Jowɛ́li 2:3 - MAWUXÓWÉMA

³ Yě ɖo yiyi wɛ, bó ɖo nǔ bǐ hɛn gblé wɛ myɔ ɖɔhun. Yě gbɔn fí ɖěbǔ dín ɔ́, è sɔ́ nɔ mɔ nǔɖé ɖo fínɛ́ ǎ. Jikpá Edɛ́ni tɔn ɔ́ ɖɔhun wɛ to ɔ́ kó ɖe ɖ'ayǐ, bɔ sín hwenu e yě gbɔn fínɛ́ dín ɔ́, é húzú gbětótló, é dó xɛsi. Nǔ ɖěbǔ gán ɖo yě sí ǎ.

Jowɛ́li 2:3 Iomraidhean Croise

Bǐbɛ́mɛ 13:10

Ée Ablámu ɖɔ mɔ̌ ɔ́, Lɔ̌ti zé ta bó mɔ ayǐkúngban wɛnjɛ Judɛ́ɛn tɔn ɔ́ bǐ, bɔ sin kpé fí bǐ. Má ɖɔ nú mi, fí énɛ́ ɔ́ kó cí jikpá Mawu Mavɔmavɔ tɔn ɖɔhun káká yi Sowáa, bó cí Ejípu to ɖɔhun cóbɔ Mawu Mavɔmavɔ wá gba Sodɔ́mu kpó Gomɔ́ɔ kpó.

Bǐbɛ́mɛ 2:8

Mawu Mavɔmavɔ ɖó jikpá ɖokpó ɖó Edɛ́ni, ɖo zǎnzǎnhwe jí wa jí, bó zé gbɛtɔ́ e è mɛ ɔ́ d'é mɛ.

Ɖɛhan 50:3

É ja, Mawu mǐtɔn ja, é ɖo xwíí bó ja ǎ. Myɔ ɖaxó ɖé ɖo nukɔn tɔn, jɔhɔn ɖaxó ɖé lɛ́ lɛ̌ dó e.

Ɖɛhan 97:3

Myɔ ɖo yiyi wɛ ɖo nukɔn tɔn, bó nɔ́ ɖo kɛntɔ́ tɔn lɛ́ɛ fyɔ́ lɛ́ lɛ̌ dó e wɛ.

Tíntɔ́n 10:15

Yě kpé ayǐkúngban ɔ́ bǐ jí, bɔ ayǐkúngban ɔ́ dó ablu. Yě ɖu gběhan e ɖo ayǐkúngban ɔ́ jí lɛ́ɛ bǐ, bó ɖu atínsínsɛ́n lɛ́ɛ bǐ; yě ɖu nǔ e kɛ́njí ɔ́ ma hɛn gblé ǎ lɛ́ɛ bǐ, bɔ é sɔ́ kpo ama ɖěbǔ ɖo atín lɛ́ɛ jí ǎ, é ká sɔ́ kpo gběhan ɖěbǔ ɖo gle lɛ́ɛ mɛ ɖo Ejípu to ɔ́ mɛ ǎ.

Tíntɔ́n 10:5

Yě ná kpé ayǐkúngban ɔ́ bǐ jí, bɔ è sɔ́ ná sixú mɔ ayǐkúngban ǎ; yě ná ɖu nǔ e kpo bɔ kɛ́njí má hɛn gblé ǎ lɛ́ɛ bǐ; yě ná ɖu atín e ɖo wǔwú wɛ ɖo gle mitɔn mɛ lɛ́ɛ bǐ.

Ezayíi 14:17

Nya e nɔ́ zé gbɛ ɔ́ dó húzú gbětótló, bó nɔ́ gba toxo lɛ́ɛ, bó nɔ́ gbɛ́ gantɔ́ e é wlí lɛ́ɛ ɖe nyi te ɔ́, nya ɔ́ jɛ́n ɖíe a?”

Ezayíi 15:6

Nimulímu tɔ lɛ́ɛ bǐ wɛ mɛ, gběhan lɛ́ɛ bǐ fyɔ́, ɖě sɔ́ wú ǎ; ama mǔ ɖě sɔ́ ɖe ǎ, gběhan mǔ ɖě sɔ́ ɖe ǎ.

Ezayíi 33:4

Énɛ́ ɔ́, è nɔ zɔn dɔkun kɛntɔ́ tɔn mɛ bó nɔ́ wlá, wɛn kɔn nyi gběhan jí ɖɔhun. È nɔ vun blá dɔkun yětɔn bɔkle vun blá gle ɖɔhun.

