Jelemíi 3:2 - MAWUXÓWÉMA

² Izlayɛ́li, sɔ́ kɔ dó jǐ bó kpɔ́n só lɛ́ɛ jí. Fítɛ́ ká kpo bɔ a ma ko dó afɔ gbě ɖe ǎ? A jǐnjɔ́n alitó, bó ɖo te kpɔ́n súnnu agalɛtɔ́ towe lɛ́ɛ, mɛ e nɔ ɖo gbětótló mɛ lobo nɔ ɖo te kpɔ́n mɛ e na jɛ mɔ tɔn mɛ é ɖɔhun. A zě aga towe kpó adǎka towe kpó dó ɖu su nú to ɔ́.

Jelemíi 3:2 Iomraidhean Croise

Bǐbɛ́mɛ 38:14

Ée Tamáa se mɔ̌ ɔ́, é ɖe asúkúsiwu sín kɔ; é cyɔ́n avɔ nukún mɛ, bó sɔ́ nǔ agalɛtɔ́ ɖɔhun, lobo yi jínjɔ́n fí e è nɔ gbɔn byɔ́ Eyinayímu toxo mɛ é, ɖo Timuna sín alixo; é mɔ ɖɔ Cela ko su asi da, è kún ká sɔ́ émí da n'i ó.

1 Axɔ́sú 11:3

Nyɔ̌nu nǔwɔntɔn kanwe ko (700) wɛ é da, bó lɛ́ ɖó asi afɔɖé kanwe ko (300) ɖěvo. Nyɔ̌nu lɛ́ɛ lílɛ́ ayixa tɔn.

2 Axɔ́sú 23:13

É ɖu su nú vodún xwé e axɔ́sú Salomɔ́ɔ bló gbɔn só jí só jí, bɔ yě ɖo afɔligbé nú Nǔhɛngblé só ɔ́ , bó kpan nukɔn Jeluzalɛ́mu lɛ́ɛ. Vodúnxwé énɛ́ lɛ́ɛ ɔ́, nǔvɛ́mɔ Asitaatée, vodún Sidɔ́ɔnnu lɛ́ɛ tɔn, nǔvɛ́mɔ Kemɔci, vodún Mɔwabunu lɛ́ɛ tɔn kpódó nǔvɛ́mɔ Milukɔ́mu, vodún Amumɔ́ɔ ví lɛ́ɛ tɔn kpó tɔn wɛ.

Ɖɛhan 106:38

Yě kɔn xomɛvɔ́nɔ sín kanjɔ kɔn nyi ayǐ, yě kɔn vǐ yětɔn súnnu kpó nyɔ̌nu kpó sín kanjɔ kɔn nyi ayǐ, yě hu yě dó vodún Kanáa tɔn lɛ́ɛ, énɛ́ nyí su bɔ yě ɖu nú to ɔ́.

Nǔnywɛ́xó 23:28

Wu wɛ yě nɔ́ tɔ nú mɛ ajotɔ́ axánsúnxó ɖɔhun; yě dɔn súnnu gěgé, bɔ yě sɔ́ ɖo gbejí nú asi yětɔn ǎ.

Nǔnywɛ́xó 7:11

Wǔ yá ɛ káká, winnyá ɖěbǔ ɖo nukún tɔn jí ǎ. Yonu tɔn nɔ hu ayǐsínzɛn ɖo xwé tɔn gbe ǎ.

Jelemíi 12:12

Nǔhɛngblétɔ́ lɛ́ɛ nyi ahwan sín só e ɖo gbětótló mɛ lɛ́ɛ bǐ jí, bó jǎwe. Hwǐ nyɛ Mawu Mavɔmavɔ tɔn ɔ́ ɖo to ɔ́ bǐ vúnvún wɛ, sín fí e to ɔ́ bɛ́ sín ɔ́ káká yi fí e é fó dó é. Mɛ ɖokpó ná mɔ agbɔ̌n ǎ.

Jelemíi 2:20

Mawu ɖɔ: “Izlayɛ́li, a ɖo gǔ fɔ́n dó jǐ ce wɛ din ɔ́, é kó lín. A dǒ gúdo mì bǐ, lobo nɔ ɖɔ fí e émí nɔ mɛ kannu jɛ ɔ́ kpé, bó ka nɔ jɛ wɛn gbɔn só bǐ jí; a nɔ ɖo wɛn gbɔn atínmú bǐ sá agalɛtɔ́ ɖɔhun.

Jelemíi 2:23

Nɛ̌ a ka na ɖɔ émí kún hɛn émíɖée blí ó gbɔn? Nɛ̌ a ka na ɖɔ émí kún sɛn Baalu lɛ́ɛ ɖě ó gbɔn? Kpɔ́n afɔ e a ɖe ɖo tɔdo mɛ e! Yǐ gbe ɖɔ émí wa nǔ nyi do. A cí lǎkúnmísixwɛ e asú jló bɔ é ɖo biba kpé gbɔn fí bǐ wɛ ɔ́ ɖɔhun.

Jelemíi 2:7

To e mɛ un ka kplá mi wá ɔ́, to ɖé wɛ ayǐkúngban tɔn nɔ nyɔ́ jinukún, bónú mi ná nɔ́ ɖu jinukún ɖagbe ɖagbe e ná nɔ nyɔ́ ɖo to ɔ́ mɛ lɛ́ɛ. Lo ɔ́, ée mi wá to ɔ́ mɛ é ɔ́, mi wá hɛn to ɔ́ blí, bɔ to e nyí ce bɔ un sɔ́ ɖó ayǐ nú mi ɔ́, mi wá zé dó húzú suɖunú.

