Jozuwée 1:5 - MAWUXÓWÉMA

⁵ Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Jozuwée 1:5 Iomraidhean Croise

Bǐbɛ́mɛ 39:2

Mawu Mavɔmavɔ ka ɖo kpɔ́ xá Jozɛ́fu, bɔ nǔ bǐ ɖo yiyi n'i wɛ. Gǎn tɔn Ejípunu ɔ́ sín xwé gbe wɛ é nɔ́ nɔ.

1 Axɔ́sú 1:37

Mawu Mavɔmavɔ ní nɔ kpɔ́ xá Salomɔ́ɔ lě e é nɔ kpɔ́ xá mɛ gbɔn é. É ní bló bónú axɔ́súɖuɖu Salomɔ́ɔ tɔn ní ɖó susu hú gǎn mɛtɔn!”

1 Axɔ́sú 11:38

Nú a xwedó nǔ e un ná ɖɔ nú we lɛ́ɛ bǐ ɔ́, nú a gbɔn ali ce lɛ́ɛ ɔ́, nú a nyi sɛ́n ce lɛ́ɛ, bó wa nǔ e un zɔ́n lɛ́ɛ ɔ́, nú a wa nǔ jlɔ́jlɔ́ ɖo nukɔn ce, lě e mɛsɛntɔ́ ce Davídi bló gbɔn ɔ́, un ná nɔ kpɔ́ xá we, un ná zé axɔ́súzinkpo ɔ́ ɖó xwédo towe mɛ, lě e un bló nú Davídi gbɔn é. Un ná ná Izlayɛ́li to ɔ́ we.

1 Axɔ́sú 6:13

Un ná nɔ Izlayɛ́li ví lɛ́ɛ tɛ́ntin ɖo goxɔ mɛ fí; un ná jó togun ce Izlayɛ́li ɔ́ dó gbeɖé ǎ.”

1 Axɔ́sú 8:57

Mawu Mavɔmavɔ, Mawu mǐtɔn ní nɔ kpɔ́ xá mǐ, lě e é nɔ kpɔ́ xá tɔ́gbó mǐtɔn lɛ́ɛ gbɔn é. Ní má ɖe alɔ tɔn sín mǐ wú ó, ní má ka jó mǐ dó ó.

1 Tan 28:20

Davídi ɖɔ nú vǐ tɔn Salomɔ́ɔ ɖɔ: “Vǐ ce, syɛ́nlǐn, kpan akɔ́n bó jɛ azɔ̌ jí. Ma ɖi xɛsi ó. Ado ní má hu we ó, Mawu Mavɔmavɔ, Mawu ce ná nɔ kpɔ́ xá we. É ná ɖe alɔ sín kan towe mɛ ǎ. É ná jó we dó ǎ káká bɔ azɔ̌ ɔ́ bǐ ná fó.

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Ezayíi 42:16

Un ná kplá nukúntíntɔ́nnɔ lɛ́ɛ gbɔn ali ɖé jí, ali e yě ma gbɔn gbeɖé ǎ é jí. Yědɛɛ lɛ́ɛ ɔ́, un ná sɔ́ zǐnflú dó húzú wěziza nú yě, bó ná gbígbá nǔ e wú yě ná klɛ́n afɔ dó é. Nǔ e un lɛ́n bó ná wa lɛ́ɛ nɛ́. Un ná jó dó gbeɖé ǎ; un ná bló géé.

Jelemíi 1:8

Ma ɖi xɛsi nú yě ó, ɖó un ɖo kpɔ́ xá we; un ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Daniyɛ́li 11:16

Mɛ e gba to ɔ́ é ɔ́, lě e é jló e gbɔn ɔ́ wɛ é ná wa nǔ gbɔn, ɖó mɛ ɖěbǔ sixú nɔ te nukɔn tɔn ǎ. Nú é ɖo nǔ hɛn gblé wɛ bó ɖo yiyi wɛ ɔ́, to e nyɔ́ ɖɛkpɛ hú to lɛ́ɛ bǐ é mɛ wɛ é ná wa xwé ɖó.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Hlɔ̌manu 8:31

Đo nǔ énɛ́ lɛ́ɛ bǐ mɛ ɔ́, étɛ́ mǐ ka na lɛ́ ɖɔ? Ényí Mawu ɖo mǐ jí ɔ́, mɛ ɖěbǔ sixú wa nǔ ɖěbǔ nú mǐ ǎ.

Hlɔ̌manu 8:37

Lo ɔ́, nǔ énɛ́ lɛ́ɛ bǐ ɖo jijɛ wɛ, có Klísu e yí wǎn nú mǐ ɔ́ dó alɔ mǐ, bɔ mǐ ɖó ɖuɖéjí bǐ gbídígbídí.

Sɛ́nflínmɛ 20:1

Ényí mi sɔ́ ahwan nú, bó xwe ahwan fun xá kɛntɔ́ gbé, bó ná bó mɔ ɖɔ sɔ́ tɔn lɛ́ɛ, ahwankɛkɛ́ví tɔn lɛ́ɛ kpó ahwanfuntɔ́ tɔn lɛ́ɛ kpó sukpɔ́ hú émítɔn lɛ́ɛ hǔn, mi ma ɖi xɛsi nú yě ó, ɖó Mawu Mavɔmavɔ, Mawu mitɔn e ɖe mi tɔ́n sín Ejípu tomɛ ɔ́ ɖo kpɔ́ xá mi.

