Jozuwée 1:6 - MAWUXÓWÉMA

⁶ Kpan akɔ́n bó dó gǎn, ɖó to e sín akpá un dó nú tɔ́gbó mitɔn lɛ́ɛ ɔ́, hwi wɛ ná kplá Izlayɛ́li ví lɛ́ɛ, bɔ yě ná yí.

Jozuwée 1:6 Iomraidhean Croise

Bǐbɛ́mɛ 12:7

Mawu Mavɔmavɔ tɔ́n dó Ablámu jí ɖo fínɛ́, bó ɖɔ n'i ɖɔ: “Un ná ná to élɔ́ kúnkan towe.” Bɔ Ablámu mɛ vɔ̌sákpe ɖokpó nú Mawu Mavɔmavɔ nyi fí e é tɔ́n dó jǐ tɔn ɖe ɔ́.

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

2 Samuwɛ́li 10:12

Kpan akɔ́n! Mǐ ní ván kan bo fun ahwan nú togun mǐtɔn kpó Mawu mǐtɔn sín toxo lɛ́ɛ kpó. Mawu Mavɔmavɔ ní ka bló lě e é jló e gbɔn é.”

1 Axɔ́sú 2:2

“Un ɖo nǎ yi wɛ; ɖǒ akɔ́nkpinkpan, bó wa nǔ súnnu ɖɔhun.

1 Tan 22:13

Nú a nɔ xwedó Mawu Mavɔmavɔ sín sɛ́n lɛ́ɛ, kpó gbeta e é ɖe tɔ́n gbɔn Mɔyízi jí nú Izlayɛ́li ví lɛ́ɛ kpó ɔ́, nǔ ná nyɔ́ nú we. Syɛ́nlǐn, bo kpan akɔ́n; ma ɖi xɛsi ó, ado ma ka hu we ó.

1 Tan 28:10

A ɖǒ ná tunwun din ɖɔ Mawu Mavɔmavɔ sɔ́ we, bónú a nǎ sá xwé n'i, bɔ é ná nyí nɔtɛn tɔn. Hǔn bo kpan akɔ́n, bó jɛ azɔ̌ jí.”

1 Tan 28:20

Davídi ɖɔ nú vǐ tɔn Salomɔ́ɔ ɖɔ: “Vǐ ce, syɛ́nlǐn, kpan akɔ́n bó jɛ azɔ̌ jí. Ma ɖi xɛsi ó. Ado ní má hu we ó, Mawu Mavɔmavɔ, Mawu ce ná nɔ kpɔ́ xá we. É ná ɖe alɔ sín kan towe mɛ ǎ. É ná jó we dó ǎ káká bɔ azɔ̌ ɔ́ bǐ ná fó.

2 Tan 15:7

Amɔ̌, midɛɛ lɛ́ɛ ɔ́, mi syɛ́nlǐn; awakanmɛ ní ma kú mi ó, ɖó nǔ e mi wa lɛ́ɛ bǐ sín ajɔ ɖe.”

2 Tan 20:11

Đagbe e yědɛɛ lɛ́ɛ ka mɔ, bó ná wa nú mǐ égbé din ɔ́ wɛ nyí ɖɔ yě wǎ, bó ná nya mǐ sín ayǐkúngban e a nǎ mǐ ɔ́ jí.

2 Tan 20:7

Mawu mǐtɔn, hwenu e togun towe Izlayɛ́li jǎwe to mɛ fí ɔ́, hwi wɛ yí to ɔ́ sín toví lɛ́ɛ sí, bó zé ná xɔ́ntɔn towe Ablaxámu ví lɛ́ɛ, bɔ é nyí yětɔn káká sɔ́yi.

Ɖɛhan 27:14

Đǒ nukún Mawu Mavɔmavɔ, dǒ gǎn, kpan akɔ́n, ɖǒ nukún Mawu Mavɔmavɔ.

Daniyɛ́li 10:19

bɔ é ɖɔ nú mì ɖɔ: ‘Wǎnyínámɔ Mawu tɔn, ma ɖi xɛsi ó. Nǔ wɛ nyɔ́ nú we! Lɛ̌ kpan akɔ́n! Dǒ gǎn!’ Hwenu e é ɖo xó ɖɔ nú mì wɛ ɔ́, hlɔ̌nhlɔ́n ɖo wǔ ce wá wɛ, bɔ un ɖɔ n'i lo ɖɔ: ‘Sɛ́mɛɖó ce, a hɛn ɔ́, a nǎ ɖɔ xó nú mì din, ɖó a nǎ hlɔ̌nhlɔ́n mì.’

