Jowɛ́li 3:2 - MAWUXÓWÉMA

² Đo azǎn énɛ́ lɛ́ɛ mɛ ɔ́, un ná gba Yɛ ce kɔn nyi mɛsɛntɔ́ súnnu kpó nyɔ̌nu kpó ɖésú jí.

Jowɛ́li 3:2 Iomraidhean Croise

2 Tan 20:26

Azǎn ɛnɛgɔ́ ɔ́ gbe ɔ́, yě kplé ɖo Belaka tɔdo ɔ́ mɛ. È kpo ɖo tɛn énɛ́ ɔ́ mɛ ylɔ́ ɖɔ “Belaka tɔdo” wɛ káká jɛ égbé, ɖó fínɛ́ wɛ yě dó kú nú Mawu Mavɔmavɔ ɖe .

Ezayíi 66:16

Myɔ kpó hwǐ kpó wɛ Mawu Mavɔmavɔ ná dó ɖɔ hwɛ xá gbɛtɔ́ lɛ́ɛ bǐ. Mɛ e Mawu Mavɔmavɔ ná hu lɛ́ɛ ná sukpɔ́.

Ezayíi 66:18

Mawu ɖɔ: “Un tunwun nǔ e yě nɔ́ wa ɔ́, bó tunwun nǔ e yě nɔ́ lin ɔ́. Un ná wá bó ná kplé togun e nɔ dó gbe tɛnmɛ tɛnmɛ lɛ́ɛ bǐ; yě bǐ ná wá bó ná mɔ susu ce.

Jelemíi 12:14

Xó e Mawu Mavɔmavɔ ɖɔ dó togun dídá e lɛ́ lɛ̌ dó Izlayɛ́li to ɔ́ wú lɛ́ɛ ɖíe: “Yě klá jɛ nǔ e nyí ce ɔ́ nu, yě klá jɛ ayǐkúngban e un ná Izlayɛ́li togun ce ɔ́ nu. Éɖíe, un ná ɖe togun dídá énɛ́ lɛ́ɛ tɔ́n sín to yětɔn mɛ. Un ná ɖe Judáa sín fɛn yětɔn mɛ.

Jelemíi 25:31

Zǐngídi e jí é ɖe é hun káká yi fí e gbɛ ɔ́ kponu ɖó é, ɖó Mawu Mavɔmavɔ wɛ ɖo hwɛ dó akɔta lɛ́ɛ wɛ. É ɖo hwɛ ɖɔ xá gbɛtɔ́ lɛ́ɛ bǐ wɛ; é jó mɛdídá lɛ́ɛ nú hwǐ, ɖɔ hwǐ ní wa nǔ yětɔn. Xó e Mawu Mavɔmavɔ ɖɔ ɔ́ nɛ́.’ ”

Jelemíi 49:1

Xó e Mawu Mavɔmavɔ ɖɔ dó Amumɔ́ɔ ví lɛ́ɛ wú ɔ́ ɖíe: “Izlayɛ́li sɔ́ ɖó vǐ e ná ɖu toxo énɛ́ lɛ́ɛ sín gǔ ɔ́ ɖě ǎ wɛ a? Étɛ́wú vodún Milukɔ́mu ka klá jɛ Gadi yíkúngban ɔ́ nu ɖo Izlayɛ́li mɔ̌? Étɛ́wú Amumɔ́ɔ ví lɛ́ɛ wá cí toxo e ɖo Gadi yíkúngban jí lɛ́ɛ mɛ?”

Jelemíi 50:17

Đ'ayǐ ɔ́, Izlayɛ́li cí lɛ̌ngbɔ́ búbú e kinnikínní ɖo nyinya wɛ ɔ́ ɖɔhun. Asilíi xɔ́sú ɔ́ wɛ vúnvún i jɛ nukɔn, bɔ Babilɔ́nu xɔ́sú Nabukodonɔzɔ́ɔ wá gba xú tɔn.

Ezekiyɛ́li 25:8

“Xó e nyɛ Aklúnɔ Mavɔmavɔ ɖɔ ɔ́ ɖíe: Mi Mɔwabu ví lɛ́ɛ kpó Seyíinu lɛ́ɛ kpó ɖɔ: ‘Judáa togun ɔ́, togun ɖé kpowun wɛ élɔ́ nyí togun ɖě lɛ́ɛ bǐ ɖɔhun.’

