Jelemíi 4:1 - MAWUXÓWÉMA

¹ Mawu Mavɔmavɔ ɖɔ: “Izlayɛ́li e, nú a lɛ̌ kɔ ɔ́, gɔ̌n ce wɛ a ɖǒ ná lɛ́ kɔ wá; nú a ɖe vodún suɖunú towe lɛ́ɛ sín nukɔn ce ɔ́, a sɔ́ ná flú ɖě ǎ.

Jelemíi 4:1 Iomraidhean Croise

Bǐbɛ́mɛ 35:2

Bɔ Jakɔ́bu ɖɔ nú xwédo tɔn kpódó mɛ e ɖo kpɔ́ xá ɛ lɛ́ɛ bǐ kpó ɖɔ: “Mi bɛ́ vodún mitɔn lɛ́ɛ bǐ síin. Mi slá wǔ bó ɖyɔ́ awu.

2 Axɔ́sú 23:13

É ɖu su nú vodún xwé e axɔ́sú Salomɔ́ɔ bló gbɔn só jí só jí, bɔ yě ɖo afɔligbé nú Nǔhɛngblé só ɔ́ , bó kpan nukɔn Jeluzalɛ́mu lɛ́ɛ. Vodúnxwé énɛ́ lɛ́ɛ ɔ́, nǔvɛ́mɔ Asitaatée, vodún Sidɔ́ɔnnu lɛ́ɛ tɔn, nǔvɛ́mɔ Kemɔci, vodún Mɔwabunu lɛ́ɛ tɔn kpódó nǔvɛ́mɔ Milukɔ́mu, vodún Amumɔ́ɔ ví lɛ́ɛ tɔn kpó tɔn wɛ.

2 Axɔ́sú 23:24

Mɔ̌ ɖokpó ɔ́, bó ná dó bló nǔ e è wlǎn dó wěma e vɔ̌sánú-xwlémawutɔ́ ɖaxó Ilukya mɔ ɖo Mawu Mavɔmavɔ xwé gbe ɔ́ mɛ ɔ́, Joziyási hu mɛ e nɔ kan bo lɛ́ɛ, mɛ e nɔ ɖɔ nǔ e ná wá jɛ sɔ lɛ́ɛ, bó gba bǒcyɔ lɛ́ɛ, vodún lɛ́ɛ, kpódó nǔ ɖěvo e è nɔ sɛn ɖo Jeluzalɛ́mu toxo ɔ́ kpódó Judáa to ɔ́ bǐ kpó mɛ lɛ́ɛ kpó.

2 Tan 15:8

Ée Asa se xó e gbeyíɖɔ Mawu tɔn Azalyahu Odɛ́di ví ɔ́ ɖɔ ɔ́, é mɔ gǎn, bó ɖe bǒcyɔ e ɖo Judáa kpódó Bɛnjamɛ́ɛ kpó yíkúngban jí lɛ́ɛ síin. Nǔ ɖokpó ɔ́ wɛ é lɛ́ bló gbɔn toxo e é yí ɖo sókan mɛ ɖo Eflayímu sín ayǐkúngban jí lɛ́ɛ mɛ. Énɛ́ ɔ́ gúdo ɔ́, vɔ̌sákpe Mawu Mavɔmavɔ tɔn e ɖo xɔ ɔ́ nukɔn ɔ́, é blóɖó.

2 Tan 33:8

Un sɔ́ ná kplá Izlayɛ́li ví lɛ́ɛ sín to e un sɔ́ nú tɔ́gbó yětɔn lɛ́ɛ é mɛ ǎ. Yě ní vɛ́ kó bló nǔ e un zɔ́n lɛ́ɛ bǐ, bó nyi sɛ́n e un dó gbɔn Mɔyízi jí lɛ́ɛ bǐ.”