Sɛ́nflínmɛ 20:4

Đó Mawu Mavɔmavɔ, Mawu mitɔn ná ɖo nukɔn nú mi, bó ná gɔ́ alɔ nú mi, bó ná fun ahwan xá kɛntɔ́ mitɔn lɛ́ɛ, bó ná ná ɖuɖéjí mi.”

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

Sɛ́nflínmɛ 4:31

Nǔgbó ɔ́, Mawu Mavɔmavɔ, Mawu mitɔn ɔ́, Mawu nǔbláwǔkúnúmɛtɔ́ wɛ; é ná jó mi dó ǎ, é ná sú kún mitɔn dó ǎ, é ká ná wɔn akɔ e é jɛ xá tɔ́gbó mitɔn lɛ́ɛ é gbeɖé kpɔ́n ǎ.”

Sɛ́nflínmɛ 7:24

Mawu Mavɔmavɔ ná jó axɔ́sú yětɔn lɛ́ɛ nú mi, bɔ mi ná sú kún yětɔn dó, mɛ ɖěbǔ sɔ́ ná flín yě ɖo ayǐkúngban jí ǎ; yě mɛ ɖokpó géé ná kpo ɖo nukɔn mitɔn ǎ; yě bǐ wɛ mi ná hu,

2 Timɔtée 4:17

Aklúnɔ ka nɔ gǔdo ce, bó ná hlɔ̌nhlɔ́n mì, bɔ un jlá wɛn Mawu tɔn ɔ́ ganjí, bónú mɛ e ma nyí Jwifu ǎ lɛ́ɛ bǐ ná se. Aklúnɔ hwlɛ́n mì sín kinnikínní nu mɛ.

Eblée 13:5

Mi ma jó miɖée dó nú wǎn yíyí nú akwɛ́ ɖu ɖo mi jí ó; nǔ e ɖo mi sí ɔ́ ní kpé mi, ɖó Mawu ɖɔ: “Un ná jó we dó gbeɖé ǎ; un ná ɖe alɔ sín kan towe mɛ gbeɖé ǎ.

Jozuwée 1:17

Mǐ ná se tónú nú we ɖo nǔ bǐ mɛ, lě e mǐ se tónú nú Mɔyízi gbɔn é. Mawu Mavɔmavɔ, Mawu towe ní vɛ́ kó sixú nɔ kpɔ́ xá we, lě e é nɔ kpɔ́ xá Mɔyízi é ɖɔhun.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”

Jozuwée 10:8

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

Jozuwée 21:44

Mawu Mavɔmavɔ ná yě ayi jɛ ayǐ gbɔn dogbó yětɔn lɛ́ɛ bǐ jí, lě e é kó dó akpá tɔn nú tɔ́gbó yětɔn lɛ́ɛ lɔ gbɔn é. É ná yě, bɔ yě ná ɖu ɖo kɛntɔ́ yětɔn lɛ́ɛ bǐ jí. Kɛntɔ́ yětɔn lɛ́ɛ ɖěbǔ ná sixú nɔ te ɖo nukɔn yětɔn ǎ.

Jozuwée 3:7

Mawu Mavɔmavɔ ɖɔ nú Jozuwée ɖɔ: “Bɛ́ sín égbé ɔ́, un ná sɔ́ acɛkpikpa towe jínjɔ́n ayǐ ɖo Izlayɛ́li ví lɛ́ɛ bǐ tɛ́ntin, bɔ yě ná tunwun ɖɔ un ɖo kpɔ́ xá we lě e un nɔ kpɔ́ xá Mɔyízi gbɔn é.”

Jozuwée 6:27

Mawu Mavɔmavɔ ɖo kpɔ́ xá Jozuwée, bɔ nyǐkɔ tɔn gba kpé to ɔ́ bǐ mɛ.

Hwɛɖɔtɔ́ 2:18

Nú Mawu Mavɔmavɔ sɛ́ hwɛɖɔtɔ́ ɖé dó Izlayɛ́li ví lɛ́ɛ hweɖěbǔnu ɔ́, é ɖésúnɔ nɔ́ nɔ gǔdo tɔn, bó nɔ́ hwlɛ́n yě ɖo kɛntɔ́ yětɔn lɛ́ɛ sí, nú hwenu e hwɛɖɔtɔ́ énɛ́ ɔ́ ná nɔ gbɛ xɔ é bǐ. Nǔgbó ɔ́, hwenu e yě nɔ́ ɖo aɖǔkún ɖu wɛ ɖo mɛ e nɔ ɖo ya dó nú yě wɛ lɛ́ɛ lɔ mɛ ɔ́, nǔ yětɔn nɔ blá wǔ nú Mawu Mavɔmavɔ.

Hwɛɖɔtɔ́ 6:16

Énɛ́ ɔ́, Mawu Mavɔmavɔ ɖɔ n'i ɖɔ: “Un ná ɖo kpɔ́ xá we, énɛ́ ɔ́, a nǎ ɖu ɖo Madiáani ví lɛ́ɛ jí gbɛtɔ́ ɖokpó géé wɛ yě nyǐ ɖɔhun.”

1 Samuwɛ́li 10:7

Ényí nǔ énɛ́ lɛ́ɛ bǐ jɛ ɔ́, a nǎ tunwun ɖɔ Mawu ɖo kpɔ́ xá émí nǔgbó. Hwenɛ́nu ɔ́, a nǎ jɛ nǔ wa jí lě e é byɔ́ gbɔn é.