Ezekiyɛ́li 34:6

Nǔgbó wɛ, gbɔ̌ e ɖo kpó ce mɛ lɛ́ɛ ɖo flúflú wɛ gbɔn só ɖaxó ɖaxó jí, bó ɖo flúflú wɛ gbɔn só kpɛví kpɛví jí; yě gbadó gbɔn ayǐkúngban ɔ́ bǐ jí, bɔ mɛɖé ká ɖo yě flín wɛ ǎ; mɛɖé yi yě ba gbé ǎ.

Ezekiyɛ́li 35:10

“A nɔ́ ɖɔ: ‘Un ná yí axɔ́súɖuto Izlayɛ́li tɔn, bó ná yí axɔ́súɖuto Judáa tɔn. Axɔ́súɖuto we énɛ́ lɛ́ɛ mɛ wɛ nyɛ Mawu Mavɔmavɔ ka nɔ.’

Ezekiyɛ́li 36:1

“Hwɛ gbɛtɔ́ e, din ɔ́, yi ɖɔ xó e un ɖɔ nú we dó Izlayɛ́li só lɛ́ɛ wú é. Ɖɔ nú yě ɖɔ: ‘Izlayɛ́li só lɛ́ɛ mi, mi ɖótó xó e Mawu Mavɔmavɔ ɖɔ é.’

Ezekiyɛ́li 36:5

Nyɛ Aklúnɔ Mavɔmavɔ wɛ ɖɔ un ná wa nǔ xá togun e lɛ́ lɛ̌ dó Izlayɛ́li to lɛ́ɛ, ɖo tají ɔ́, Edɔ́mu togun ɔ́. Yě hu tɛ́ nú mì kpó awǎjijɛ kpó bó yí to ce, bó bɛ́ kanlin e ɖo Izlayɛ́li to ɔ́ mɛ lɛ́ɛ bǐ.

Ezekiyɛ́li 38:22

Un ná sɛ́ jǐ ɖaxó ɖé dó, un ná sɔ́ jɛmɛjí kpó kú kpó dó ɖó hwɛ nú we. Un ná sɛ́ myɔ kpó kɛ́njí kpó hwemí kpó dó, bɔ yě ná ja jǐ ɖɔhun kɔn dó hwi kpó ahwangɔnu towe kpó, kpódó mɛ tobutóbú e ɖo jǐ towe lɛ́ɛ kpó jí.

Ezekiyɛ́li 39:11

“Hwenu e nǔ énɛ́ lɛ́ɛ bǐ ná jɛ ɔ́, un ná ná fí e è nǎ kun yɔdo nú Gɔgu kpó ahwangɔnu tɔn kpó ɖó ɖo Izlayɛ́li é; yɔdo ɔ́ ná nɔ Aliwáyitɔ́ lɛ́ɛ tɔdo mɛ, ɖo zǎnzǎnhwe jí nú xu Kúkú ɔ́; fí ɔ́ ná sú ali dó aliwáyitɔ́ lɛ́ɛ. È nǎ ɖi Gɔgu kpó ahwan tɔn lɛ́ɛ kpó d'é mɛ, bó ná nɔ́ ylɔ́ fí ɔ́ ɖɔ: ‘Ahwangɔnu Gɔgu tɔn tɔdo’.

Amɔ́si 1:11

Mawu Mavɔmavɔ ɖɔ: “Edɔ́munu lɛ́ɛ ɔ́, nǔ e yě wa nyi do bɔ un jló ná kɛ nu d'é wú nú yě ɔ́ nyí ɖokpó kɛ́ɖɛ́ ǎ, amɔ̌, élɔ́ e yě wa ɔ́ vɛ́ nú mì tawun. Yě nɔ́ nya nɔví yětɔn lɛ́ɛ kpó hwǐ kpó; yě sɔ́ ɖó nǔbláwǔkúnúmɛ ǎ, ɖó xomɛsin yětɔn nɔ ɖo nǔ hɛn gblé wɛ hwebǐnu; adǎn jí jɛ́n yě nɔ́ ɖe hwebǐnu. Nǔ e wú un ma ná lɛ́ kɔ sín gbeta e un ɖe tɔ́n ɔ́ gúdo ǎ é nɛ́.

