Jowɛ́li 2:2 - MAWUXÓWÉMA

² Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Jowɛ́li 2:2 Iomraidhean Croise

Ɖɛhan 10:6

É nɔ́ ɖɔ dó ayi mɛ ɖɔ: “Nǔɖé nɔ́ sɛ tɛn nú mì ǎ, awě ɖě ná xo mì gbeɖé kpɔ́n ǎ.”

Ɖɛhan 97:2

Akpɔ́kpɔ́ wiwi lɛ́ lɛ̌ dó e. Hwɛjijɔ kpó nǔ wa ɖó sɛ́nxwi jí kpó jí wɛ axɔ́súzinkpo tɔn jínjɔ́n.

Tíntɔ́n 10:14

Wɛn lɛ́ɛ vun blá Ejípu to ɔ́, bó ɖó gbɔn ayǐkúngban ɔ́ bǐ jí. Yě sukpɔ́ káká bɔ è ko mɔ mɔ̌hunkɔtɔn kpɔ́n gbeɖé ǎ, è ka ná lɛ́ mɔ mɔ̌ kpɔ́n gbeɖé ǎ.

Tíntɔ́n 10:6

Yě ná gɔ́ xwé towe lɛ́ɛ gbe, bó ná gɔ́ gǎn hɔn-yitɔ́ towe lɛ́ɛ bǐ kpó Ejípunu lɛ́ɛ bǐ kpó sín xwé gbe. Sín tɔ́gbó tɔgbo towe lɛ́ɛ hwenu káká wá jɛ égbé ɔ́, nǔ mɔ̌hunkɔtɔn ko jɛ kpɔ́n gbeɖé ǎ.’ ” Énɛ́ ɔ́, Mɔyízi sí te sín axɔ́sú Ejípu tɔn ɔ́ gɔ́n bó tɔ́n.

Tíntɔ́n 20:21

Énɛ́ ɔ́, Izlayɛ́li ví lɛ́ɛ nɔ zɔ bɔ Mɔyízi sɛkpɔ́ akpɔ́kpɔ́ wiwi e mɛ Mawu ɖe é.

Ezayíi 5:30

Gbe énɛ́ gbe ɔ́, jǐ ná dó gbe dó Izlayɛ́li togun ɔ́ jí xu ɖo adǎn jí ɖɔhun; ablu gɔngɔn ná gɔ́ to ɔ́ bǐ, bɔ è kpɔ́n to ɔ́ lě ɔ́, è sɔ́ ná mɔ nǔ ɖěbǔ hú mɔ̌ ǎ. Akpɔ́kpɔ́ ɖaxó ɖé ná cyɔ́n hwe e tɔ́n é, bɔ fí bǐ ná dó zǐnflú.

Ezayíi 8:22

bó kpɔ́n do; yě ká ná mɔ nǔɖé zɛ aluwɛ wú ǎ; fí bǐ ná dó ablu, xɛsi ná ɖo to ɔ́ jí mɔ̌hunkɔtɔn, ablu ná dó bó vɛ́ jlɛ́.

Jelemíi 13:16

Mi kpa susu nú Mawu Mavɔmavɔ, Mawu mitɔn cóbónú é ná dɔn mi dó ablu mɛ; mi kpa susu n'i cóbó ná jɛ afɔ gba dó só wú jí, ɖo ablu mɛ. Mi ná ɖo te kpɔ́n wěziza, Mawu Mavɔmavɔ ka ná sɔ́ dó húzú zǐnflú gɔngɔn, é ná sɔ́ dó húzú ablu ɖaxó.

Jelemíi 13:6

É kó lín ɖaxó, bɔ Mawu Mavɔmavɔ lɛ́ wá ɖɔ nú mì ɖɔ: “Sɔ́ nǔ bó yi Efláti tɔ ɔ́ nu, bó yi sɔ́ gǒjíblánú e un ɖɔ hwi sɔ́ sɛxwe é.”

