Jelemíi 8:3 - MAWUXÓWÉMA

³ Mɛ e ka ná kpo ɖo gbɛ ɖo togun dídá élɔ́ mɛ lɛ́ɛ ɔ́, fí e un ná gba yě dó kpé lɛ́ɛ ɔ́, kú ná nyɔ́ hú gbɛ nú yě ɖo fínɛ́; Nyɛ Mawu Mavɔmavɔ Nǔbǐwúkpétɔ́ ɔ́ wɛ ɖɔ mɔ̌.”

Jelemíi 8:3 Iomraidhean Croise

1 Axɔ́sú 19:4

Bɔ é ɖésúnɔ ɔ́ ɖi zɔnlin gbɔn gbětótló mɛ nú kéze ɖokpó, bó yi jínjɔ́n jenɛ́ɛtín ɖé sá. É ɖo biba wɛ ɖɔ émí ní kú. É ɖɔ: “Din ɔ́, Mawu Mavɔmavɔ, agbɔ̌n kpé mì! Yǐ gbɛ ce, ɖó nyɛ nyɔ́ hú tɔ́gbó ce lɛ́ɛ ǎ.”

Jelemíi 23:3

“Lɛ̌ngbɔ́ ce e kpo lɛ́ɛ ɔ́, nyɛ ɖésú ná yi xo yě kplé gbɔn to e mɛ un fúnfún yě gbɔn lɛ́ɛ mɛ. Un na kplá yě wá kpó yětɔn mɛ, bɔ yě ná ji, bó ná gba kún.

Jelemíi 23:8

Lo ɔ́, è nǎ ɖɔ: ‘Un xwlé Mawu Mavɔmavɔ nú we, é wɛ ɖe Izlayɛ́li ví lɛ́ɛ tɔ́n sín to e ɖo taligbé ɔ́ mɛ, bó ɖe yě tɔ́n sín to ɖěvo e mɛ é gba yě dó gbɔn lɛ́ɛ bǐ mɛ bɔ yě lɛ́ kɔ wá to yětɔn mɛ.’ ”

Jelemíi 29:14

Nyɛ Mawu Mavɔmavɔ ɖo ɖiɖɔ nú mi wɛ ɖɔ: Un ná jó nyiɖée dó bɔ mi ná mɔ mì; un ná kplá mɛ mitɔn e ahwan wlí yi to ɖěvo mɛ lɛ́ɛ wá. Un ná xúxú mi kplé gbɔn akɔta e mɛ un gba mi dó gbɔn lɛ́ɛ, fí e un gba mi dó kpé gbɔn lɛ́ɛ bǐ, lobo ná kplá mi wá fí e un ɖe mi sín bó kplá yi to ɖěvo mɛ é.’

Jelemíi 29:28

Ée é ɖo wěma sɛ́ dó mǐ wɛ ɖo Babilɔ́nu fí din ɖɔ Mawu ɖɔ mǐ nǎ lín ɖo to e mɛ ahwan kplá mǐ wá é mɛ ɔ́, hwɛ énɛ́ ɔ́ hwɛ towe wɛ. É glá káká bó wlán dó wěma ɔ́ mɛ ɖɔ mǐ ní sá xwé bó nɔ gbe; ɖɔ mǐ ní bló jikpá bó ɖu nǔ e ná nyɔ́ ɖo jikpá lɛ́ɛ mɛ lɛ́ɛ!’ ”

Jelemíi 40:12

Ée Judáa ví énɛ́ lɛ́ɛ se mɔ̌ ɔ́, yě bǐ nyi ahwan sín fí tɛnmɛ tɛnmɛ e ahwan gba yě, bɔ yě yi cí lɛ́ɛ, lobo wá Judáa ɖo Gedaliyási gɔ́n ɖo Misipa. Ée yě wá ɔ́, yě gbɛ vǐwun kpó atínsínsɛ́n tɛnmɛ tɛnmɛ kpó, bɔ é sukpɔ́ ɖésú.

Jelemíi 44:2

“Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ: ‘Mi mɔ awě e un sɛ́ dó Jeluzalɛ́mu kpó Judáa toxo ɖě lɛ́ɛ kpó é. Toxo énɛ́ lɛ́ɛ bǐ wɛ ko gba égbé din; bǐ kó jɛ vɔ̌.

