Jowɛ́li 3:5 - MAWUXÓWÉMA

⁵ Énɛ́ ɔ́, mɛ ɖěbǔ ylɔ́ nyɛ Mawu Mavɔmavɔ sín nyǐkɔ ɔ́, mɛ ɔ́ ná gán. Mɛ e ɖo Jeluzalɛ́mu Sinyɔ́ɔ só ɔ́ jí lɛ́ɛ ɖě ná gán ɖo awě énɛ́ ɔ́ mɛ lě e Mawu Mavɔmavɔ ɖɔ gbɔn é. Mɛ énɛ́ lɛ́ɛ wɛ Mawu Mavɔmavɔ ylɔ́ bɔ yě ná nɔ gbɛ.

Jowɛ́li 3:5 Iomraidhean Croise

2 Axɔ́sú 12:18

Hwenɛ́nu ɔ́, axɔ́sú Silíi tɔn Hazayɛ́li wá tɔ́n ahwan Gati toxo ɔ́ bó yí, lobo lɛ́ jló ná tɔ́n ahwan Jeluzalɛ́mu toxo ɔ́.

2 Axɔ́sú 16:8

Ée Akázi ɖɔ mɔ̌ ɔ́, é bɛ́ siká kpó kpatágan kpó e ɖo Mawu Mavɔmavɔ xwé gbe é kpó ée ɖo dɔkun e ɖo hɔnmɛ lɛ́ɛ kpó, bó bɛ́ jó nú mɛ e é sɛ́ dó lɛ́ɛ, bɔ yě bɛ́ yi jó nú axɔ́sú Asilíi tɔn.

2 Axɔ́sú 24:13

Axɔ́sú Nabukodonɔzɔ́ɔ bɛ́ dɔkun e ɖo Mawu Mavɔmavɔ xwé gbe é bǐ, bó bɛ́ ée ɖo axɔ́sú ɔ́ xwé gbe lɛ́ɛ bǐ. Sikágannú e axɔ́sú Izlayɛ́li tɔn Salomɔ́ɔ bló ɖó Mawu Mavɔmavɔ xwé ɔ́ gbe lɛ́ɛ ɔ́, é hɛn bǐ gblé. É bló nǔ énɛ́ lɛ́ɛ lě e Mawu Mavɔmavɔ ko ɖɔ gbɔn é.

Ezayíi 11:11

Gbe énɛ́ gbe ɔ́, Aklúnɔ ná lɛ́ vɔ́ zán hlɔ̌nhlɔ́n tɔn, bó ná xɔ gbɛ nú mɛ e kpo ɖo gbɛ ɖo togun tɔn mɛ lɛ́ɛ: é ná xɔ gbɛ nú mɛ e kpo ɖo gbɛ ɖo Asilíi lɛ́ɛ, mɛ e kpo ɖo gbɛ ɖo Ejípu lɛ́ɛ, mɛ e kpo ɖo gbɛ ɖo Patlɔ́si lɛ́ɛ, mɛ e kpo ɖo gbɛ ɖo Nubíi lɛ́ɛ, mɛ e kpo ɖo gbɛ ɖo Elámu lɛ́ɛ, mɛ e kpo ɖo gbɛ ɖo Babilɔ́nu lɛ́ɛ, mɛ e kpo ɖo gbɛ ɖo Hamáti lɛ́ɛ, kpó mɛ e kpo ɖo gbɛ ɖo tɔtɛ́ntinto mɛ lɛ́ɛ kpó.

Jelemíi 23:7

“Mawu Mavɔmavɔ ɖɔ gbe ɖokpó ná wá su, bɔ mɛɖé sɔ́ ná xwlé nǔ dó nyǐkɔ ce mɛ ɖɔ: ‘Un xwlé Mawu Mavɔmavɔ nú we, é wɛ ɖe Izlayɛ́li ví lɛ́ɛ tɔ́n sín Ejípu’ ǎ.

Jelemíi 50:28

Mi ɖótó mɛ e ɖo hinhɔn wɛ lɛ́ɛ, mi ɖótó mɛ e ɖo hinhɔn sín Babilɔ́nu wɛ lɛ́ɛ; yě ɖo ɖiɖɔ nú Sinyɔ́ɔnu lɛ́ɛ wɛ ɖɔ: “Mawu Mavɔmavɔ, Mawu mǐtɔn ba hlɔn nú mi, yě ɖu su nú xwé tɔn bɔ é ba hlɔn.”

Jelemíi 51:11

Mawu Mavɔmavɔ fɔ́n hun dó jǐ nú Mɛdi xɔ́sú lɛ́ɛ, bó jló ná vívá kún nú Babilɔ́nu to ɔ́. Mawu Mavɔmavɔ wɛ ɖo hlɔn ba wɛ, ɖó yě ɖu su nú xwé tɔn. Mi gan gǎ mitɔn lɛ́ɛ ganjí, mi fɔ gǎglónú mitɔn lɛ́ɛ.

Ezekiyɛ́li 37:12

Énɛ́ ɔ́ wú ɔ́, yi ɖɔ xó e nyɛ Aklúnɔ Mavɔmavɔ ɖɔ nú we ɔ́ nú yě; ɖɔ nú yě ɖɔ: un ná hun yɔdo mitɔn lɛ́ɛ, un ná ɖe mi tɔ́n sín mɛ, mi togun ce lɛ́ɛ, un ná kplá mi wá Izlayɛ́li, to mitɔn mɛ.

Daniyɛ́li 11:38

Lo ɔ́, é ná sɛn vodún ahohó lɛ́ɛ tɔn, nǔmɛsɛn énɛ́ e tɔ́gbó tɔn lɛ́ɛ ma tunwun kpɔ́n ǎ é. É ná xwlé siká, kpatágan, awǐnnya ɖagbe ɖagbe lɛ́ɛ, kpódó nǔ xɔ akwɛ́ ɖěvo ɖěvo lɛ́ɛ kpó vodún énɛ́

Abudiyási 1:17

Amɔ̌, mɛ e gán lɛ́ɛ ná mɔ bibɛtɛn ɖo Sinyɔ́ɔ só ɔ́ jí, bɔ é ná nyí nǔ mímɛ́, bɔ Jakɔ́bu xwédo ɔ́ ná lɛ́ yí to tɔn ɖo mɛ e wá klá jɛ nu lɛ́ɛ sí.