Jowɛ́li 3:1 - MAWUXÓWÉMA

¹ Mawu Mavɔmavɔ ɖɔ: “Énɛ́ ɔ́ gúdo ɔ́, un ná gba Yɛ ce kɔn nyi mɛ bǐ jǐ; vǐ mitɔn lɛ́ɛ, súnnu kpó nyɔ̌nu kpó ná nyí gbeyíɖɔ; Mawu ná nɔ́ xo dlɔ̌ degénɔ mitɔn lɛ́ɛ, bɔ dɔ̌nkpɛvú mitɔn lɛ́ɛ ná nɔ́ mɔ nǔ.

Jowɛ́li 3:1 Iomraidhean Croise

Ɖɛhan 14:7

É jló mì tawun ɖɔ hwlɛngán ní gosín Sinyɔ́ɔ wá nú Izlayɛ́li. Mawu Mavɔmavɔ ná lɛ́ fɔ́n togun tɔn sí te. É ná víví nú Jakɔ́bu ví lɛ́ɛ kpɔ́n! Izlayɛ́li ví lɛ́ɛ ná j'awǎ kpɔ́n!

Ɖɛhan 85:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ.

Nǔnywɛ́xó 1:23

Mi ɖótó nǔ e gbɛ́ nú mi wɛ un ɖe é. Énɛ́ ɔ́, un ná kɔn yɛ ce kɔn nyi mi jí, un ná bló bɔ mi ná tunwun xó ce lɛ́ɛ.

Ezayíi 44:3

Đó un ná ná sin to e mɛ akú ɖó ɖe ɔ́, un ná ɖe gbe bɔ tɔsisa ná gbɔn ayǐkúngban xúxú jí. Un ná gba yɛ ce kɔn nyi vǐ towe lɛ́ɛ jí, bó ná gba nyɔ̌ná ce kɔn nyi vǐvú towe lɛ́ɛ bǐ jí.

Jelemíi 16:15

Lo ɔ́, è nǎ ɖɔ: ‘Un xwlé Mawu Mavɔmavɔ nú we, é wɛ ɖe Izlayɛ́li ví lɛ́ɛ tɔ́n sín to e ɖo taligbé ɔ́ mɛ, bó ɖe yě tɔ́n sín to ɖěvo e mɛ é gba yě dó gbɔn lɛ́ɛ bǐ mɛ.’ Yě ná xwlé nǔ mɔ̌, ɖó un ná kplá yě wá to e un ko ná tɔ́gbó yětɔn lɛ́ɛ ɔ́ mɛ.”

Jelemíi 29:14

Nyɛ Mawu Mavɔmavɔ ɖo ɖiɖɔ nú mi wɛ ɖɔ: Un ná jó nyiɖée dó bɔ mi ná mɔ mì; un ná kplá mɛ mitɔn e ahwan wlí yi to ɖěvo mɛ lɛ́ɛ wá. Un ná xúxú mi kplé gbɔn akɔta e mɛ un gba mi dó gbɔn lɛ́ɛ, fí e un gba mi dó kpé gbɔn lɛ́ɛ bǐ, lobo ná kplá mi wá fí e un ɖe mi sín bó kplá yi to ɖěvo mɛ é.’

Jelemíi 30:18

Mawu Mavɔmavɔ ɖɔ: “Jakɔ́bu ví e ahwan wlí yi to ɖěvo mɛ lɛ́ɛ ɔ́, un ná kplá yě wá xwé. Xwé yětɔn lɛ́ɛ sín nǔ nǎ blá wǔ nú mì. È nǎ vɔ̌ toxo yětɔn e ko gba bǐ ɔ́ bló ɖó. È nǎ vɔ̌ axɔ́sú ɔ́ sín hɔnmɛ bló, ɖó tɛn tɔn xóxó ɔ́ mɛ.

Jelemíi 30:3

Un ɖo ɖiɖɔ nú we wɛ, hwe ɔ́ nu ná wá su, bɔ un na lɛ́ kɔ nú mɛ e ahwan wlí ɖo togun ce Izlayɛ́li kpó Judáa kpó mɛ lɛ́ɛ, bɔ yě ná wá xwé. Un ná kplá yě wá to e un ná tɔ́gbó yětɔn lɛ́ɛ é mɛ, bɔ é ná nyí yětɔn.”

Ezekiyɛ́li 16:53

Un ná lɛ́ sɔ́ toxo énɛ́ lɛ́ɛ ɖo tɛn e mɛ yě kó ɖe ɖ'ayǐ lɛ́ɛ mɛ: un ná húzú ninɔmɛ Sodɔ́mu kpódó vǐ tɔn nyɔ̌nu lɛ́ɛ kpó tɔn. Énɛ́ ɔ́ gúdo lo ɔ́, Jeluzalɛ́mu, un nǎ lɛ́ sɔ́ hwi lɔmɔ̌ ɖó tɛn e mɛ a ko ɖe ɖ'ayǐ ɔ́ mɛ,

Ezekiyɛ́li 39:25

“Amɔ̌, nǔ e ɖɔ wɛ nyɛ Aklúnɔ Mavɔmavɔ ɖe ɔ́ ɖíe: Bɛ́ sín din ɔ́, un ná nɔ́ kú nǔbláwǔ nú Izlayɛ́li ví lɛ́ɛ. Un ná húzú ninɔmɛ yě Jakɔ́bu ví lɛ́ɛ tɔn, bó ná ɖɔ bó dó sɛ́n d'é jí, bɔ sísí e è ɖǒ ná ɖó nú nyǐkɔ mímɛ́ ce ɔ́, mɛ bǐ ná ɖó.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Amɔ́si 9:14

Un ná kplá togun ce Izlayɛ́li sín kannumɔgbénu wá. Yě ná vɔ́ toxo ɖaxó ɖaxó e è gba hánnyá lɛ́ɛ gbá, lobo ná nɔ toxo énɛ́ lɛ́ɛ mɛ. Yě ná tun vǐwuntín lɛ́ɛ, lobo ná nɔ́ mɔ vɛ̌ɛn nu. Yě ná bló jikpá lɛ́ɛ, bó ná nɔ ɖu nǔ e ná nɔ tɔ́n sín mɛ lɛ́ɛ é.

Kɛ́nsísɔ́ 11:29

Mɔyízi ka yí gbe n'i ɖɔ: “Wǔ hwan dó ta ce mɛ wɛ a ɖe a? É jló mì ɖɔ Mawu Mavɔmavɔ ní gba Yɛ tɔn kɔn nyi togun tɔn bǐ jǐ, bɔ yě bǐ ná húzú gbeyíɖɔ tɔn.”

Kɛ́nsísɔ́ 12:6

bɔ é ɖɔ nú yě ɖɔ: “Mi ɖótó xó e ná ɖɔ nú mi wɛ un ɖe ɔ́ ganjí. Ényí gbeyíɖɔ ɖé ɖo mi mɛ ɔ́, nyɛ Mawu Mavɔmavɔ wɛ nɔ ɖe nyɛɖée xlɛ́ ɛ, bó nɔ́ ɖɔ xó n'i gbɔn nǔmimɔ kpódó dlɔ̌ kpó mɛ.

Sɛ́nflínmɛ 30:3

Énɛ́ ɔ́, Mawu Mavɔmavɔ, Mawu mitɔn ná húzú ninɔmɛ mitɔn bó ná ɖe lě e é yí wǎn nú mi gbɔn ɔ́ xlɛ́ mi, bó ná cyán mi kplé sín togun e mɛ é kó gba mi dó gbɔn lɛ́ɛ bǐ.