Jowɛ́li 1:3 - MAWUXÓWÉMA

³ Mi kpi tan tɔn nú vǐ mitɔn lɛ́ɛ, bónú vǐ mitɔn lɛ́ɛ ná kpi nú vǐ yětɔn lɛ́ɛ. Vǐ yětɔn lɛ́ɛ ká ná kpi nú vǐ e è nǎ wá ji dó gǔdo yětɔn lɛ́ɛ.

Jowɛ́li 1:3 Iomraidhean Croise

Ɖɛhan 145:4

Gbɛtɔ́ lɛ́ɛ bǐ ní ɖɔ nǔ e Mawu bló lɛ́ɛ nú vǐ yětɔn, nú vǐ ná wá ɖɔ nú vǐ e yě ɖésúnɔ ná wá ji lɛ́ɛ é. Yě ní jlá nǔ ɖaxó ɖaxó e a blǒ lɛ́ɛ.

Ɖɛhan 44:1

Xó lómílómí Kolée ví súnnu lɛ́ɛ tɔn dó han mɛ.

Ɖɛhan 71:18

Mɔ̌ ɖokpó ɔ́, Mawu ce, hɛn mì káká yi kpikpo hwenu; hwenu e ɖa e ɖo ta ce ɔ́ bǐ ná nyí hwa ɔ́, ma jó mì dó ó; énɛ́ ɔ́, un nǎ ɖɔ lě e a ɖǒ hlɔ̌nhlɔ́n sɔ é nú din ví lɛ́ɛ, un nǎ ɖɔ lě e a kpé nǔ wú gbɔn é nú mɛ e ná wá jɔ sɔ lɛ́ɛ.

Tíntɔ́n 13:14

Ényí vǐ mitɔn lɛ́ɛ kanbyɔ́ mi gbe ɖokpó ɖɔ étɛ́wú wɛ mi nɔ bló mɔ̌ a jí ɔ́, mi ná yí gbe nú yě ɖɔ: ‘Mawu Mavɔmavɔ wɛ ɖe mǐ tɔ́n sín Ejípu kpó hlɔ̌nhlɔ́n tɔn kpó, bɔ mǐ gosín mɛ kannu; mɛɖé nɔ́ nɔ te hlɔ̌nhlɔ́n tɔn nukɔn ǎ.

Ezayíi 38:19

Mɛ e ɖo gbɛ lɛ́ɛ kɛ́ɖɛ́ jɛ́n hɛn ɔ́, yě ná xo mlá we, lě e un ɖ'é wú gbɔn égbé din é. Mɛjitɔ́ lɛ́ɛ ɖɔ lě e a ɖo gbejí gbɔn é nú vǐ yětɔn lɛ́ɛ.

Sɛ́nflínmɛ 6:7

A nǎ kplɔ́n yě vǐ towe lɛ́ɛ. Ayǐjínjɔ́n wɛ a ɖe ɖo xwé towe gbe oo, ali jí wɛ a ɖe bó ɖo yiyi wɛ oo, ayǐmlɔ́mlɔ́ wɛ a ɖe oo, fɔ́n wɛ a fɔ́n oo, a nǎ nɔ́ ɖo xó ɖɔ d'é wú wɛ.