Micée 4:12

Mɛ énɛ́ lɛ́ɛ tunwun linlin Mawu Mavɔmavɔ tɔn ǎ. Yě mɔ nukúnnú jɛ tito tɔn lɛ́ɛ wú ǎ; yě tunwun ɖɔ kplé wɛ é kplé yě ɖó fí ɖokpó ɔ́, bó ná só yě lě e è nɔ kplé jinukún dó kɔ́xota, bó nɔ só ɔ́ ɖɔhun ǎ.

Sofoníi 3:8

Mawu Mavɔmavɔ ɖɔ nú yě ɖɔ: “Din ɔ́, mi bo nɔ te ba kpɔ́n lě e un ná wa nǔ mitɔn gbɔn gbe e gbe un ná wá dó hwɛ mi é. Un ko ɖɔ un ná kplé akɔta lɛ́ɛ kpó axɔ́súɖuto lɛ́ɛ kpó, bó ná ɖe xomɛsin ce xlɛ́ yě. Xomɛsin ɖaxó e jí un ná ɖe ɔ́ ná cí myɔ ɖɔhun, bó ná fyɔ́ to ɔ́ bǐ.”

Nǔɖexlɛ́mɛ 11:18

To lɛ́ɛ ko ɖo adǎn jí ɖ'ayǐ, amɔ̌ hwenu e a nǎ ɖe xomɛsin towe xlɛ́ dó ɔ́ su; hwenu e a nǎ ɖɔ hwɛ xá mɛkúkú lɛ́ɛ dó ɔ́ su; hwenu e a nǎ ná ajɔ gbeyíɖɔ mɛsɛntɔ́ towe lɛ́ɛ dó ɔ́ su. Mɛ e nyí towe lɛ́ɛ kpódó mɛ e nɔ sí we lɛ́ɛ bǐ kpó ɔ́, yě tlɛ nyí mɛxó abǐ yɔkpɔ́vú ɔ́, hwenu e a nǎ ná ajɔ yě dó ɔ́ su; hwenu e a nǎ vívá mɛ e nɔ hɛn ayǐkúngban ɔ́ gblé lɛ́ɛ sín kún dó ɔ́ su.”

Nǔɖexlɛ́mɛ 16:14

Awǒvi e ɖo nǔ jlɛ̌ wɛ lɛ́ɛ sín yɛ lɛ́ɛ wɛ. Yɛ atɔn énɛ́ lɛ́ɛ ɖidó axɔ́sú e ɖo ayǐkúngban ɔ́ bǐ jí lɛ́ɛ gɔ́n, bó ná kplé yě nú ahwan e è ná fun ɖo Mawu Nǔbǐwúkpétɔ́ ɔ́ sín azǎn ɖaxó ɔ́ gbe é.

Nǔɖexlɛ́mɛ 16:16

Yɛ nyanya lɛ́ɛ kplé axɔ́sú lɛ́ɛ ɖó tɛn e mɛ è nɔ ylɔ́ ɖɔ Haamagedɔ́ni ɔ́ dó Ebléegbe mɛ é.

Nǔɖexlɛ́mɛ 16:6

Nǔgbó ɔ́, yě kɔn mɛɖeɖóvo Mawu tɔn lɛ́ɛ kpó gbeyíɖɔ lɛ́ɛ kpó sín hun nyi ayǐ, bɔ din ɔ́, a nǎ kanjɔ yě, bɔ yě nu. Nǔ e jɛ xá yě ɔ́ nɛ́!”

Nǔɖexlɛ́mɛ 20:8

bɔ é ná yi flú to e gba kpé wɛ̌kɛ́zo ɛnɛ lɛ́ɛ mɛ é; to lɛ́ɛ wɛ nyí Gɔgu kpó Magɔ́gi kpó . É ná kplé yě, bɔ yě ná fun ahwan, bó ná sukpɔ́ nyɛ̌kɛ́n e ɖo xutó é ɖɔhun.