2 Tan 34:33

Walɔ baɖabaɖa e zán wɛ yě ɖe ɖo Izlayɛ́li lɛ́ɛ ɔ́, axɔ́sú Joziyási sú dó, bó ɖɔ mɛ e ɖo to ɔ́ mɛ lɛ́ɛ bǐ ɖó ná sɛn Mawu Mavɔmavɔ, Mawu yětɔn ɔ́ dandan. Ée é bló mɔ̌ ɔ́, yě mɛ ɖěbǔ sɔ́ lɛ́ kɔ sín Mawu Mavɔmavɔ, Mawu e tɔ́gbó yětɔn lɛ́ɛ nɔ sɛn ɔ́ gúdo káká có nú zǎn tɔn wá kú ǎ.

Ezayíi 31:6

Izlayɛ́li ví lɛ́ɛ mi, mi jó Mawu dó bǐ gbídígbídí; mi bo lɛ́ kɔ wá gɔ̌n tɔn lo!

Jelemíi 15:19

Ée un ɖɔ mɔ̌ ɔ́, Mawu Mavɔmavɔ ɖɔ nú mì ɖɔ: “Ényí a lɛ́ kɔ wá ɔ́, un ná yí we, bɔ a nǎ nɔ wa azɔ̌ nú mì. Ényí a ɖo gbesisɔ mɛ bó ná nɔ́ ɖɔ xójɔxó, bó ná jó xógblóɖiɖɔ dó ɔ́, a nǎ lɛ́ nyí gbeyíɖɔ ce. Amɔ̌, hwi wɛ ka na lɛ́ kɔ yi Judáanu lɛ́ɛ gɔ̌n ǎ, yě wɛ na lɛ́ kɔ wá gɔ̌n towe.

Jelemíi 15:4

Énɛ́ ɔ́, nú togun e ɖo ayǐkúngban ɔ́ jí lɛ́ɛ mɔ yě lě ɔ́, xɛsi ná jɛ yě jí, bɔ yě ná jɛ sísɔ́sísɔ́ jí. Nǔ e Manasée, Judáa xɔ́sú, Ezekiyási ví ɔ́ dó sin ɖo Jeluzalɛ́mu ɔ́, nǔ e ná gbo yě ɖ'é mɛ ɔ́ nɛ́.”

Jelemíi 18:11

“Din ɔ́, Jelemíi, ɖɔ nú Judáanu lɛ́ɛ kpó Jeluzalɛ́munu lɛ́ɛ kpó ɖɔ: ‘Nyɛ Mawu Mavɔmavɔ ɖɔ: Un ɖo nǔ nyanya ɖé lin dó mi wú wɛ. Mɛ ɖokpó ɖokpó ní lɛ́ kɔ sín ali nyanya e jí é ɖe é jí, bó mlɛ́ ali ɖagbe, bó húzú walɔ.’ ”

Jelemíi 24:9

Énɛ́ ɔ́, axɔ́súɖuto e ɖo gbɛ ɔ́ mɛ lɛ́ɛ ɖěbǔ mɔ yě ɔ́, xɛsi ɖaxó ɖé ná nɔ́ jɛ yě jí. Fí e un ná gba yě dó gbɔn lɛ́ɛ bǐ ɔ́, è ja mɛ zun gbé oo, è ja mɛ cá ko gbé oo, è ja han kpa dó mɛ gbé oo, è ja nu dó mɛ gbé oo ɔ́, yě wú wɛ è nǎ nɔ́ jlɛ́ dó.

Jelemíi 25:5

Mawu Mavɔmavɔ ɖɔ nú mi ɖɔ: ‘Ali nyanya e mi wlí ɔ́, mi lɛ́ kɔ sín jí, mi jó dǎka dó, bó jó nǔ baɖabaɖa e mi nɔ bló lɛ́ɛ dó; énɛ́ ɔ́, mi ná nɔ to e un ná tɔ́gbó mitɔn lɛ́ɛ kpó mi kpó é mɛ káká sɔ́yi.