Jelemíi 3:1

Mawu Mavɔmavɔ ɖɔ: ényí mɛ ɖé nya asi tɔn bónú é yi da súnnu ɖěvo ɔ́, asú tɔn xóxó ɔ́ nɔ́ lɛ́ lɛ́ kɔ yi nyɔ̌nu ɖokpó énɛ́ ɔ́ gɔ́n wɛ a? Nǔ cí mɔ̌ ɔ́, su wɛ è ɖu nú to ɔ́ nɛ́ ǎ cé? Izlayɛ́li, hwɛ ɔ́, xɔnnɔ towe e ɖó xó xá we din lɛ́ɛ ko sukpɔ́ bɔ a nǎ lɛ́ lɛ́ kɔ wá gɔ̌n ce wɛ a? Xó e nyɛ Mawu Mavɔmavɔ ɖɔ ɔ́ nɛ́.

Jelemíi 3:13

Vɛ̌ ko tunwun kpowun ɖɔ émí hu hwɛ; tunwun ɖɔ émí kún nɔ gbejí nú nyɛ Mawu Mavɔmavɔ, Mawu towe ó, tunwun ɖɔ émí nɔ hwlɛ́n dó vodún lɛ́ɛ gbɔn atínmú sá atínmú sá, tunwun ɖɔ émí kún ɖótó mì ó.’ ” Xó e Mawu Mavɔmavɔ ɖɔ ɔ́ nɛ́.

Jelemíi 3:21

È se xósúsú ɖé sín só jí aga: Izlayɛ́li ví lɛ́ɛ wɛ ɖo avǐ ya wɛ bó ɖo vo sa wɛ. Đó yě zɛ ali, yě wɔn nyɛ Mawu Mavɔmavɔ, Mawu yětɔn ɔ́.

Jelemíi 3:9

Afɔ e Izlayɛ́li dó gbě bó ɖu winnyá ɔ́ wɛ nyí su bɔ é ɖu nú to ɔ́. É lɛ aga xá vodún e è sɔ́ awǐnnya dó lí lɛ́ɛ kpó ée è sɔ́ atín dó lí lɛ́ɛ kpó.

Jelemíi 7:29

Mawu Mavɔmavɔ ɖɔ: “Judáa togun e mi, mi jó ɖa dó nyi ta dó ɖe xlɛ́ ɖɔ è sɔ́ mi ɖo vo nú mì, mi kpa bǐ, bó bɛ́ kɔ́n nyi gbě. Mi nɔ só tá bó dó gbɛvíhan. Đó mi dó xomɛsin nú mì, un sɔ́ ba mi ǎ, un ɖe alɔ sín kan mitɔn mɛ.

Ezekiyɛ́li 16:16

A kpɔ́n avɔ towe lɛ́ɛ mɛ, bó cyán ɖagbe ɖagbe e ɖ'é mɛ lɛ́ɛ dó ba acɔ́ nú vodún xwé e gbɔn só jí só jí lɛ́ɛ, bɔ è nɔ ɖó xó xá we ɖ'é jí . Nǔ mɔ̌hun ɖě kó jɛ kpɔ́n gbeɖé ǎ, é ká sɔ́ ná jɛ kpɔ́n ǎ.

Ezekiyɛ́li 20:28

Un kplá yě yi to e sín akpá un dó nú yě ɔ́ mɛ. Ée yě jɛ dɔ̌n ɔ́, yě mɔ só ɖé abǐ atín ɖé nú é dó ama ɔ́, yě nɔ́ ná nǔɖuɖu vodún yětɔn lɛ́ɛ ɖo fínɛ́, bó nɔ́ dó nǔ wǎnɖagbenɔ zo nú yě, lobo nɔ ba ahan nú yě ɖo fínɛ́, bó nɔ́ dó xomɛsin nú mì.

Ozée 2:5

É má nyí mɔ̌ ǎ ɔ́, un ná ɖe e nyi mɛ̌, un ná ɖe e nyi mɛ̌ jɔgbe. Un ná sɔ́ ɛ dó húzú gbětótló, un ná sɔ́ ɛ dó húzú axéko, un ná ɖó sinnugblá n'i káká, bɔ é ná wɛ́n vɛ̌.

Luki 16:23

Hwenu e dɔkunnɔ ɔ́ ɖo kútomɛ, bó ɖo wǔvɛ́ mɔ wɛ ɖésú ɔ́, é zé ta yi jǐ, bó mɔ Ablaxámu sɛ́ dó, bɔ Lazáa ɖo akɔ́n tɔn mɛ;

Sɛ́nflínmɛ 12:2

“Mi ná gba vodún xwé lɛ́ɛ bǐ hánnyá: vodún xwé e ɖo só jí lɛ́ɛ, ée ɖo kpó ta lɛ́ɛ, ée ɖo atínkan mɛ lɛ́ɛ, mi ná gba bǐ. Mi ná gba fí e akɔta e mi nya tɔ́n lɛ́ɛ nɔ́ sɛn nǔmɛsɛn yětɔn lɛ́ɛ ɖe lɛ́ɛ bǐ.