Jonási 1:3 - MAWUXÓWÉMA

³ Jonási ka ɖɔ émí ná yi Taasísi, bó ná nɔ zɔ nú Mawu Mavɔmavɔ. Énɛ́ ɔ́, é yi Jafa, bó mɔ tɔjíhún ɖé ɖo fínɛ́, bɔ é xwe Taasísi. É sú axɔ́, bó dó tɔjíhún ɔ́, é kpó mɛɖé lɛ́ɛ kpó, bó tunwun ɖɔ émí ná yi Taasísi, bó nɔ zɔ nú Mawu Mavɔmavɔ.

Jonási 1:3 Iomraidhean Croise

Bǐbɛ́mɛ 3:8

Gbadanu wá su, bɔ Mawu Mavɔmavɔ ɖo sa ɖi gbɔn jikpá ɔ́ mɛ wɛ, bɔ yě se afɔ tɔn gbe. Énɛ́ ɔ́, yě yi hɔn hwlá dó atín e ɖo jikpá ɔ́ mɛ lɛ́ɛ tɛ́ntin.

Bǐbɛ́mɛ 4:16

Énɛ́ ɔ́ gúdo ɔ́, Kanyɛ́ɛ hɔn yi cí zɔ nú Mawu Mavɔmavɔ; é yi cí Nɔdu yíkúngban jí, ɖo Edɛ́ni sín zǎnzǎnhwe jí.

1 Axɔ́sú 19:3

Ée Elíi se mɔ̌ ɔ́, xɛsi jɛ jǐ tɔn, bɔ é kplá mɛsɛntɔ́ tɔn, bó hɔn, bó ná hwlɛ́n éɖée. É wá jɛ Bɛ̌-Ceva ɖo Judáa sín afɔligbé bó jó mɛsɛntɔ́ tɔn dó nyi fínɛ́.

1 Axɔ́sú 19:9

Ée Elíi wá jɛ Holɛ́bu só ɔ́ kɔn ɔ́, é byɔ́ sóxo mɛ, bó dɔ́ fínɛ́. Bɔ Mawu Mavɔmavɔ wá kanbyɔ́ ɛ ɖɔ: “Elíi, étɛ́ wa wɛ a ɖe ɖo fí?”

2 Tan 2:15

Mǐ ná gbo atín e ba wɛ a ɖe ɖo Libáan lɛ́ɛ bǐ nú we. Mǐ ná to yě, bɔ yě ná gbɔn xu jí káká wá Jafa, bɔ a nǎ bɛ̌ yě sín fínɛ́ yi Jeluzalɛ́mu.”

2 Tan 2:16

Salomɔ́ɔ xa jǒnɔ nabí e ɖo Izlayɛ́li, bɔ tɔ́ tɔn Davídi ko sɔ́ kɛ́n yětɔn ɖ'ayǐ lɛ́ɛ bǐ, bó mɔ gbɛtɔ́ adɔ̌kpo tɛ́nwe děgba atɔn afɔtántɔn (153.600).

2 Tan 9:21

Axɔ́sú Salomɔ́ɔ ɖó tɔjíhún ɖaxó ɖaxó ɖé lɛ́ɛ, bó nɔ́ sɛ́ dó gbějí zɔga. Tɔzɔ́watɔ́ axɔ́sú Ilámu tɔn lɛ́ɛ wɛ nɔ́ kun tɔjíhún lɛ́ɛ. Xwe atɔn mɛ tɛgbɛ ɔ́, tɔjíhún nɛ́ lɛ́ɛ nɔ́ hɛn siká, kpatágan, ajinakúɖú, zǐnwó kpódó ahlǐnhǎn kpó wá.

Ɛsidlási 3:7

Énɛ́ ɔ́ gúdo ɔ́, yě sú axɔ́ azɔ̌watɔ́ lɛ́ɛ, bɔ yě ná kpa awǐnnya lɛ́ɛ kpódó atín lɛ́ɛ kpó. Yě lɛ́ ná nǔɖuɖu kpódó ahan kpó, kpódó ami kpó Sidɔ́ɔnnu lɛ́ɛ kpódó Tíinu lɛ́ɛ kpó, bónú yědɛɛ lɛ́ɛ ná hɛn atín syɛ́nsyɛ́n Libáan tɔn lɛ́ɛ wá nú yě. Yě ná bɛ́ gbɔn xu jí káká wá ɖó Jafa xu ɔ́ tó. Dadá Pɛ́si tɔn Silúsi wɛ ná gbe tɔn yě.

