Ayǐhɔ́ngbe tɔn ɔ́, mɛxó ɔ́ ɖɔ nú mɛ kpɛví ɔ́ ɖɔ: “Nyɛ kpó tɔ́ mǐtɔn kpó ɖɔ éé ɖo mɔ̌ é zǎn mɛ. É jɛ zǎn mɛ ɔ́, mǐ ná lɛ́ ɖó vɛ̌ɛn kɔ jí n'i, bɔ é ná nu mú, bɔ a nǎ yi mlɔ́ akpá tɔn, bɔ hwi lɔ ná sixú hɛn tɔ́ mǐtɔn sín kún ɖó te.”
Yě gbɛ́ tónú se. Yě wɔn nǔ ɖagbe ɖagbe e a wa nú yě lɛ́ɛ. Yě tlí tó, bó ɖe gbeta tɔ́n ɖɔ émí ná lɛ́ lɛ́ kɔ yi kannumɔgbénu émítɔn ɖo Ejípu. Lo ɔ́, hwɛ ka jó yě dó ǎ, ɖó Mawu wɛ a nyǐ; a nɔ sɔ́ hwɛ kɛ mɛ. Mawu nǔbláwǔkúnúmɛtɔ́, xomɛnyɔ́tɔ́, hǔnkútɔ́ wɛ a nyǐ, bɔ xomɛfífá towe ɖó dogbó ǎ.
Un ná jó e dó bɔ bǐ ná nyí gběhan; mɛɖé ná xwa ǎ, mɛɖé ná kpé nukún d'é wú ǎ, wunkan ná vun blá ɛ bǐ; un ná gbɛ́, bɔ akpɔ́kpɔ́ ɖěbǔ ná ɖó, bɔ jǐ ná ja d'é jí ǎ.”
Nyɛ Mawu Mavɔmavɔ, Mawu mitɔn ɔ́, un nɔ ná jǐ mi ɖo jǐ hwenu, un nɔ ná xwejí kpó zǒjí kpó mi, un zé hwenu ɖó te nú mi bɔ mi nɔ ya jinukún ná. Un bló nǔ énɛ́ lɛ́ɛ bǐ nú mi có mi ka ɖɔ: ‘Mi wá nú mǐ ná ɖó sísí nú Mawu Mavɔmavɔ, Mawu mǐtɔn’ ǎ.
Mawu Mavɔmavɔ, nǔgbó ba wɛ a ɖe ǎ cé? A xo yě, é ká nyí nǔɖé nú yě ǎ. A hɛn nǔ gblé dó yě wǔ, yě ká yí gbe nú xó e ɖɔ nú yě wɛ a ɖe lɛ́ɛ ǎ. Ta wɛ yě lɛ́ syɛ́n d'é jí bó gbɛ́ ɖɔ émí kún ná lɛ́ kɔ wá hwi gɔ̌n ó.
winnyá wɛ ɖó ná hu yě, ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Xó e nyɛ Mawu Mavɔmavɔ ɖɔ ɔ́ nɛ́.
Winnyá wɛ ɖó ná hu yě ɖó nǔ baɖabaɖa e yě dó sin lɛ́ɛ wú. Winnyá ká hu yě lɔ vɔ́vɔ́ ǎ. Énɛ́ wú wɛ yě ná j'ayǐ kpó mɛ e ɖo ayǐ jɛ wɛ lɛ́ɛ kpó. Hwenu e un ná wa nǔ xá yě ɔ́, yě ná mɔ yěɖée ɖo kɔ́ mɛ. Nyɛ Mawu Mavɔmavɔ ɔ́ wɛ ɖɔ mɔ̌.” Mawu mɔ nǔ e ba wɛ é ɖe ɖo togun ɔ́ sí ɔ́ ɖo así tɔn ǎ
Hlɔ̌nhlɔ́n e mi ɖó bó dó ɖo go yí wɛ ɔ́, un ná gba bǐ dó; un ná bló bɔ jǐnukúnsin mitɔn ná syɛ́n gan ɖɔhun. Akú ná ɖó bɔ ayǐkúngban mitɔn ná xú ganvɔ ɖɔhun.
“Hwenu e é kpo sun atɔn bɔ jinukún mitɔn lɛ́ɛ na nyɔ́ ɔ́, un tɛ jǐ mi. Un bló bɔ jǐ ja ɖo toxo ɖě mɛ, bó gɔn ɖě mɛ; jǐ ja dó gle ɖě gbe bó gɔn ɖě gbe, bɔ nǔkún e ɖ'é jí lɛ́ɛ fyɔ́.
Mɛ lɛ́ɛ nɔ gosín toxo we abǐ atɔn mɛ, bó nɔ́ yi sin nu gbé ɖo toxo ɖěvo mɛ; yě ká nɔ́ mɔ nu bónú é nɔ́ ɖi kɔ nú yě ǎ. Nǔ nyí mɔ̌ có, mi lɛ́ kɔ wá gɔn ce ǎ.” Xó e Mawu Mavɔmavɔ ɖɔ ɔ́ nɛ́.
Mi cɔ́ miɖée bó ma gbɛ́ tó ɖó mɛ e ɖo xó ɖɔ nú mi wɛ é ó. Yě mɛ e gbɛ́ tó ɖó mɛ e ɖo Mawuxó ɖɔ nú yě wɛ ɖo ayǐkúngban jí fí ɔ́, yě gló tódɔnnúmɛ Mawu tɔn ǎ. Étɛ́ ka sɔ́ nyí mǐtɔn lo? Ényí mǐ ɖe kɔ dó mɛ e ɖo xó ɖɔ nú mǐ wɛ sín jǐxwé aga ɔ́, mǐ sixú gló tódɔnnúmɛ Mawu tɔn ǎ.