Jowɛ́li 1:2 - MAWUXÓWÉMA

² É ɖɔ: Tomɛxó lɛ́ɛ mi, mi ɖótó xó élɔ́! Judáanu lɛ́ɛ e mi, mi bǐ ní hun tó mitɔn lɛ́ɛ bó se! Nǔ e ɖo jijɛ wɛ din ɔ́, mɔ̌hunkɔtɔn ɖě jɛ ɖo hwe mitɔn nu, abǐ tɔ́gbó mitɔn lɛ́ɛ sín hwenu kpɔ́n a?

Jowɛ́li 1:2 Iomraidhean Croise

Jɔ̌bu 12:12

È ɖo nǔnywɛ́ ba wɛ ɔ́, degénɔ lɛ́ɛ wɛ è nɔ yi mɔ, mɛ e sín xwe sɛ yi lɛ́ɛ nɔ́ mɔ nukúnnú jɛ nǔ mɛ.

Jɔ̌bu 15:10

Gbɛtɔ́ ɖo mǐ mɛ, bó kó wú hwa, gbɛtɔ́ ɖo mǐ mɛ bó kó kpo; gbɛtɔ́ ɖo mǐ mɛ, bó wa ɖaxó tɔ́ towe.

Jɔ̌bu 21:7

Étɛ́wú mɛdídá lɛ́ɛ ká kpo ɖo gbɛ? Aniwú xwe ɖo xwe jí jɛ nú yě wɛ, bɔ acɛ yětɔn lɛ́ ɖo jijɛ jí wɛ?

Jɔ̌bu 8:8

Ba do nú nǔnywɛ́ e mɛ e ko jɛ nukɔn nú mǐ lɛ́ɛ ɖó é, bó hɛn kplɔ́n e yě yí ɔ́ dó ayi mɛ ganjí,

Ɖɛhan 49:1

Hanjigbɛ́gán ɔ́ sín hanjiwéma mɛ wɛ han élɔ́ ɖe. Kolée ví súnnu lɛ́ɛ sín han wɛ.

Ezayíi 34:1

Akɔta akɔta lɛ́ɛ mi, mi wá bó wá se! Togun lɛ́ɛ mi, mi ɖótó ganjí! Ayǐkúngban ɔ́ ní se, bónú nǔ e ɖo ayǐkúngban ɔ́ jí lɛ́ɛ bǐ ní se! Gbɛ ɔ́ ní se, bónú nǔ e ɖo gbɛ ɔ́ mɛ lɛ́ɛ bǐ ní se!

Ezayíi 7:17

Amɔ̌, hwi kpó togun towe kpó mɛ e ɖo xwé towe gbe lɛ́ɛ kpó ɔ́, Mawu Mavɔmavɔ ná sɛ́ nǔɖé lɛ́ɛ dó mi; nǔ énɛ́ ɖě kó sɔ́ jɛ sín gbe e gbe axɔ́súɖuto Izlayɛ́li tɔn jɛ vo nú axɔ́súɖuto Judáa tɔn é ǎ. Nǔ e axɔ́sú Asilíi tɔn ná wa é wú ɖɔ xó dó wɛ è ɖe mɔ̌.”

Jelemíi 30:7

Awě tɛ́ ɖíe! Azǎn baɖabaɖa ɖé wɛ, ayǐ mɔ̌hun ko hɔ́n kpɔ́n ǎ. Aluwɛ zán wɛ é nyí nú Jakɔ́bu ví lɛ́ɛ! Amɔ̌, yě ná tɔ́n sín mɛ, wǔyɛ́yɛ́ afɔyɛ́yɛ́.”

Jelemíi 5:21

Mi ɖɔ nú yě ɖɔ xlonɔ e mi! Mi ɖótó xó élɔ́! Ayivɔ vún mi. Mi ɖó nukún, mi ká nɔ mɔ nǔ ǎ; mi ɖó tó, mi ka nɔ se nǔ ǎ.

Daniyɛ́li 12:1

Wɛnsagun ɔ́ lɛ́ vɔ́ ɖɔ nú mì ɖɔ: “Hwenɛ́nu ɔ́, Micɛ́li gǎn wɛnsagun lɛ́ɛ tɔn e nɔ́ nya xɛ ɖo togun towe jí é ná wá. Akpɔmimɔ sín hwenu ɖé wɛ é ná nyí, bɔ nǔ e ná jɛ akɔta énɛ́ ɔ́ hwenu ɔ́, ɖě ná ko jɛ kpɔ́n sín hwenu e akɔta ɖě lɛ́ɛ ko jɔ é ǎ. Énɛ́ ɔ́ gúdo ɔ́, è nǎ hwlɛ́n to towe mɛ nu e sín nyǐkɔ è wlǎn dó gbɛwéma ɔ́ mɛ lɛ́ɛ gán.

Ozée 4:1

Mawu Mavɔmavɔ ɖo hwɛ dó mɛ e ɖo to ɔ́ mɛ lɛ́ɛ wɛ. Izlayɛ́li ví lɛ́ɛ mi, mi bo ɖótó xó e Mawu Mavɔmavɔ ɖɔ é; é ɖɔ: “Gbejínɔtɔ́ ɖě sɔ́ ɖo to ɔ́ mɛ ǎ, xomɛnyɔ́tɔ́ ɖě sɔ́ ɖo to ɔ́ mɛ ǎ, mɛɖé ká sɔ́ tunwun nyɛ Mawu ɖo to ɔ́ mɛ ǎ.

