Jelemíi 4:2 - MAWUXÓWÉMA

² Hwe nɛ́ nu ɔ́, a nǎ xwlé nyɛ Mawu Mavɔmavɔ e ɖo gbɛ ɔ́, a nǎ xwlé nǔgbó nǔgbó tɔn, a nǎ xwlé ɖó sɛ́nxwi jí, a nǎ xwlé kpó ayi towe bǐ kpó. A blǒ mɔ̌ ɔ́, akɔta ɖě lɛ́ɛ na byɔ́ mì ɖɔ nyɛ ní xo ɖɛ dó émí jí, yě ná zé mì dó xɔ susu ná.

Jelemíi 4:2 Iomraidhean Croise

Bǐbɛ́mɛ 22:18

Đó a se tónú nú mì wútu ɔ́, un ná wa ɖagbe nú akɔta e ɖo ayǐkúngban jí lɛ́ɛ gbɔn vǐ towe lɛ́ɛ jí.’ ”

1 Axɔ́sú 3:6

Ée Mawu Mavɔmavɔ ɖɔ mɔ̌ ɔ́, Salomɔ́ɔ ɖɔ n'i ɖɔ: “A nyɔ̌ xomɛ dó mɛsɛntɔ́ towe tɔ́ ce Davídi wú tawun. Đó Davídi ɔ́, gbɛtɔ́ ɖé wɛ bɔ è nǎ ɖeji dó wǔ tɔn; é nɔ wa nǔ jlɔ́jlɔ́, bó sɔ́ xomɛ ɖó wɛn nú we, bɔ a nyɔ̌ xomɛ énɛ́ ɔ́ dó wǔ tɔn, bó ná ɛ vǐ súnnu ɖokpó, bɔ é wá jínjɔ́n axɔ́súzinkpo tɔn jí lě e mɔ gbɔn wɛ è ɖe égbé é.

Ɖɛhan 72:17

Nyǐkɔ tɔn ní ɖo te káká sɔ́yi. Nú hwe nɔ tɔ́n jɛ́n wɛ ɔ́, nyǐkɔ tɔn ní ɖo te. È nǐ kpɔ́n lě e nǔ nyɔ́ n'i gbɔn ɔ́ dó xo nyɔ̌ná ɖɛ nú mɛɖée, akɔta lɛ́ɛ bǐ ní nɔ́ ɖɔ nǔ nyɔ̌ n'i.

Ɖɛhan 99:4

È nǐ kpa hlɔ̌nhlɔ́n nú hwi axɔ́sú e yí wǎn nú hwɛjijɔ é. Hwi wɛ sɔ́ nǔ wa ɖó sɛ́nxwi jí jínjɔ́n ayǐ. Hwi wɛ nɔ wa nǔ ɖó sɛ́nxwi jí, bó nɔ́ xwedó hwɛjijɔ dó wa nǔ ɖo Izlayɛ́li.

Ezayíi 45:23

Nyɛ wɛ nyí Mawu nǔgbó; énɛ́ wú ɔ́, un xwlé nyɛ ɖésú nú mi; xó e tɔ́n sín nu ce mɛ lɛ́ɛ bǐ wɛ nyí xó nǔgbó; xó ɖokpó ɖíe, bɔ un ná húzú ǎ: gbɛtɔ́ e ɖo ayǐkúngban ɔ́ jí lɛ́ɛ bǐ ná jɛ kpo ɖo nukɔn ce, bó ná xwlé nǔ bó ɖɔ:

Ezayíi 45:25

Amɔ̌, Izlayɛ́li ví lɛ́ɛ bǐ ná mɔ hwɛjijɔ ɖo gɔ̌n ce bɔ é ná víví nú yě.”

Ezayíi 65:16

Mɛ ɖěbǔ jló ná byɔ́ fífá nú mɛ ɖo to ɔ́ mɛ ɔ́, é ná byɔ́ nú mɛ ɔ́ ɖo Mawu gbejínɔtɔ́ ɔ́ sín nyǐkɔ mɛ. Mɛ ɖěbǔ ná xwlé nǔ ɖo to ɔ́ mɛ ɔ́, é ná xwlé ɖo Mawu gbejínɔtɔ́ ɔ́ sín nyǐkɔ mɛ.” Mawu ɖɔ: “Tagba xóxó tɔn lɛ́ɛ ɔ́, è nǎ wɔn yě. Yě ná bú sín nukún ce mɛ.

Jelemíi 10:10

Lo ɔ́, Mawu Mavɔmavɔ wɛ nyí Mawu ɖokpó e tíin é; é wɛ nyí Mawu, bó nyí axɔ́sú káká yi káká sá. È sin xomɛ ɔ́ ayǐkúngban nɔ dán wǔ, akɔta lɛ́ɛ nɔ́ sixú nɔ te xomɛsin tɔn nukɔn ǎ.