Gbɛvíhan 1:12

Alitanu lɛ́ɛ mi, nǔ ce blá wǔ nú mi ǎ cé? Nǔ gbo mɛɖé bɔ é syɛ́n sɔ ée gbo mì ɔ́ a? Mawu Mavɔmavɔ wɛ dɔn tó élɔ́ nú mì gbe e gbe é sin xomɛ dó mì é.

Ezekiyɛ́li 32:7

Hwenu e gbɔjɛ towe ná xwɛ ɔ́, un ná bú nǔ dó jǐnukúnsin ɔ́, sunví lɛ́ɛ ná dó ablu; un ná bú akpɔ́kpɔ́ dó hwe, sun sɔ́ ná za wě ǎ;

Ezekiyɛ́li 34:12

Lɛ̌ngbɔ́nyitɔ́ ɖo lɛ̌ngbɔ́ tɔn lɛ́ɛ nu, bónú lɛ̌ngbɔ́ lɛ́ɛ gbadó ɔ́, é nɔ́ dɔn yě kplé; mɔ̌ ɖokpó ɔ́, nyi lɔ ná dɔn lɛ̌ngbɔ́ ce lɛ́ɛ kplé. Jɔhɔn nyanya ɖé wɛ nyi, bó gba lɛ̌ngbɔ́ ce lɛ́ɛ dó gbɔn tánmɛ tánmɛ, un ka ná gbɔn fí énɛ́ lɛ́ɛ bǐ, bó ná dɔn yě kplé.

Ezekiyɛ́li 38:9

Hwɛ ka ná sí te jɔhɔn ɖɔhun, bó ná byɔ́ yě mɛ; a nǎ cyɔ́n yě akpɔ́kpɔ́ ɖɔhun, hwi kpó ahwangɔnu towe bǐ kpó, kpódó togun wɔ̌buwɔ́bú e xwedó we lɛ́ɛ kpó.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Daniyɛ́li 9:12

A ɖe gbe bɔ nǔ e a ɖɔ dó mǐ ɖésúnɔ kpó gǎn e ɖo acɛ kpa nú mǐ wɛ lɛ́ɛ kpó wú ɔ́ jɛ; a ɖe gbe bɔ nyladó e ma jɛ ɖo fí ɖé kpɔ́n gbeɖé ǎ ɔ́ jɛ dó mǐ jí ɖo Jeluzalɛ́mu.

Jowɛ́li 1:6

Đó nǔvínúví vun blá to mitɔn. Nǔvínúví maxamaxa wɛ, yě ɖó hlɔ̌nhlɔ́n ɖésú. Aɖǔ yětɔn lɛ́ɛ cí kinnikínní asú sín aɖǔ ɖɔhun; aglan yětɔn lɛ́ɛ cí kinnikínní asi sín aglan ɖɔhun.

Jowɛ́li 2:25

Jinukún mitɔn e un sɛ́ wɛn lɛ́ɛ, vɛɛn lɛ́ɛ, kle lɛ́ɛ, kpódó wǎnvú lɛ́ɛ kpó nǔvínúvíhwan énɛ́ lɛ́ɛ kpó dó, bɔ yě wǎ hɛn bǐ gblé ɔ́, un ná sú axɔ́ tɔn mi.

Jowɛ́li 2:5

Yě nɔ́ lɔ́n sín só ɖě jí yi jɛ ɖě jí, bɔ a se zǐngídi yětɔn ɔ́, a nǎ ɖɔ ahwankɛkɛ́ wɛ, a nǎ ɖɔ gběhan wɛ ɖo zo ji wɛ, bó ɖo wǔwú wɛ. Yě jǎwe ahwangɔnu syɛ́nsyɛ́n ɖé wɛ sɔ́ ahwannú bó ja ɖɔhun.

Jowɛ́li 3:4

Hwesivɔ́ ná húzú zǐnflú, bɔ sun ná myá hun ɖɔhun cóbɔ Mawu Mavɔmavɔ zán ɔ́, azǎn ɖaxó énɛ́ ɔ́ e dó xɛsi ɔ́ ná wá.”