Jelemíi 3:1

Mawu Mavɔmavɔ ɖɔ: ényí mɛ ɖé nya asi tɔn bónú é yi da súnnu ɖěvo ɔ́, asú tɔn xóxó ɔ́ nɔ́ lɛ́ lɛ́ kɔ yi nyɔ̌nu ɖokpó énɛ́ ɔ́ gɔ́n wɛ a? Nǔ cí mɔ̌ ɔ́, su wɛ è ɖu nú to ɔ́ nɛ́ ǎ cé? Izlayɛ́li, hwɛ ɔ́, xɔnnɔ towe e ɖó xó xá we din lɛ́ɛ ko sukpɔ́ bɔ a nǎ lɛ́ lɛ́ kɔ wá gɔ̌n ce wɛ a? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 3:12

Yi, yi bó sú xó sɛ́ dó totaligbé ɖɔ Mawu Mavɔmavɔ ɖɔ: ‘Izlayɛ́li gbejímánɔtɔ́! Lɛ̌ kɔ wá. Un ná sɔ́ nukún nyanya dó kpɔ́n we ǎ. Un nɔ kú nǔbláwǔ nú mɛ. Un na nɔ xomɛsin jí káká sɔ́yi ǎ.

Jelemíi 3:14

Mawu Mavɔmavɔ ɖɔ: “Vǐ gbejímánɔtɔ́ e mi, mi lɛ́ kɔ wá gɔ̌n ce! Đó nyi wɛ ɖó mi. Un ná cyán mi kplé, un ná kplá mɛ ɖokpó abǐ mɛ we sín toxo mitɔn lɛ́ɛ ɖokpó ɖokpó mɛ, bó ná lɛ́ kplá sín hɛ̌nnu mitɔn lɛ́ɛ ɖokpó ɖokpó mɛ, lobo na kplá mi wa Sinyɔ́ɔ.

Jelemíi 3:22

Vǐ gbejímánɔtɔ́ e mi, mi lɛ́ kɔ wá! Gbejímánɔ sín azɔn e jɛ wɛ mi ɖe ɔ́, un ná gbɔ nú mi!” Togun ɔ́ ɖɔ: “Mǐ ɖíe! Mǐ ja gɔ̌n towe ɖó hwi wɛ nyí Mawu Mavɔmavɔ, Mawu mǐtɔn.

Jelemíi 35:15

Mɛsɛntɔ́ ce, gbeyíɖɔ ce lɛ́ɛ ɔ́, un gɔn yě sɛ́ dó mi ǎ; un sɛ́ yě dó mi, bɔ yě nɔ́ ɖɔ nú mi ɖɔ: ‘Mɛ ɖokpó ɖokpó ní jó gbɛ nyanya e zán wɛ é ɖe ɔ́ dó; mi wa nǔ lě e é jɛ xá gbɔn é. Mi ma sɔ́ jɛ kpo nú nǔmɛsɛn lɛ́ɛ ɖě ó. Énɛ́ ɔ́, mi ná nɔ to e un ná mi kpó tɔ́gbó mitɔn lɛ́ɛ kpó ɔ́ mɛ.’ Mi ka wlí tó xó e un ɖɔ ɔ́ wú ǎ, mi dó tókúse mɛ.

Jelemíi 36:3

Bóyá Judáa ví lɛ́ɛ se nǔ nyanya e un jló ná wa xá yě lɛ́ɛ ɔ́, yě sixú jó gbɛ nyanya e zán wɛ yě ɖe ɔ́ dó, bɔ un ná zé hwɛ e yě hu lɛ́ɛ kpó nǔ e yě wa nyi do lɛ́ɛ kpó kɛ yě.”