Jelemíi 12:15

Un ɖe togun énɛ́ lɛ́ɛ tɔ́n sín to yětɔn mɛ gúdo ɔ́, un ná lɛ́ wá kú nǔ blá wǔ nú yě, bó ná kplá mɛ ɖokpó ɖokpó wá ayǐkúngban tɔn jí, ɖo to tɔn mɛ.

Jelemíi 12:16

Togun dídá énɛ́ lɛ́ɛ kplɔ́n nǔ togun ce bɔ é nɔ xwlé nǔ dó vodún Baalu nyíkɔ mɛ. Amɔ̌, nú yědɛɛ lɛ́ɛ zán gbɛ yětɔn ganjí lě e togun ce ɖó ná bló gbɔn ɔ́, nú yě nɔ́ xwlé nǔ dó nyǐkɔ ce mɛ bó nɔ ɖɔ ‘Mawu Mavɔmavɔ ɖo gbɛ’ ɔ́, yě ná mɔ tɛn ɖo togun ce tɛ́ntin.

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Jelemíi 3:17

Hwe nɛ́ nu ɔ́, è nǎ ylɔ́ Jeluzalɛ́mu ɖɔ axɔ́súzinkpo Mawu Mavɔmavɔ tɔn. Akɔta lɛ́ɛ bǐ ná kplé ɖo fínɛ́ ɖo gɔ̌n ce. Yě sɔ́ ná xwedó ayixa baɖabaɖa e ɖo xo yětɔn mɛ lɛ́ɛ ɖě dó wa nǔ ǎ.

Jelemíi 33:9

Hwenɛ́nu lo ɔ́, un ylɔ́ Jeluzalɛ́mu sín nyǐkɔ ɔ́, é ná nɔ́ víví nú mì. É wɛ un ná nɔ́ dó ba acɔ́ ná ɖo akɔta e ɖo ayǐkúngban ɔ́ jí lɛ́ɛ bǐ nukɔn. Hwenu e akɔta lɛ́ɛ na se ɖagbe e wa nú Jeluzalɛ́mu gbé un ja ɔ́, xɛsi ná ɖi yě, bɔ yě ná sísɔ́. Nú yě mɔ nyɔ̌ná e un ná Jeluzalɛ́mu ɔ́, kpó lě e nǔ tɔn lɛ́ɛ ɖo nukɔn yi gbɔn wɛ ɔ́ kpó ɔ́, ado ná hu yě.”

Jelemíi 5:2

Jelemíi ɖɔ: “Jeluzalɛ́munu lɛ́ɛ nɔ xwlé nǔ bó nɔ́ ɖɔ: ‘Mǐ xwlé Mawu Mavɔmavɔ, mɛ e ɖo gbɛ é.’ Nǔ yǎyá wɛ yě wa, adingban wɛ yě ɖó.

Jelemíi 7:5

Ényí mi húzú jijɔ, bɔ walɔ mitɔn lɛ́ɛ ɖyɔ́ ɔ́, ényí mi nɔ wa nǔ ɖó sɛ́nxwi jí nú miɖée ɔ́,

Jelemíi 9:24

Mawu Mavɔmavɔ ɖɔ: “Éɖíe, azǎn ɔ́ jǎwe, bɔ un ná dɔn tó nú mɛ e gbo ada, bo ká jɛ ada gbigbo nyí kpowun lɛ́ɛ.

Ozée 2:19

Un ná yí vodún Baalu kpó vodún ɖě lɛ́ɛ kpó nyǐkɔ sín nu towe, bɔ è sɔ́ ná nɔ́ ylɔ́ nyǐkɔ yětɔn ɖě ǎ.

Jowɛ́li 2:12

Mawu Mavɔmavɔ ɖɔ: “Hwenu su nú mi din, bɔ mi ná lɛ́ kɔ wá gɔ̌n ce. Mi lɛ́ kɔ wá gɔ̌n ce kpó ayixa mitɔn bǐ kpó: mi blá nu, mi ya avǐ, mi sa vo nú mì.

Zakalíi 8:8

Un ná kplá yě sín dɔ̌n wá, bɔ yě ná nɔ Jeluzalɛ́mu; yě ná nyí togun ce, bɔ nyɛ ná nyí Mawu yětɔn. Un ná xwedó nǔgbó kpódó hwɛjijɔ kpó dó ɖu axɔ́sú ɖo yě nu.”