Jɔ̌bu 1:12

Énɛ́ ɔ́, Mawu Mavɔmavɔ ɖɔ nú hwɛdómɛtɔ́ ɔ́ ɖɔ: “É nyɔ́, a hɛn ɔ́, a nǎ yí nǔ e é ɖó lɛ́ɛ bǐ, amɔ̌, ma nú alɔ towe jɛ wǔ tɔn ó.” Ée Mawu Mavɔmavɔ ɖɔ mɔ̌ ɔ́, hwɛdómɛtɔ́ ɔ́ gosín nukɔn tɔn.

Jɔ̌bu 2:7

Ée Mawu Mavɔmavɔ ɖɔ mɔ̌ ɔ́, hwɛdómɛtɔ́ ɔ́ gosín nukɔn tɔn, bó yi dó wǔtuzɔn baɖabaɖa ɖé Jɔ̌bu, sín afɔ káká yi ta.

Ɖɛhan 107:23

Mɛ ɖěvo lɛ́ɛ sɔ́ tɔjíhún nyi xu jí, yě ɖo ajɔ̌ yětɔn wa wɛ bó ɖo yiyi wɛ;

Ezayíi 2:16

É ná ɖó hwɛ nú tɔjíhún ɖaxó ɖaxó lɛ́ɛ bǐ, bó ná ɖó hwɛ nú tɔjíhún ɖɛkpɛ ɖɛkpɛ lɛ́ɛ bǐ.

Ezayíi 23:1

Xó e Mawu ɖɔ dó “Tíi” wú é ɖíe: “Tɔjíhún ɖaxó ɖaxó lɛ́ɛ mi, mi dó gbɛvíhan. Mi dó gbɛvíhan, ɖó è gba Tíi toxo ɔ́ bǐ; mi sɔ́ ɖó fí e mi ná nɔ́ yi glín ɖó é ǎ.” Hwenu e tɔjíhún lɛ́ɛ lɛ́ kɔ sín tɔtɛ́ntinto Cíplu tɔn mɛ wá ɔ́ wɛ yě se xó énɛ́.

Ezayíi 23:10

“Tíinu lɛ́ɛ mi, mi yi lɛ ayǐkúngban mitɔn lɛ́ɛ! Đó fí ɖé sɔ́ ɖe bɔ tɔjíhún ná wá glín dó ǎ.”

Ezayíi 23:6

“Mi mɛ e nɔ nɔ xutó xutó lɛ́ɛ mi, mi gbɔn xu jí káká yi Taasísi, mi dó gbɛvíhan!

Ezayíi 60:9

To e ɖo zɔ lɛ́ɛ xo yěɖée kplé bó ɖo nukún ɖó mì wɛ, tɔjíhún lɛ́ɛ ja, tɔjíhún ɖaxó ɖaxó lɛ́ɛ wɛ ɖo yě nu, bó ná kplá vǐ towe lɛ́ɛ sín to línlín mɛ wá. Yě ná hɛn siká, bó ná hɛn kpatágan, bó ná dó sɔ́ nyɛ Mawu Mavɔmavɔ, Mawu towe su. Nyɛ Mɛ mímɛ́ Izlayɛ́li tɔn ɔ́ su, ɖó nyɛ wɛ ɖo hwi togun ce ɔ́ sɔ́ su wɛ mɔ̌.”

Jelemíi 10:9

Nǔmɛsɛn énɛ́ lɛ́ɛ ɔ́, kpatágan gbajagbaja e è hɛn sín Taasísi, abǐ siká e è hɛn sín Wufázi ɔ́ wɛ è nɔ dó ba acɔ́ ná. Alɔnuzɔ́watɔ́ ɖé wɛ nɔ́ tun yě, nǔtuntɔ́ ɖé wɛ nɔ wa azɔ̌ yětɔn. È nɔ zé avɔ vɔvɔ abǐ fɛ́sinnɔ dó ba acɔ́ nú yě. Nǔmɛsɛn énɛ́ lɛ́ɛ ɔ́, gbɛtɔ́ sín alɔ wɛ bló bǐ.

Ezekiyɛ́li 2:8

“Hwɛ gbɛtɔ́ ɔ́, ɖǒtó xó e ɖɔ nú we gbé un ja ɔ́, ma cí vǐ énɛ́ lɛ́ɛ e má nɔ́ se tónú ǎ lɛ́ɛ ɖɔhun ó. Kɛ nu towe bó ná ɖu nǔ e ná we gbé un ja é.”

Ezekiyɛ́li 27:12

“Taasísinu lɛ́ɛ nɔ wá xɔ ajɔ̌nú tɛnmɛ tɛnmɛ ɖo gɔ̌n towe, bó nɔ́ sɔ́ kpatágan, gan, aflélé kpó sunmí kpó dó sú axɔ́ we.

