔ́ kpó Ayíi toxo ɔ́ kpó sín nǔ gbɔn ɔ́,