Jelemíi 4:4

Judáanu e mi! Jeluzalɛ́munu e mi! Mi ko gbo ada, amɔ̌, ada e mi gbo ɔ́ ní wa azɔ̌ ɖo ayi mitɔn lɔ wú, bónú mi jó gbɛ mitɔn bǐ dó nú mì. É má nyi mɔ̌ ǎ ɔ́, xomɛsin ce táá wá xɔ myɔ ɖɔhun. É ná xɔ myɔ ɖɔhun bɔ cící ná gló, ɖó lě e dǎka e mi xo lɛ́ɛ syɛ́n sɔ é wú.”

Jelemíi 7:3

Mawu Mavɔmavɔ Nǔbǐwúkpétɔ́ ɔ́, Mawu Izlayɛ́li tɔn ɖɔ: Mi húzú jijɔ, mi ɖyɔ́ walɔ; énɛ́ ɔ́, un ná jó mi dó, bɔ mi ná nɔ to mɛ fí.

Jelemíi 7:5

Ényí mi húzú jijɔ, bɔ walɔ mitɔn lɛ́ɛ ɖyɔ́ ɔ́, ényí mi nɔ wa nǔ ɖó sɛ́nxwi jí nú miɖée ɔ́,

Jelemíi 7:7

un ná jó mi dó, bɔ mi na nɔ to mɛ fí, to élɔ́ e un ná tɔ́gbó mitɔn lɛ́ɛ sín do bɔ è ná nyí yětɔn káká sɔ́yi ɔ́ mɛ.

Ezekiyɛ́li 11:18

Ée mi ná wá é ɔ́, mi ná sú vodún sinsɛn alɔkpa alɔkpa e ɖo to ɔ́ mɛ lɛ́ɛ bǐ dó, bó ná sú nǔ baɖabaɖa alɔkpa alɔkpa e ko sixú tíin ɖo to ɔ́ mɛ lɛ́ɛ bǐ dó.

Ezekiyɛ́li 18:13

é nɔ́ sa akwɛ́ bó nɔ́ yí akwɛ́ví d'é jí. Vǐ mɔ̌hun ná nɔ gbɛ wɛ a vɛdó a? É ná kú dandan, ɖó nǔ baɖabaɖa énɛ́ lɛ́ɛ e é dó sin é wútu; é ná kú, é wɛ ka sɔ́ éɖée nyi gbě.

Ezekiyɛ́li 43:9

Bɛ́ sín din ɔ́, Izlayɛ́li ví lɛ́ɛ sɔ́ ná dó afɔ gbě ɖě ǎ; yě ná sɛ axɔ́sú yětɔn lɛ́ɛ sín cyɔ lɛ́ɛ dó zɔ nú mì; énɛ́ ɔ́, un ná nɔ yě mɛ káká sɔ́yi.

Ozée 14:1

È nǎ dɔn tó nú Samalíinu lɛ́ɛ ɖó yě fɔ́n gǔ dó Mawu yětɔn jí. Ahwan ná gba yě; è nǎ hu vǐ yětɔn lɛ́ɛ bó ná zɛ nyɔ̌nu yětɔn e ɖo xo lɛ́ɛ.

Ozée 2:2

Judáanu lɛ́ɛ kpódó Izlayɛ́linu lɛ́ɛ kpó ná kplé bó ná sɔ́ gǎn ɖokpó, bó ná kpa acɛ nú to ɔ́. Đó azǎn ɖaxó ɖé wɛ Izleyɛ́li sín azǎn ɔ́ ná nyí.

Ozée 7:16

Nyɛ Mawu Ajalɔ̌nlɔn ɔ́ gɔ́n wɛ yě lɛ́ kɔ wá ǎ. Yě cí da e má ɖo ganjí ǎ ɖɔhun. Gǎn yětɔn lɛ́ɛ ná cí ahwan, ɖó mɛ ma sí xó e nɔ́ tɔ́n sín nu yětɔn mɛ lɛ́ɛ wú. Nǔ e ná zɔ́n bɔ yě ná nyí nǔkiko ɖo Ejípu é nɛ́.”