Ezayíi 51:3

Sinyɔ́ɔ sín nǔ blá wǔ nú Mawu Mavɔmavɔ. Lě e to ɔ́ bǐ gba gbɔn é blá wǔ n'i; fí énɛ́ e nyí akúgbéjí ɔ́, é ná zé dó húzú jikpá Edɛ́ni tɔn. Ayǐkúngban xúxú énɛ́ ɔ́, é ná zé dó húzú jikpá Mawu Mavɔmavɔ tɔn, bɔ xomɛ ná nɔ́ hun mɛ ɖo fínɛ́, è nǎ nɔ́ j'awǎ ɖo fínɛ́, bó ná nɔ́ ji han dó kpa susu nú Mawu, bó ná nɔ́ xo nǔ tɛnmɛ tɛnmɛ.

Ezayíi 9:18

Xomɛsin jí wɛ Mawu Mavɔmavɔ Nǔbǐwúkpétɔ́ ɔ́ ɖe, bɔ to ɔ́ ji zo. È nǎ ɖɔ ɔ́, togun ɔ́ wɛ wlí zo. Mɛ ɖokpó ɖokpó nɔ́ sí te dó nɔzo tɔn jí.

Ezayíi 9:19

È nɔ kán ɖu ɖo aɖisíxwé, xovɛ́ ka nɔ́ kpo ɖo mɛ sin wɛ. È nɔ́ tlɛ́n ɖu ɖo amyɔxwé có è nɔ gɔ́ xo ǎ. Mɛ ɖokpó ɖokpó nɔ tɔ́n ahwan nɔzo tɔn.

Jelemíi 5:17

Yě ná vívá nǔ mitɔn lɛ́ɛ bǐ: agɔ̌ mitɔn lɛ́ɛ, nǔɖuɖu mitɔn lɛ́ɛ, vǐ mitɔn súnnu lɛ́ɛ, nyɔ̌nu lɛ́ɛ, gbɔ̌ mitɔn lɛ́ɛ, nyibú mitɔn lɛ́ɛ, vǐwungbo mitɔn lɛ́ɛ, fígigbo mitɔn lɛ́ɛ yě ná vívá bǐ. Toxo mitɔn e mi mɛ ahohó lɛ́ lɛ̌ dó, bó nɔ́ dó yí go na lɛ́ɛ ɔ́, ahwan ná gba bǐ.

Ezekiyɛ́li 36:35

È nǎ nɔ́ ɖɔ: ‘To élɔ́ e è ko gba bǐ é lɛ́ wá cí jikpá Edɛ́ni tɔn ɖɔhun, bɔ toxo e ko gba bǐ, bɔ è ko mɔ ɖɔ mɛɖé kún sɔ́ ná nɔ fínɛ́ gbeɖé ó lɛ́ɛ ɔ́, è lɛ̌ wá vɔ́ bǐ gbá, bɔ gbɛtɔ́ ɖo fínɛ́ din.’

Amɔ́si 7:4

Aklúnɔ Mavɔmavɔ ɖe nǔ ɖěvo xlɛ́ mì. É nɔ zé myɔ dó ɖó hwɛ nú togun ɔ́. Myɔ nɔ hɛn sin e ɖo ayǐkúngban glɔ́ lɛ́ɛ xú, bó nɔ́ fyɔ́ Izlayɛ́li to ɔ́.

Xabakúku 1:6

Éɖíe: un ná sɛ́ Babilɔ́nunu lɛ́ɛ dó; togun dídá énɛ́ e ɖo adǎn jí ɔ́, un ná sɛ́ ɛ dó bɔ é ná gbɔn gbɛ ɔ́ bǐ mɛ, bó ná klá jɛ ayǐkúngban e ma nyí étɔn ǎ lɛ́ɛ nu.

Zakalíi 7:14

Un gba yě kpé akɔta tɛnmɛ tɛnmɛ lɛ́ɛ mɛ, yě tunwun akɔta énɛ́ lɛ́ɛ kpɔ́n gbeɖé ǎ. Yě jǒ to yětɔn dó nyi vɔ̌. Mɛ ɖé sɔ́ nɔ yi to ɔ́ mɛ ǎ, mɛ ɖé ká sɔ́ nɔ́ tɔ́n sín mɛ ǎ. To e mɛ yě nɔ́ ɖu gbɛ ɖe ɖ'ayǐ ɔ́, yě zé dó húzú gbětótló.”