Ezekiyɛ́li 3:14

Yɛ Mawu tɔn zé mì sín kɔ́ mɛ, bó sɔ́ mì ɖidó. Ayi ce j'ayǐ ǎ, wǔ kú mì, bɔ un ɖo yiyi wɛ. Hlɔ̌nhlɔ́n Mawu Mavɔmavɔ tɔn wá jǐ ce bɔ é syɛ́n ɖésú.

Jonási 1:10

Énɛ́ ɔ́ gúdo ɔ́, é tín nǔ lɛ́ɛ bǐ mɛ nú yě. Ée tɔjíhúnkuntɔ́ lɛ́ɛ se ɖɔ Mawu Mavɔmavɔ hɔn ná wɛ Jonási ɖe ɔ́, xɛsi ɖaxó ɖé jɛ yě jí, bɔ yě kanbyɔ́ ɛ ɖɔ: “Étɛ́ a ka dó sin nɛ́?

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.

Luki 9:62

Jezu ka yí gbe n'i ɖɔ: “Mɛ e sɔ́ glelɛmɔ e nyibú nɔ dɔn ɔ́ dó ɖo gle lɛ ná wɛ, bó ɖo gǔdo kpɔ́n wɛ ɔ́ jɛ xá axɔ́súɖuɖu Mawu tɔn ǎ.”

Mɛsɛ́dó 15:38

Pɔ́lu ka mɔ ɖɔ è kún ná kplá ɛ ó, ɖó é ko jó yě dó ɖo Panfilíi ɖokpóó, bó sɔ́ nɔ́ xwedó yě yi azɔ̌ wa gbé ǎ.

Mɛsɛ́dó 26:19

“Axɔ́sú Aglipa e! Ée nǔ nyí mɔ̌ ɔ́, un vɛ́ tóli nú nǔ e Mawu sɔ́ xlɛ́ mì lɛ́ɛ ǎ.

Mɛsɛ́dó 9:36

Nyɔ̌nu ɖé ka ɖo ahwanvú Jezu tɔn lɛ́ɛ mɛ ɖo Jopée, bɔ è nɔ ylɔ́ ɛ ɖɔ Tabita; (nyǐkɔ énɛ́ sín tínmɛ wɛ nyí “Dɔ̌kási” ɖo Glɛ̌sigbe mɛ, bó nyí “Tɛ́” ɖo Fɔngbe mɛ.) Nyɔ̌nu ɖagbewatɔ́ ɖé wɛ, bó nɔ́ dó alɔ wamamɔnɔ lɛ́ɛ ɖésú.

Mɛsɛ́dó 9:38

Ée ahwanvú Jezu tɔn e ɖo Jopée lɛ́ɛ se ɖɔ Piyɛ́ɛ ɖo Lida, bɔ Lida ma ka lín dó Jopée ǎ ɔ́, yě ɖe mɛ we sɛ́ dó e nú yě ní yi ɖɔ n'i ɖɔ ní kɛnklɛ́n bó wá kpɔ́n nǔ élɔ́ nú émí din tlóló.

Mɛsɛ́dó 9:42

Jopéenu lɛ́ɛ bǐ se nǔ énɛ́ ɔ́, bɔ yě mɛ gěgé ɖi nǔ nú Aklúnɔ.

Mɛsɛ́dó 9:43

Piyɛ́ɛ ka nɔ Jopée fínɛ́, ɖo anyǔzɔ́watɔ́ e è nɔ ylɔ́ ɖɔ Sinmɔ́ɔ é xwé xɔ azǎn.

1 Kɔlɛ́ntinu 9:16

Un ná jlá ajɔ̌ nú nyɛɖée ɖó Wɛn Ɖagbe e jlá wɛ un ɖe ɔ́ wú ǎ; nǔgbó ɔ́, azɔ̌ ɖé wɛ é nyí bɔ è zɔ̌n mì ɖɔ ma wa dandan; ényí un ma jlá Wɛn Ɖagbe ɔ́ ǎ hǔn, heelú mì.

2 Tɛsalonikinu 1:9

É na sɔ́ kú mavɔ mavɔ dó dɔn tó nú yě; é ná ɖe yě ɖó zɔ nú fí e Aklúnɔ ɖe é; é ná ɖe yě ɖó zɔ nú Aklúnɔ sín hlɔ̌nhlɔ́n susunɔ ɔ́.

Jozuwée 19:46

Mɛ-Yaakɔ́ni kpódó Hlakɔni kpó, kpódó ayǐkúngban e ɖo Jafa nukɔn ɔ́ kpó.