Amɔ́si 4:13

“Đó nyɛ wɛ bló só lɛ́ɛ; nyɛ wɛ bló jɔhɔn; nyɛ wɛ nɔ ɖe linlin ce lɛ́ɛ xlɛ́ gbɛtɔ́; nyɛ wɛ nɔ sɔ́ ayǐtéhɔ̌nnu dó húzú zǎn; nyɛ wɛ nɔ zun zɔnlin gbɔn fí e yi jǐ hú fí bǐ é. Mawu Mavɔmavɔ, Mawu Nǔbǐwúkpétɔ́ wɛ un nyí.”

Sofoníi 1:7

Mi nɔ xwíí ɖo Aklúnɔ Mavɔmavɔ nukɔn, ɖó xomɛsinzán Mawu Mavɔmavɔ tɔn kó sɛkpɔ́. Mawu Mavɔmavɔ kó zé nǔ e ná sá vɔ̌ ná wɛ é ɖe ɔ́ ɖó alɔ jí. É kó cyán mɛ e ná ɖu agɔ̌ lɛ́ɛ.

Zakalíi 14:6

Wěziza ná ɖe hwenɛ́nu ǎ. Jɔhɔn ná gbɛ́ ǎ, kɛ́njí ná ja ǎ.

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.

Maki 13:19

Đó azǎn énɛ́ lɛ́ɛ mɛ ɔ́, adǎn e ná gbo gbɛtɔ́ lɛ́ɛ ɔ́ ná syɛ́n káká, bɔ è ko mɔ mɔ̌hunkɔtɔn kpɔ́n gbeɖé sín hwenu e Mawu ko ɖó gbɛ ɔ́ dó ɔ́ káká jɛ din é ǎ; è ka sɔ́ lɛ́ ɖo mɔ̌hunkɔtɔn ɖě ná mɔ wɛ gbeɖé ǎ.

Sɛ́nflínmɛ 32:7

Mi flín azǎn xóxó lɛ́ɛ sɛ́ dó. Mi flín nǔ e jɛ ɖo mɛ xóxó lɛ́ɛ hwenu e é sɛ́ dó. Mi kan nǔ byɔ́ tɔ́ mitɔn lɛ́ɛ. Mɛxó lɛ́ɛ ní kpi tan nú mi.

Eblée 12:18

Mi sɛkpɔ́ só e wú è hɛn ɔ́, è nǎ ɖ'alɔ ɔ́ Izlayɛ́li ví lɛ́ɛ ɖɔhun ǎ: só Sinayíi tɔn kpó myɔ hɛhɛ e ɖo jiji ɖ'é jí wɛ ɔ́ kpó; mi sɛkpɔ́ zǐnflú e dó ɖ'é jí ɔ́ ǎ; mi sɛkpɔ́ ablu e dó ɖ'é jí ɔ́ ǎ; mi sɛkpɔ́ jɔhɔn ɖaxó e ɖo nyinyi ɖ'é jí wɛ é ǎ.

Judi 1:13

Yě cí xu e ɖo xixo wɛ kpó adǎn kpó ɔ́ ɖɔhun, bɔ winnyánú wiwa yětɔn lɛ́ɛ nɔ cí fún e nyɛ wɛ xu ɔ́ ɖe é ɖɔhun. Yě cí sunví e ɖo flúflú wɛ lɛ́ɛ ɖɔhun, bɔ Mawu sɔ́ tɛnmɛ ɖokpó ɖ'ayǐ nú yě káká sɔ́yi, ɖo ablu gɔngɔn ɔ́ mɛ.

Nǔɖexlɛ́mɛ 9:2

Sunví ɔ́ hun hɔn dotɔ domaɖó-azan ɔ́ tɔn, bɔ azizɔ ɖé tɔ́n sín mɛ, bó cí kpómɛmyɔ ɖaxó sín azizɔ ɖɔhun. Azizɔ e tɔ́n sín dotɔ ɔ́ mɛ ɔ́ hɛn hwesivɔ́ kpódó gbɛ ɔ́ mɛ kpán wi.