Jozuwée 1:8 - MAWUXÓWÉMA

⁸ Ma nɔ gɔn sɛ́nwéma élɔ́ xa gbeɖé ó. Nɔ lin tamɛ d'é wú zǎn kpó kéze kpó, bó nɔ́ bló nǔ e è ɖɔ d'é mɛ ɔ́ bǐ ɖ'é jí. Énɛ́ ɔ́, a sɔ́ nǔɖé bó ná wa ɔ́, a nǎ mɔ nu tɔn. Lě e nǔ ná nyɔ́ nú we gbɔn ɔ́ nɛ́.

Jozuwée 1:8 Iomraidhean Croise

Bǐbɛ́mɛ 24:63

É tɔ́n gbe nɛ́ gbe gbadanu, bó ɖo sa ɖi wɛ, bɔ ajijimɛ kpowun ɔ́, é mɔ lǎkúnmí lɛ́ɛ sɛ́ dó jǎwe.

2 Tan 26:5

Hwenu e Zekaliyahu ɖo gbɛ, bó nɔ́ kplɔ́n sísí ɖó nú Mawu Oziyási ɔ́, Oziyási nɔ dó gǎn, bó nɔ́ wa Mawu Mavɔmavɔ sín jlǒ, bɔ Mawu nɔ bló bɔ é wa nǔɖé ɔ́, é nɔ́ mɔ nu tɔn.

Ɖɛhan 119:11

Un hɛn nǔ e a ɖɔ lɛ́ɛ ayi mɛ, bó ma wá hu hwɛ dó we ó.

Ɖɛhan 119:15

Un ná lin tamɛ dó sɛ́n towe lɛ́ɛ wú, un ná kpɔ́n ali e a ɖe lɛ́ɛ.

Ɖɛhan 119:97

Un yí wǎn nú sɛ́n towe lóóo. É wú wɛ un nɔ lin tamɛ dó hwebǐnu.

Ɖɛhan 119:99

Un tunwun nǔ hú mɛ̌si ce lɛ́ɛ bǐ, ɖó sɛ́n towe lɛ́ɛ wú wɛ un nɔ lin tamɛ dó.

Ɖɛhan 19:14

Hɛn mì ɖo goyíyí sí, ma nú goyíyí ɖu ɖo jǐ ce ó; énɛ́ ɔ́, un ná nɔ́ gbejí, un sɔ́ ná hu hwɛ ɖaxó ɖě ǎ.

Ɖɛhan 40:10

Un ɖo hwɛjijɔ towe jlá wɛ ɖo agun ɖaxó ɔ́ mɛ. Kpɔ́n, nu ce xwɛ d'é wú ǎ. Mawu Mavɔmavɔ, hwi ɖésúnɔ tunwun.

Nǔnywɛ́xó 3:1

Vǐ ce, ma wɔn nǔ e un kplɔ́n we lɛ́ɛ ó; ayi towe ní nɔ nǔ e un ɖɔ hwi ní bló lɛ́ɛ jí.

Ezayíi 59:21

Mawu Mavɔmavɔ ɖɔ: “Nyɛ ɔ́, akɔ e un jɛ xá mi ɔ́ ɖíe: Yɛ ce ɖo mi jí; un sɔ́ xó ce dó nu nú mi, xó énɛ́ ɔ́ ná nɔ mi nu, bó nɔ vǐ mitɔn lɛ́ɛ nu, bó nɔ vǐvú mitɔn lɛ́ɛ nu, sín din káká sɔ́yi; un ná yí xó ce sín mi nu gbeɖé ǎ; nyɛ Mawu Mavɔmavɔ wɛ ɖɔ mɔ̌.”

Matíe 12:35

Mɛ ɖagbe ɔ́, nǔ ɖagbe e ɖo ayi tɔn mɛ ɔ́ wɛ é nɔ ɖe tɔ́n, bɔ mɛ nyanya ka nɔ ɖe nǔ nyanya e ɖo ayi tɔn mɛ ɔ́ tɔ́n.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Matíe 7:21

“Mɛ e nɔ ɖo ylɔ̌ylɔ́ mì wɛ ɖɔ: ‘Aklúnɔ, Aklúnɔ’ lɛ́ɛ ɔ́, yě bǐ ɖo axɔ́súɖuto sɛ́xwé tɔn mɛ na byɔ́ wɛ ǎ; lo ɔ́, mɛ e nɔ wa jlǒ Tɔ́ ce e ɖo sɛ́xwé ɔ́ tɔn lɛ́ɛ kɛ́ɖɛ́ wɛ na byɔ́ mɛ.

Matíe 7:24

“Énɛ́ ɔ́ wú ɔ́, mɛ ɖěbǔ e ko sixú se xó ce énɛ́ lɛ́ɛ bo bló d'é jí ɔ́, cí gbɛtɔ́ ayiɖotenánɔ e gbá xɔ tɔn nyi só jí é ɖɔhun.

Luki 11:28

Jezu ka yí gbe ɖɔ: “Éeǒ! É nyɔ́ wa ɔ́, mɛ e se Mawuxó ɔ́, bó bló ɖ'é jí lɛ́ɛ wɛ nǔ nyɔ́ ná.”

Jǎan 13:17

Nǔ lɛ́ɛ bǐ mɛ nɛ́ mi mɔ nukúnnú jɛ nɛ́; ényí mi bló ɖ'é jí ɔ́, é ná nyɔ́ nú mi.