Malacíi 1:11

Sín zǎnzǎnhwe jí káká wá yi gbadahwe jí ɔ́, gbɛtɔ́ e ɖo ayǐkúngban ɔ́ jí lɛ́ɛ bǐ wɛ tunwun susu ce. Fí bǐ wɛ è nɔ dó zǎlínkpɔ́n zo ɖe dó ta ce mɛ, bó nɔ́ hɛn vɔ̌sánú e jɛ xá mì lɛ́ɛ wá nú mì ɖe. Nǔgbó wɛ, akɔta lɛ́ɛ tunwun susu ce.

1 Kɔlɛ́ntinu 1:31

Énɛ́ ɔ́ wú ɔ́, lě e Mawuxówéma ɔ́ ɖɔ gbɔn ɔ́: “Nú mɛɖé jló ná jlá ajɔ̌ nú éɖée ɔ́, ní jlá ɖó Aklúnɔ ɔ́ wú.”

2 Kɔlɛ́ntinu 10:17

É ka ɖo mɔ̌ có, lě e Mawuxówéma ɔ́ ɖɔ gbɔn ɔ́ ɖíe: “Nú mɛɖé jló ná jlá ajɔ̌ nú éɖée ɔ́, ní jlá ɖó Aklúnɔ ɔ́ wú.”

Galatinu 3:8

Mawuxó ɔ́ ko ɖɔ sín do ɖɔ: mɛ e ma nyí Jwifu ǎ lɛ́ɛ ná ɖi nǔ nú Mawu, bɔ Mawu ná sɔ́ yě dó húzú hwɛjijɔnɔ; énɛ́ ɔ́ wú wɛ Mawu dó akpá ɖagbe élɔ́ nú Ablaxámu ɖo Mawuxówéma ɔ́ mɛ ɖɔ: “Un ná xo ɖɛ dó akɔta e ɖo gbɛ ɔ́ mɛ lɛ́ɛ bǐ jǐ gbɔn jǐ towe.”

Sɛ́nflínmɛ 10:20

“Mi ní ɖó sísí nú Mawu Mavɔmavɔ, Mawu mitɔn; mi nɔ sɛn ɛ; é ɖokpónɔ géé wú wɛ mi ná ɖó kan dó bó ná nɔ sɛn; é ɖokpónɔ sín nyǐkɔ wɛ mi ná nɔ́ xwlé.

Sɛ́nflínmɛ 4:30

Hwenu e nǔ e un ɖɔ nú mi lɛ́ɛ bǐ ná jɛ, bɔ mi ná ɖo aluwɛ mɛ ɔ́, mi ná lɛ́ kɔ wá Mawu Mavɔmavɔ, Mawu mitɔn gɔ́n, bó ná lɛ́ jɛ tónú se n'i jí.

Sɛ́nflínmɛ 6:13

Mi ná ɖó sísí n'i, bó ná sɛn é ɖokpónɔ géé. É ɖokpónɔ sín nyǐkɔ wɛ mi ná nɔ́ xwlé.

Filípunu 3:3

Mǐ mɛ e nɔ sɛn Mawu ɖo Yɛ Mawu tɔn mɛ lɛ́ɛ ɔ́, mǐ wɛ gbo ada titewungbe ɔ́; mǐ wɛ nɔ xɔ susu ɖo Klísu Jezu mɛ; mǐ wɛ ma nɔ gán jɛ walɔ gbɛtɔ́ tɔn lɛ́ɛ wú ǎ.

Hwliti 3:13

Dɔ̌ fí, sɔ zǎnzǎn tɛɛn ɔ́, un ná yi mɔ ɛ, nú é yí gbe, bó ná kpé nukún wǔ we ɔ́, é ná bló. Nú é má ká jló ǎ ɔ́, nyɛ ná kpé nukún wǔ we, Mawu Mavɔmavɔ Gbɛɖe ɔ́ nukɔn ɖíe ɖɔ ɖe wɛ un ɖe e. Amɔ̌, to mlɔ́ ayǐ hwɛ̌ nú ayǐ ní hɔ́n.”

1 Samuwɛ́li 20:3

Davídi lɛ́ yí xó, bó ɖɔ n'i ɖɔ: “Un xwlé Mawu nú we ɖɔ nǔgbó wɛ. Tɔ́ towe tunwun ganjí ɖɔ xɔ́ntɔn towe wɛ un nyí; énɛ́ wú wɛ é má ná ba ɖɔ hwi ní mɔ do ná ǎ, é táá vɛ́ nú we. Amɔ̌, Mawu Mavɔmavɔ nukɔn ɖíe ɖɔ ɖe wɛ un ɖe, bó ɖo ɖiɖɔ wɛ ɖo hwi ɖésúnɔ nukɔn e, afɔ ɖiɖe ɖokpó jɛ́n ɖo kú kpó nyɛ kpó tɛ́ntin.”