Jelemíi 7:3 - MAWUXÓWÉMA

³ Mawu Mavɔmavɔ Nǔbǐwúkpétɔ́ ɔ́, Mawu Izlayɛ́li tɔn ɖɔ: Mi húzú jijɔ, mi ɖyɔ́ walɔ; énɛ́ ɔ́, un ná jó mi dó, bɔ mi ná nɔ to mɛ fí.

Jelemíi 7:3 Iomraidhean Croise

2 Axɔ́sú 17:13

Mawu Mavɔmavɔ ka ko ɖɔ nú Izlayɛ́li to ɔ́ kpó Judáa to ɔ́ kpó, gbɔn gbeyíɖɔ tɔn tɛnmɛ tɛnmɛ lɛ́ɛ bǐ jí ɖɔ: “Mi jó walɔ mitɔn baɖabaɖa lɛ́ɛ dó; mi nyi sɛ́n ce lɛ́ɛ, bó wa nǔ e un ɖɔ lɛ́ɛ. Nǔ énɛ́ lɛ́ɛ ɖo sɛ́n e un ná tɔ́gbó mitɔn lɛ́ɛ mɛ, bó lɛ́ ɖo xó e un ɖɔ nú mi gbɔn mɛsɛntɔ́ ce gbeyíɖɔ lɛ́ɛ jí é mɛ.”

Ɛsidlási 10:11

Din ɔ́, mi ɖó ná yí hwɛ mitɔn lɛ́ɛ gbe, ɖo Mawu Mavɔmavɔ e nyí Mawu tɔ́gbó mitɔn lɛ́ɛ tɔn ɔ́ nukɔn, bó ná wa jlǒ tɔn. Mi ma sɔ́ kpé nǔɖé xá to ɔ́ mɛ nu lɛ́ɛ ó; mi jó nyɔ̌nu toɖévomɛnu e mi da lɛ́ɛ dó.”

Nǔnywɛ́xó 28:13

Mɛ e nɔ sɔ́ hwɛ tɔn hwlá ɔ́ nɔ yi nukɔn ǎ; amɔ̌, mɛ e nɔ ɖɔ hwɛ tɔn lɛ́ɛ, bó nɔ jó dó ɔ́, è nɔ sɔ́ hwɛ tɔn kɛ ɛ.

Ezayíi 55:7

Mɛdídá lɛ́ɛ ní jó walɔ nyanya dó, mɛ nyanya lɛ́ɛ ní jó linlin baɖabaɖa dó. Yě bǐ ní lɛ́ kɔ wá Mawu Mavɔmavɔ gɔ́n, ɖó é ná kú nǔbláwǔ nú yě. Yě bǐ ní wá Mawu mǐtɔn gɔ́n, ɖó Mawu mǐtɔn ɔ́, hwɛsɔ́kɛmɛ nɔ cikɔ n'i ǎ.

Jelemíi 17:25

Mi bló mɔ̌ ɔ́, axɔ́súzinkpo Davídi tɔn ná nɔ vɔ̌ gbeɖé ǎ, axɔ́sú e ɖo zinkpo ɔ́ jí ɔ́ na nɔ zɔn sɔ́ jí, abǐ kɛkɛ́ví mɛ, bó ná nɔ gbɔn hɔntogbó lɛ́ɛ nu. Gǎn Judáa tɔn lɛ́ɛ, Jeluzalɛ́mu tɔn lɛ́ɛ, Judáanu lɛ́ɛ, kpó Jeluzalɛ́munu lɛ́ɛ kpó bǐ na nɔ gbɔn hɔntogbó lɛ́ɛ nu. Gbɛtɔ́ ná hán ɖo toxo ɔ́ mɛ gbeɖé ǎ.