Ajée 2:4

Énɛ́ ɔ́ wú wɛ nyɛ Mawu Mavɔmavɔ ɔ́, un ɖo ɖiɖɔ nú mi wɛ ɖɔ: Zolobabɛ́li, kpan akɔ́n. Vɔ̌sánú-xwlémawutɔ́ ɖaxó Jozuwée, hwi lɔ ní kpan akɔ́n. Mi mɛ e lɛ́ kɔ sín kannumɔgbénu wá xwé lɛ́ɛ, mi lɔmɔ̌ mi kpan akɔ́n. Mi jɛ azɔ̌ wú; un ná nɔ kpɔ́ xá mi. Nyɛ Mawu Mavɔmavɔ Nǔbǐwúkpétɔ́ ɔ́ wɛ dó akpá tɔn nú mi.

Zakalíi 8:9

Nǔ e Mawu Mavɔmavɔ Nǔbǐwúkpétɔ́ ɔ́ ɖɔ ɔ́ ɖíe: “Mi kpan akɔ́n! Akpá e un ko dó nú mi ɖ'ayǐ gbɔn gbeyíɖɔ lɛ́ɛ jí, hwenu e è dǒ sinsɛnxɔ ce do, bó ná vɔ́ gbá lɛ́ɛ se wɛ mi ɖe din.

Kɛ́nsísɔ́ 26:53

“È nǎ má to ɔ́ nú akɔta énɛ́ lɛ́ɛ, bɔ é ná nyí yětɔn; è nǎ xwedó lě e gbɛtɔ́ sukpɔ́ ɖo akɔta ɖokpó ɖokpó mɛ gbɔn ɔ́ bó má nú yě.

Kɛ́nsísɔ́ 33:53

Mi ná yí to ɔ́, bó ná jɛ fínɛ́. Đó nyɛ wɛ ná to ɔ́ mi, bɔ é ná nyí mitɔn.

1 Kɔlɛ́ntinu 16:13

Mi nɔ acéjí; mi syɛ́nlǐn ɖo nǔɖiɖi mɛ; mi ɖó akɔ́nkpinkpan; mi ɖó hlɔ̌nhlɔ́n.

Efɛ́zinu 6:10

Nǔ e kpo bɔ un ná ɖɔ nú mi é ɖíe: mi ba hlɔ̌nhlɔ́n mitɔn ɖo bǔ e mi ɖe ɖo Aklúnɔ mɛ ɔ́ mɛ, bó ba ɖo hlɔ̌nhlɔ́n tɔn e kpé nǔ bǐ wú é mɛ.

Sɛ́nflínmɛ 1:21

Mi kpɔ́n, Mawu Mavɔmavɔ, Mawu mitɔn sɔ́ to élɔ́ dó acɛ mitɔn mɛ. Mi yá wǔ wlí ali bó yí to ɔ́, lě e Mawu Mavɔmavɔ, Mawu tɔ́gbó mitɔn lɛ́ɛ tɔn dó akpá tɔn nú mi gbɔn é. Mi kpan akɔ́n, mi ma ɖi xɛsi ó.”

Sɛ́nflínmɛ 1:8

Éɖíe, un ná to ɔ́ mi. Mi yi yí, ɖó to e sín akpá nyɛ Mawu Mavɔmavɔ dó nú tɔ́gbó mitɔn Ablaxámu, kpó Izáki kpó Jakɔ́bu kpó ɖɔ un ná ná vǐ yětɔn lɛ́ɛ nɛ́.”

Sɛ́nflínmɛ 11:8

Mi bo zé sɛ́n e un dó nú mi égbé din lɛ́ɛ bǐ dó wa azɔ̌ ná. Énɛ́ ɔ́, mi ná mɔ hlɔ̌nhlɔ́n bó ná yí to e mɛ ná byɔ́ wɛ mi ɖe ɔ́,

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

2 Timɔtée 2:1

Hǔn, hwi vǐ ce ɔ́, mɔ hlɔ̌nhlɔ́n ɖo fɛ́nú e mǐ ɖó, ɖo bǔ e mǐ ɖe xá Klísu Jezu ɔ́ mɛ.