Ozée 5:1

“Vɔ̌sánú-xwlémawutɔ́ lɛ́ɛ mi, mi ɖótó xó élɔ́! Izlayɛ́li sín gǎn lɛ́ɛ mi, mi lɔmɔ̌ ní ɖótó. Mi mɛ e ɖo axɔ́sú ɔ́ sín hɔnmɛ lɛ́ɛ mi, mi lɔmɔ̌ ní ɖótó. Midɛɛ lɛ́ɛ wɛ ɖó ná ɖɔ hwɛ jlɔ́jlɔ́. Lo ɔ́, fɛ́ca wɛ mi nyí nú togun ce ɖo Misipa, bó nyí ɖɔ bɔ è ɖǒ n'i ɖo Tabɔ́ɔ só jí,

Jowɛ́li 1:14

Mi jlá ɖɔ è nǐ blá nu. Mi ylɔ́ mɛ bǐ kplé. Mi kplé tomɛxó lɛ́ɛ kpó toví tosi lɛ́ɛ kpó ɖó Mawu Mavɔmavɔ, Mawu mitɔn sín xwé gbe, bó sa vo nú Mawu Mavɔmavɔ.

Jowɛ́li 2:2

Zǐnflú gɔngɔn sín azǎn ɖé wɛ. Akpɔ́kpɔ́ dó, ahǔn sú. Nǔvínúvíhwan ɖé ɖíe, bó sukpɔ́, lobo dó xɛsi ɖésú. Yě dó ahwan gbě bó ja, bɔ a nǎ ɖɔ zǎn wɛ kú sín só jí ja. È ko mɔ mɔ̌hunkɔtɔn kpɔ́n gbeɖé ǎ; è ka sɔ́ ɖo nǎ mɔ wɛ ɖo sɔ e ja é ǎ.

Amɔ́si 3:1

Izlayɛ́li ví lɛ́ɛ mi, mi mɛ e nyí hɛ̌nnu e Mawu Mavɔmavɔ ɖe tɔ́n sín Ejípu lɛ́ɛ bǐ, mi ɖótó xó élɔ́ e Mawu Mavɔmavɔ ɖɔ dó mi wú é!

Amɔ́si 4:1

Nyɔ̌nu Samalíi tɔn lɛ́ɛ mi! Mi mɛ e jɔ asú nyibú asi Basáni tɔn lɛ́ɛ ɖɔhun lɛ́ɛ e mi! Mi ɖótó xó e ɖɔ gbé un ja é: mi nɔ táfú mɛ e ma ɖó gǎn ǎ lɛ́ɛ, mi nɔ dó ya nú wamamɔnɔ lɛ́ɛ, bó nɔ́ ɖɔ nú asú mitɔn lɛ́ɛ ɖɔ: “Mi zé ahan wá nú mǐ nǎ nu.”

Amɔ́si 5:1

Izlayɛ́linu lɛ́ɛ mi, mi ɖótó xó e ɖɔ gbé un ja é: gbɛvíhan ɖé wɛ un dó ɖó ta mitɔn mɛ.

Micée 1:2

Togun lɛ́ɛ bǐ ní ɖótó; gbɛtɔ́ e ɖo ayǐkúngban jí lɛ́ɛ bǐ ní tɛ́ tó bó se. Aklúnɔ Mavɔmavɔ ná gosín tɛn tɔn mímɛ́ ɔ́ mɛ, bó ná wá dó hwɛ mi.

Micée 3:1

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe; azɔ̌ mitɔn wɛ nyí ɖɔ mi ní tunwun nǔ e nyí nǔ jlɔ́jlɔ́ ɔ́ ǎ cé?

Micée 3:9

Izlayɛ́li mɛxó hwɛɖɔtɔ́ lɛ́ɛ e mi, mi ɖɔ xó ná wɛ un ɖe. Mi gbɛ́ wǎn nú nǔ ɖagbe wiwa, bó nɔ gba sɛ́n.

Matíe 13:9

Bó ná dó sú ta ná ɔ́, Jezu ɖɔ: “Mɛ e ɖó tó bó ná dó se nǔ ná ɔ́ ní ɖótó bó se.”

Matíe 24:21

ɖó adǎn e na wá gbo gbɛtɔ́ lɛ́ɛ hwenɛ́nu ɔ́ na syɛ́n dín, bɔ mɔ̌hunkɔtɔn ko jɛ kpɔ́n gbeɖé sín hwenu e Mawu ko ɖó gbɛ ɔ́ káká wá jɛ din é ǎ; nǔ mɔ̌hunkɔ ɖě ká sɔ́ ná jɛ gbeɖé kpɔ́n ǎ.

Nǔɖexlɛ́mɛ 2:7

“Mɛ e ɖó tó bó ná dó se nǔ ɔ́ ní se nǔ e ɖɔ nú agun lɛ́ɛ wɛ Yɛsinsɛn ɖe ɔ́ ganjí! “Mɛ e ná ɖu ɖ'é jí ɔ́, un ná ná ɛ gbe, bɔ é ná ɖu atín e nɔ ná gbɛ jɔ gbɛ mɛ, bó ɖo Mawu sín jikpá mɛ ɔ́ sín sínsɛ́n.”