Jelemíi 18:11

“Din ɔ́, Jelemíi, ɖɔ nú Judáanu lɛ́ɛ kpó Jeluzalɛ́munu lɛ́ɛ kpó ɖɔ: ‘Nyɛ Mawu Mavɔmavɔ ɖɔ: Un ɖo nǔ nyanya ɖé lin dó mi wú wɛ. Mɛ ɖokpó ɖokpó ní lɛ́ kɔ sín ali nyanya e jí é ɖe é jí, bó mlɛ́ ali ɖagbe, bó húzú walɔ.’ ”

Jelemíi 18:8

Lo ɔ́, nú akɔta élɔ́ e xó ɖɔ wɛ un ɖe ɔ́ ká jó nyanya wiwa dó, bó lɛ́ kɔ sín hwɛ e hu wɛ é ɖe ɔ́ gúdo ɔ́, un nɔ jó nǔ e un ɖɔ un ná wa xá ɛ ɔ́ dó.

Jelemíi 26:13

Din ɔ́, mi bo zán gbɛ mitɔn ganjí; mi wa nǔ ganjí lě e é jɛ xá gbɔn é, mi ɖótó nǔ e Mawu Mavɔmavɔ, Mawu mitɔn ɖɔ é. Énɛ́ ɔ́, é sɔ́ ná sɛ́ awě e xó é ɖɔ nú mi ɔ́ dó ǎ.

Jelemíi 35:15

Mɛsɛntɔ́ ce, gbeyíɖɔ ce lɛ́ɛ ɔ́, un gɔn yě sɛ́ dó mi ǎ; un sɛ́ yě dó mi, bɔ yě nɔ́ ɖɔ nú mi ɖɔ: ‘Mɛ ɖokpó ɖokpó ní jó gbɛ nyanya e zán wɛ é ɖe ɔ́ dó; mi wa nǔ lě e é jɛ xá gbɔn é. Mi ma sɔ́ jɛ kpo nú nǔmɛsɛn lɛ́ɛ ɖě ó. Énɛ́ ɔ́, mi ná nɔ to e un ná mi kpó tɔ́gbó mitɔn lɛ́ɛ kpó ɔ́ mɛ.’ Mi ka wlí tó xó e un ɖɔ ɔ́ wú ǎ, mi dó tókúse mɛ.

Jelemíi 35:16

Hlekávu ví lɛ́ɛ ɔ́, yě nyi sɛ́n e tɔ́gbó yětɔn Yonadávu dó nú yě ɔ́; lo ɔ́, mi Judáanu lɛ́ɛ ɔ́, midɛɛ lɛ́ɛ dó tókúse xó ce mɛ.”

Jelemíi 4:1

Mawu Mavɔmavɔ ɖɔ: “Izlayɛ́li e, nú a lɛ̌ kɔ ɔ́, gɔ̌n ce wɛ a ɖǒ ná lɛ́ kɔ wá; nú a ɖe vodún suɖunú towe lɛ́ɛ sín nukɔn ce ɔ́, a sɔ́ ná flú ɖě ǎ.

Jelemíi 6:16

Mi ɖótó mì: Mi nɔ te lobo kpɔ́n ali e gbɔn wɛ mi ɖe lɛ́ɛ ganjí. Mi kan ali e tɔ́gbó mitɔn lɛ́ɛ gbɔn ɔ́ byɔ́. Ali ɖě tɛ́ ká nyí ali ɖagbe ɔ́? Mi ba ali énɛ́ ɔ́ lobo wlí. Énɛ́ ɔ́, lǐndɔ̌n mitɔn ná mɔ vivo. Lo ɔ́, mi ɖɔ: ‘Mǐ ba ná gbɔn ali énɛ́ ǎ.’

Jaki 4:8

Mi sɛkpɔ́ Mawu; énɛ́ ɔ́ é ná sɛkpɔ́ mi. Mi hwɛhutɔ́ lɛ́ɛ, mi klɔ́ alɔ mitɔn lɛ́ɛ; mi yɛmɛnúwatɔ́ lɛ́ɛ, mi slá wǔ nú ayixa mitɔn lɛ́ɛ!