Jowɛ́li 2:12

Mawu Mavɔmavɔ ɖɔ: “Hwenu su nú mi din, bɔ mi ná lɛ́ kɔ wá gɔ̌n ce. Mi lɛ́ kɔ wá gɔ̌n ce kpó ayixa mitɔn bǐ kpó: mi blá nu, mi ya avǐ, mi sa vo nú mì.

Zakalíi 1:4

Mi ma wa nǔ tɔ́gbó mitɔn lɛ́ɛ ɖɔhun ó. Đ'ayǐ xóxó ɔ́, gbeyíɖɔ lɛ́ɛ kó kplɔ́n nǔ yě ɖo nyǐkɔ ce mɛ ɖɔ yě ní lɛ́ kɔ sín gbɛ nyanya e zán wɛ yě ɖe ɔ́ gúdo, bó jó nǔ ma sɔgbe e wa wɛ yě ɖe lɛ́ɛ dó; yě ká jló ná se ǎ; yě se tónú nú mì ǎ.

Sɛ́nflínmɛ 27:15

“Heelú mɛ e kpa bǒcyɔ, abǐ mɛ e sínsín gan dó kɔn bǒcyɔ bó nɔ́ sɛn ɖo nǔglɔ́ lɛ́ɛ! Mawu Mavɔmavɔ gbɛ́ wǎn nú nǔ e gbɛtɔ́ nɔ́ bló bó nɔ́ sɛn lɛ́ɛ.” Bɔ togun ɔ́ bǐ ná ɖɔ: “Amǐ.”

Sɛ́nflínmɛ 4:30

Hwenu e nǔ e un ɖɔ nú mi lɛ́ɛ bǐ ná jɛ, bɔ mi ná ɖo aluwɛ mɛ ɔ́, mi ná lɛ́ kɔ wá Mawu Mavɔmavɔ, Mawu mitɔn gɔ́n, bó ná lɛ́ jɛ tónú se n'i jí.

Jozuwée 24:14

Jozuwée lɛ́ ɖɔ nú yě ɖɔ: “Din ɔ́, mi ɖó sísí nú Mawu Mavɔmavɔ bó sɛn ɛ kpódó ayixa mitɔn bǐ kpó, bó nɔ gbejí n'i. Vodún e tɔ́gbó mitɔn lɛ́ɛ nɔ sɛn ɖ'ayǐ ɖo Efláti tɔ ɔ́ gúdo kpó Ejípu kpó lɛ́ɛ ɔ́, mi bɛ́ yě kɔn nyi gbě, bó sɛn Mawu Mavɔmavɔ.

Hwɛɖɔtɔ́ 10:16

Énɛ́ ɔ́ gúdo ɔ́, yě bɛ̌ vodún lɛ́ɛ kɔn nyi gbě, bó lɛ́ jɛ Mawu Mavɔmavɔ sɛn jí. Bɔ ya e ji wɛ yě ɖe ɔ́ blá wǔ nú Mawu Mavɔmavɔ.

1 Samuwɛ́li 7:3

Samuwɛ́li ka ɖɔ nú Izlayɛ́li to ɔ́ bǐ kplékplé ɖɔ: “Ényí mi ɖésú jɛ́n kpɔ́n ayi mitɔn mɛ, bó lɛ́ kɔ wá Mawu Mavɔmavɔ gɔ́n hǔn, mi bo ɖe vodún Asitaatée kpó nǔmɛsɛn togun ɖě lɛ́ɛ tɔn lɛ́ɛ bǐ kpó sín xwé mitɔn lɛ́ɛ gbe. Mi sɔ́ ayi mitɔn ɖó Mawu Mavɔmavɔ ɖokpó jí, bó sɛn é ɖokpónɔ géé. Énɛ́ ɔ́, é ná hwlɛ́n mi ɖo Filisitɛ́ɛn lɛ́ɛ sí.”