Jelemíi 26:3 - MAWUXÓWÉMA

³ Afɔ nyɔ́ ɔ́, yě ná ɖótó we, bɔ mɛ ɖokpó ɖokpó ná jó gbɛ nyanya e é nɔ́ zán ɔ́ dó. Un ko lin ná sɛ́ awě dó yě, ɖó nǔ nyanya e yě nɔ́ wa é wú; ényí yě ká ɖótó we ɔ́, un ná gbɔ bó jó dó.

Jelemíi 26:3 Iomraidhean Croise

1 Axɔ́sú 21:27

Ée Akábu se xó e Elíi ɖɔ ɔ́, é vún awu dó kɔ nú éɖée, bó bɛ́ ati kplá, lobo blá nu. Ati ɔ́ mɛ wɛ é nɔ dɔ́; kéze ɔ́, é nɔ ɖo zɔnlin ɖi wɛ wǔɖéwúɖé.

1 Axɔ́sú 21:29

“A mɔ lě e Akábu sɔ́ éɖée hwe gbɔn ɖo nukɔn ce ɔ́ a? Ée é sɔ́ éɖée hwe mɔ̌ ɔ́, un sɔ́ ná kɔn nǔ nyanya dó xwédo tɔn jí hwenu e é ɖo axɔ́sú ɖu wɛ ɔ́ ǎ; lo ɔ́, vǐ tɔn hwenu wɛ nǔ nyanya ɔ́ ná kɔn dó xwédo tɔn jí.”

Jelemíi 26:13

Din ɔ́, mi bo zán gbɛ mitɔn ganjí; mi wa nǔ ganjí lě e é jɛ xá gbɔn é, mi ɖótó nǔ e Mawu Mavɔmavɔ, Mawu mitɔn ɖɔ é. Énɛ́ ɔ́, é sɔ́ ná sɛ́ awě e xó é ɖɔ nú mi ɔ́ dó ǎ.

Jelemíi 26:19

Ée gbeyíɖɔ Micée ka ɖɔ mɔ̌ ɔ́, axɔ́sú Ezekiyási kpódó Judáa togun ɔ́ kpó hu i wɛ a? Yě ma hu i nɛ́! É nyɔ́ wá ɔ́, yě ɖǒ sísí nú Mawu Mavɔmavɔ, lobo ba lě e yě ná wa gbɔn bó fá xomɛ n'i é, bɔ Mawu Mavɔmavɔ sɔ́ sɛ́ awě e xó é ɖɔ ɔ́ dó yě ǎ. Amɔ̌, ényí mǐ ɖó hwɛ nú nya élɔ́ din ɔ́, nǔ ɖaxó ɖokpó wɛ ná nyí bɔ mǐ nǎ wa dó mǐɖée.”

Jelemíi 36:3

Bóyá Judáa ví lɛ́ɛ se nǔ nyanya e un jló ná wa xá yě lɛ́ɛ ɔ́, yě sixú jó gbɛ nyanya e zán wɛ yě ɖe ɔ́ dó, bɔ un ná zé hwɛ e yě hu lɛ́ɛ kpó nǔ e yě wa nyi do lɛ́ɛ kpó kɛ yě.”

Jelemíi 36:7

Vlafo, yě sixú sa vo nú Mawu Mavɔmavɔ bɔ é ná se, bɔ mɛ ɖokpó ɖokpó ná jó gbɛ nyanya e zán wɛ é ɖe ɔ́ dó. Đó xomɛsin e jí Mawu Mavɔmavɔ ɖe ɔ́ syɛ́n ɖésú; adǎn yětɔn e gblɔ́n wɛ é ɖe ɔ́ vɛ́ jlɛ́.”

Ezekiyɛ́li 12:3

Din ɔ́, hwɛ gbɛtɔ́ ɔ́, sɔ́ nǔ bó dó agban towe mɛ e ahwan nya sín to tɔn mɛ é ɖɔhun; sɔ́ nǔ có zǎn ní kú; mɛ bǐ nukún mɛ wɛ a ka ná sɔ́ nǔ ɖe. Afɔ nyɔ́ ɔ́, énɛ́ ɔ́ sixú ɖe xlɛ́ yě ɖɔ yě kún nɔ́ se tónú ó.

Ezekiyɛ́li 18:21

“Ényí mɛ nyanya jó nǔ nyanya wiwa dó, bó nɔ́ bló nǔ e un zɔ́n lɛ́ɛ bǐ, bó nɔ́ xwedó hwɛjijɔ bó nɔ́ wa nǔ dó sɛ́nxwi jí ɔ́, é ná kú ǎ, é ná nɔ gbɛ.

Ozée 11:9

Un ná zé xomɛ ɖaxó e un sin ɔ́ dó wa nǔ xá we ǎ. Eflayímu, un sɔ́ ná sú kún towe dó ǎ. Đó Mawu wɛ un nyí, un nyí gbɛtɔ́ ǎ. Mawu mímɛ́ wɛ un nyí ɖo tɛ́ntin towe. Un ná wá kpó xomɛsin kpó ǎ.

Jowɛ́li 2:14

Afɔ nyɔ́ ɔ́, é sixú jó nǔ e é kó lin bó ná wa ɖ'ayǐ ɔ́ dó, bó ná nyɔ̌ná mi túnflá. Énɛ́ ɔ́, mi hɛn ɔ́, mi ná hɛn jinukún kpó vɛ̌ɛn kpó wá n'i.

Jonási 4:2

É xo ɖɛ sɛ́ dó Mawu Mavɔmavɔ bó ɖɔ: “Mawu Mavɔmavɔ, é má nyí nǔ e ɖɔ wɛ un ɖe hwenu e un kpo ɖo to ce mɛ ɔ́ nɛ́ a? Nǔ e gbɛ́ wɛ un ɖe bó hɔn ɖidó Taasísi ɔ́ nɛ́! Đó un tunwun ɖɔ Mawu xomɛnyɔ́tɔ́ wɛ a nyǐ, bó nɔ́ kú nǔbláwǔ nú mɛ; a nɔ yá wǔ sin xomɛ ǎ; ɖagbewiwa towe ɖó dogbó ǎ. A gblɔ̌n adǎn nú mɛ ɔ́, tlóló jɛ́n a nɔ lɛ́ lɛ́ kɔ sín gúdo.