Jelemíi 44:6

Ée mi bló mɔ̌ ɔ́, un gbɔ bo ɖe xomɛsin ce kpó adǎn ce kpó xlɛ́ gbɔn Judáa toxo lɛ́ɛ mɛ, bó ɖe xlɛ́ gbɔn Jeluzalɛ́mu li lɛ́ɛ jí. Dǒglin kɛ́ɖɛ́ wɛ kpo ɖo te, nǔ bǐ wɛ gúdú lě e é ɖe gbɔn égbé din é.’ ”

Jelemíi 6:9

Xó e Mawu Mavɔmavɔ Nǔbǐwúkpétɔ́ ɖɔ ɔ́ ɖíe: “È nǎ cyán Izlayɛ́li ví ɖokpó ɖokpó e ná kpo lɛ́ɛ bǐ, lě e è gbɛ vǐwun ɔ́, è nɔ lɛ́ wá gbɔn gbo tɔn mɛ ɔ́ ɖɔhun. Jelemíi, alɔ towe ní nɔ́ vɔ́ gbɔn vǐwuntín ɔ́ sín ala lɛ́ɛ wú, lě e vǐwunsínsɛ́ngbɛtɔ́ nɔ́ bló gbɔn ɖo vǐwunsínsɛ́ngbigbɛ hwenu é.”

Daniyɛ́li 9:7

Hwi Aklúnɔ ɔ́, a hu hwɛ ɖě ǎ. Amɔ̌, mǐdɛɛ lɛ́ɛ ɔ́, mǐɖée jɛ́n mǐ ná zé hwe lě e mǐ ɖ'é wú gbɔn égbé din é, mǐ kpó Jeluzalɛ́munu lɛ́ɛ kpódó Judáa ví lɛ́ɛ kpó, kpódó Izlayɛ́li ví ɖě lɛ́ɛ e gbejí ma nɔ nú we yětɔn zɔ́n, bɔ a nya yě, bɔ yě gba kpé to lɛ́ɛ mɛ to lɛ́ɛ mɛ lɛ́ɛ kpó. Mɛ ɖě ɖo dokɔ fí, bɔ mɛɖé lɛ́ɛ yi cí to línlín mɛ.

Levíi ví 26:33

Midɛɛ lɛ́ɛ ɔ́, un ná gba mi dó gbɔn akɔta lɛ́ɛ mɛ, bɔ ahwan ná ɖo mi nya kpé wɛ. È nǎ gba to mitɔn, bɔ toxo mitɔn lɛ́ɛ ná jɛ vɔ̌.

Amɔ́si 3:1

Izlayɛ́li ví lɛ́ɛ mi, mi mɛ e nyí hɛ̌nnu e Mawu Mavɔmavɔ ɖe tɔ́n sín Ejípu lɛ́ɛ bǐ, mi ɖótó xó élɔ́ e Mawu Mavɔmavɔ ɖɔ dó mi wú é!

Jonási 4:3

Din ɔ́, Mawu Mavɔmavɔ, gbɔ bo hu mì; ɖó un kú din ɔ́, é nyɔ́ nú mì hú un nɔ gbɛ.”

Micée 2:3

Énɛ́ ɔ́ wú wɛ Mawu Mavɔmavɔ ɖɔ: “Un ɖo nǔ nyanya ɖé sín nǔ sɔ́ ɖ'ayǐ nú gbɛtɔ́ mi ɖɔhun lɛ́ɛ wɛ; mi ná gló ǎ. Mi ɖo zɔnlin zun wɛ ɔ́, mi sɔ́ ná nɔ glá awa ǎ, ɖó wǔvɛ́ hwenu wɛ jǎwe.”

Sɛ́nflínmɛ 30:1

Nǔ e un ɖɔ lɛ́ɛ bǐ ná jɛ: ɖɛ e un xo dó mi jí ɔ́ ná cɛ́; nu e un dó mi é ná ɖi. Hwenu e Mawu Mavɔmavɔ, Mawu mitɔn ná gba mi dó kpé gbɔn togun lɛ́ɛ bǐ mɛ ɔ́, mi ná lin tamɛ dó nǔ énɛ́ lɛ́ɛ wú,

Sɛ́nflínmɛ 30:4

É ná bó nyí káká fí e gbɛ ɔ́ kponu ɖó ɔ́ wɛ mi ɖe ɔ́, Mawu Mavɔmavɔ, Mawu mitɔn ná hun káká wá dɔ̌n bó wá kplá mi.

Nǔɖexlɛ́mɛ 6:16

bó nɔ ɖɔ nú só lɛ́ɛ kpódó awǐnnya lɛ́ɛ kpán ɖɔ: “Mi mu kɔn nyi mǐ jǐ, bó sɔ́ mǐ hwlá, bónú mɛ e jínjɔ́n axɔ́súzinkpo ɔ́ jí ɔ́ má mɔ mǐ ó; énɛ́ ɔ́, mǐ ná nɔ zɔ nú xomɛsin Lɛ̌ngbɔ́ví ɔ́ tɔn.

Nǔɖexlɛ́mɛ 9:6

Đo sun atɔ́ɔ́n énɛ́ lɛ́ɛ gbla mɛ ɔ́, gbɛtɔ́ lɛ́ɛ ná ba kú, yě ka ná mɔ ǎ; yě ná jló ɖɔ émí ní kú, kú ka ná hɔn yi zɔ nú yě.