Jozuwée 1:18

Mɛ ɖěbǔ fɔ́n gǔ dó jǐ towe bó ná gbɛ́ gbe nú we ɔ́, è nǎ hu i. Nǔ e nyí towe kpowun ɔ́ wɛ nyí ɖɔ a nǐ kpan akɔ́n bó dó gǎn.”

Jozuwée 1:7

Vɛ̌ ko kpan akɔ́n bó dó gǎn kpowun bo bló nǔ e mɛsɛntɔ́ ce Mɔyízi ɖɔ nú we ɔ́ bǐ, ma yi ɖisí ó, ma yi amyɔ ó. Nú a blǒ gbɔn mɔ̌ ɔ́, a sɔ́ nǔɖé bó ná wa ɔ́, a nǎ mɔ nu tɔn.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Jozuwée 10:25

É lɛ́ ɖɔ nú yě ɖɔ: “Mi ma ɖi xɛsi ó, ado ní má hu mi ó! Mi kpan akɔ́n bó dó gǎn, ɖó lě e Mawu Mavɔmavɔ ná wa nǔ xá kɛntɔ́ e mi ná fun ahwan xá lɛ́ɛ bǐ gbɔn é nɛ́.”

Jozuwée 13:6

A nǎ lɛ́ yí ayǐkúngban mɛ e ɖo sókan mɛ lɛ́ɛ tɔn, bɛ́ sín Libáan káká yi Mislefɔ́ti-Mayimu; Sidɔ́ɔnnu wɛ yě bǐ nyí. Izlayɛ́li ví lɛ́ɛ ɖo yiyi wɛ ɔ́, nyɛ ná ɖo mɛ e ɖo ayǐkúngban énɛ́ lɛ́ɛ jí lɛ́ɛ nya wɛ, ɖo nukɔn yětɔn. A nǎ nyi akɔ dó to tɛnmɛ tɛnmɛ énɛ́ lɛ́ɛ, bó ná má nú Izlayɛ́li ví lɛ́ɛ lě e un ɖɔ nú we gbɔn é.

Jozuwée 18:3

Jozuwée ɖɔ nú akɔta énɛ́ lɛ́ɛ ɖɔ: “Káká hwetɛ́nu wɛ mi ná nɔ te yi jɛ cóbó ná jɛ to e Mawu Mavɔmavɔ, Mawu tɔ́gbó mitɔn lɛ́ɛ tɔn ná mi ɔ́ mɛ?

Jozuwée 21:43

Izlayɛ́li ví lɛ́ɛ ɔ́, ayǐkúngban e sín akpá Mawu Mavɔmavɔ dó nú tɔ́gbó yětɔn lɛ́ɛ ɔ́, é ná bǐ yě. Yě yǐ ayǐkúngban lɛ́ɛ, bó sá xwé nyi yě jí.

Jozuwée 5:6

Đó xwe kanɖé (40) wɛ Izlayɛ́li ví lɛ́ɛ ɖi zɔnlin xɔ ɖo gbětótló mɛ. Yě ɖo gbětótló ɔ́ mɛ káká bɔ súnnu e ko su ahwan yi ɖo yě mɛ hwenu e yě gosín Ejípu lɛ́ɛ bǐ kú, ɖó yě se tónú nú Mawu Mavɔmavɔ ǎ; bɔ Mawu Mavɔmavɔ xwlé nǔ ɖɔ émí kún ná jó yě dó, bɔ yě ná mɔ to e sín akpá émí dó nú tɔ́gbó yětɔn lɛ́ɛ ɖɔ émí ná ná yě ɔ́ ó. Anɔ̌sin kpó wǐin kpó wɛ gɔ́ to énɛ́ ɔ́ mɛ.

1 Samuwɛ́li 4:9

Filisitɛ́ɛn e mi, mi dó wǔsyɛ́n lanmɛ nú miɖée, bó wa nǔ súnnu ɖɔhun; é má nyí mɔ̌ ǎ ɔ́, mi ná húzú kannumɔ Eblée lɛ́ɛ tɔn, lě e yě ɖésú kó nyí kannumɔ mǐtɔn kpɔ́n gbɔn é. Mi wa nǔ súnnu ɖɔhun. Mi fun ahwan.”