Jǎan 14:21

“Mɛ e hɛn sɛ́n ce lɛ́ɛ ayi mɛ, bó nɔ́ nyi yě lɛ́ɛ ɔ́, mɛ énɛ́ wɛ yí wǎn nú mì. Tɔ́ ce ná yí wǎn nú mɛ e yí wǎn nú mì ɔ́, bɔ nyɛ lɔ ná yí wǎn n'i, bó ná ɖe nyɛɖée xlɛ́ ɛ.”

Efɛ́zinu 4:29

Xó nyanya ɖěbǔ má nɔ tɔ́n sín nu mitɔn mɛ ó. Xó ɖagbe e ná dó alɔ mɛ nǔgbomɛ hwenu é, xó e ná wa ɖagbe nú mɛ e ɖo tó ɖó mi wɛ lɛ́ɛ kɛ́ɖɛ́ wɛ ná nɔ́ tɔ́n sín nu mitɔn mɛ.

Sɛ́nflínmɛ 29:8

Énɛ́ ɔ́ wú ɔ́, mi ná kpé nukún dó xó e Mavɔmavɔ ɖɔ dó jɛ akɔ xá mi ɔ́ wú bó bló ɖ'é jí. Énɛ́ ɔ́, mi sɔ́ nǔɖé bó ná wa ɔ́, mi ná mɔ nu tɔn.

Sɛ́nflínmɛ 29:9

Izlayɛ́li ví e mi! Mi bǐ xwíí ɖíe ɖo te Mawu Mavɔmavɔ, Mawu mitɔn nukɔn égbé din e: gǎn mitɔn lɛ́ɛ, gǎn e ɖo akɔta mitɔn mɛ lɛ́ɛ, tomɛxó mitɔn lɛ́ɛ, ahwangán mitɔn lɛ́ɛ, mi súnnu e ɖo Izlayɛ́li lɛ́ɛ bǐ,

Sɛ́nflínmɛ 30:14

Xó ɔ́ ɖo akpá mitɔn. É ɖo nu mitɔn mɛ, bó ɖo ayi mitɔn mɛ, bónú mi ná sixú zé dó wa azɔ̌ ná.

Sɛ́nflínmɛ 31:11

mi ná zé gbe dó jǐ bó xa sɛ́n ɔ́ nú Izlayɛ́li ví e wá kplé ɖo Mawu Mavɔmavɔ nukɔn lɛ́ɛ bǐ ɖo tɛn e Mawu Mavɔmavɔ ná sɔ́ é mɛ.

Sɛ́nflínmɛ 31:24

Mɔyízi wlán sɛ́n ɔ́ bǐ dó wěma ɖokpó mɛ; éé é wlán fó ɔ́,

Sɛ́nflínmɛ 5:1

Mɔyízi kplé Izlayɛ́li ví lɛ́ɛ bǐ, bó ɖɔ nú yě ɖɔ: “Izlayɛ́li ví lɛ́ɛ e mi, mi ɖótó sɛ́n kpó nǔ e Mawu zɔ́n, bɔ è ja xixa nú mi gbé égbé din lɛ́ɛ kpó. Mi kpé nukún dó yě wú, bó kplɔ́n, bó zé yě dó wa azɔ̌ ná.

Sɛ́nflínmɛ 5:29

Nú yě sixú ɖó ayixa mɔ̌hun, bó ɖó sísí nú mì, bó nyi sɛ́n ce lɛ́ɛ bǐ ɔ́, nǔ ná nyɔ́ nú yě kpó vǐ yětɔn lɛ́ɛ kpó káká yi.

Sɛ́nflínmɛ 5:32

Mɔyízi sú ta nú xó tɔn bó ɖɔ: “Mi ná wlíbo nú nǔ e Mawu Mavɔmavɔ, Mawu mitɔn ɖɔ é ganjí bó ná bló. Mi ná zɛ dó aɖisí ǎ, mi ka ná zɛ dó amyɔ ǎ.

Kolósinu 3:16

Klísu sín xó ɔ́ kpódó dɔkun e ɖ'é mɛ ɔ́ bǐ kpán ní nɔ ayi mitɔn mɛ. Mi nɔ sɔ́ nǔnywɛ́ kpíkpé dó kplɔ́n nǔ miɖée, bó nɔ dó gbɛ́ nǔ nú miɖée. Mi ná nɔ zé kúdónúmɛ sín ayixa dó ji han tɛnmɛ tɛnmɛ lɛ́ɛ nú Mawu.

Jozuwée 1:7

Vɛ̌ ko kpan akɔ́n bó dó gǎn kpowun bo bló nǔ e mɛsɛntɔ́ ce Mɔyízi ɖɔ nú we ɔ́ bǐ, ma yi ɖisí ó, ma yi amyɔ ó. Nú a blǒ gbɔn mɔ̌ ɔ́, a sɔ́ nǔɖé bó ná wa ɔ́, a nǎ mɔ nu tɔn.

Jozuwée 8:34

Jozuwée wá xa nǔ e è wlán dó Sɛ́nwéma ɔ́ mɛ ɔ́ bǐ nú yě. É xa lě e è nɔ xo ɖɛ dó mɛ jí gbɔn ɔ́ kpó lě e è nɔ dó nu mɛ gbɔn ɔ́ kpó nú yě.

Nǔɖexlɛ́mɛ 22:14

Nǔ nyɔ́ nú mɛ e nɔ nya awu gaga yětɔn lɛ́ɛ, bó ná dó ba acɛ e ná ɖu atín e nɔ ná gbɛ mɛ ɔ́ sín sínsɛ́n é; bó ná dó ba acɛ e ná gbɔn toxo ɔ́ sín hɔntogbó lɛ́ɛ nu byɔ́ toxo ɔ́ mɛ é.