Jowɛ́li 1:9 - MAWUXÓWÉMA

⁹ È sɔ́ nɔ hɛn jinukún kpó vɛ̌ɛn kpó wá Mawu Mavɔmavɔ xwé gbe ǎ. Énɛ́ ɔ́ wú wɛ azɔ̌watɔ́ Mawu Mavɔmavɔ tɔn vɔ̌sánú-xwlémawutɔ́ lɛ́ɛ ɖo aluwɛ mɛ.

Jowɛ́li 1:9 Iomraidhean Croise

2 Tan 13:10

Mǐdɛɛ lɛ́ɛ ɔ́, Mawu Mavɔmavɔ wɛ mǐ nɔ́ sɛn. Mǐ jó e dó ǎ. Aalɔ́ɔn ví lɛ́ɛ wɛ nyí vɔ̌sánú-xwlémawutɔ́, bɔ Levíi ví lɛ́ɛ ká nɔ ɖo azɔ̌ yětɔn wa wɛ.

Tíntɔ́n 28:1

Mawu Mavɔmavɔ lɛ́ ɖɔ nú Mɔyízi ɖɔ: “Mɔyízi, ylɔ̌ nɔví towe Aalɔ́ɔn ní wá gɔ̌n towe, é kpódó vǐ tɔn Nadavu, Avihu, Eleazáa kpódó Itamáa kpó. A nǎ ɖe yě ɖó vo nú Izlayɛ́li ví ɖě lɛ́ɛ, bɔ yě ná nɔ wa vɔ̌sánú-xwlémawutɔ́zɔ́ nú mì.

Ezayíi 61:6

Amɔ̌, midɛɛ lɛ́ɛ ɔ́, è nǎ nɔ́ ylɔ́ mi ɖɔ “Vɔ̌sánú-xwlémawutɔ́.” È nǎ nɔ́ ylɔ́ mi ɖɔ “Mɛsɛntɔ́ Mawu Mavɔmavɔ tɔn.” Dɔkun akɔta lɛ́ɛ tɔn ná nyí mitɔn. Mi ná nɔ́ gó, ɖó dɔkun yětɔn ɔ́, mitɔn wɛ.

Gbɛvíhan 1:16

Énɛ́ ɔ́ wú wɛ un ɖo avǐ ya wɛ; ɖasin ɖo sisa sín nukún ce jí wɛ; mɛ e sixú dó gbɔ nú mì bó ná hlɔ̌nhlɔ́n mì ɔ́ sɛ yi zɔ nú mì; mɛ e ná ná gbɛ mì ɔ́ sɛ yi zɔ nú mì. Ahwi xo vǐ ce lɛ́ɛ bǐ ɖó kɛntɔ́ ɖu ɖo jǐ ce.

Gbɛvíhan 1:4

Ali e è nɔ gbɔn yi Sinyɔ́ɔ lɛ́ɛ ɖo aluwɛ mɛ, mɛɖé sɔ́ nɔ́ yi ɖu xwe ɖo Sinyɔ́ɔ ǎ. È sɔ́ nɔ́ mɔ mɛɖé ɖo tokplétɛn lɛ́ɛ ǎ. Vɔ̌sánú-xwlémawutɔ́ Sinyɔ́ɔ tɔn lɛ́ɛ ɖo gbɛvo sa wɛ. Đyɔ̌vǐ Sinyɔ́ɔ tɔn lɛ́ɛ ɖo lele mɛ. Sinyɔ́ɔ ɖésú ɖo akpɔ mɔ wɛ.

Ozée 9:4

Énɛ́ ɔ́, yě sɔ́ ná ba ahan ɖě nú Mawu Mavɔmavɔ ǎ; yě ká sɔ́ ná nɔ́ xwlé vɔ̌sánú ɖěe, bó ná dó nyɔ́ ɖo así tɔn ǎ. É ná cí nǔwamɛ nǔɖuɖu ɖé ɖɔhun nú yě: mɛ e ná ɖu lɛ́ɛ bǐ ná ɖu su. Đó nǔɖuɖu yětɔn ɔ́, yě ɖokpónɔ wɛ ná ɖu. È ná zé byɔ́ Mawu Mavɔmavɔ xwé gbe ǎ.

Jowɛ́li 1:13

Vɔ̌sánú-xwlémawutɔ́ lɛ́ɛ mi, mi sɔ́ nǔwamɛvɔ dó bó ya avǐ. Mi ji gbɛvíhan. Mi azɔ̌watɔ́ Mawu mǐtɔn tɔn lɛ́ɛ mi, mi wá, nǔwamɛvɔ ní ɖo kɔ mitɔn, ɖó è sɔ́ nɔ hɛn jinukún kpó vɛ̌ɛn kpó wá Mawu mitɔn sín xwé gbe ǎ.

Jowɛ́li 1:16

Nukún mǐtɔn mɛ wɛ è zě nǔɖuɖu mǐtɔn ɖe ǎ cé? Awǎjijɛ kpó xomɛhunhun kpó má kó gosín Mawu mǐtɔn sín xwé gbe ǎ cé?

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Jowɛ́li 2:17

Vɔ̌sánú-xwlémawutɔ́ azɔ̌watɔ́ Mawu Mavɔmavɔ tɔn lɛ́ɛ ní ya avǐ ɖo Mawu Mavɔmavɔ sín xwé gbe, ɖo agba ɔ́ kpó vɔ̌sákpe ɔ́ kpó tɛ́ntin. Yě ní ɖɔ: “Mawu Mavɔmavɔ, kú nǔbláwǔ nú mǐ mɛ towe lɛ́ɛ. Ma jó mǐ mɛ towe lɛ́ɛ dó nú mǐ ɖu winnyá ó. Ma lɔn nú akɔta ɖěvo lɛ́ɛ ɖɔ slǎmɛ mǐ wú ɖɔ fítɛ́ Mawu yětɔn ka ɖe a jí ó.”