Jelemíi 2:3 - MAWUXÓWÉMA

³ Izlayɛ́li, nyɛ Mawu Mavɔmavɔ ɖokpónɔ tɔn wɛ a nyǐ; jinukún nukɔntɔn e nɔ nyɔ́ ɖo gle mɛ é ɖɔhun wɛ a cí nú mì. Mɛ e wa nǔ xá we lɛ́ɛ bǐ wɛ un dɔn tó ná: Awě xo yě. Xó e nyɛ Mawu Mavɔmavɔ ɖɔ ɔ́ nɛ́.

Jelemíi 2:3 Iomraidhean Croise

Tíntɔ́n 22:29

“Vǐ nukɔntɔn e nyibú, abǐ lɛ̌ngbɔ́, abǐ gbɔ̌ yǎyá ná ji ɔ́, è ɖǒ ná jó e dó nyi nɔ tɔn kɔn nú azǎn tɛ́nwe; azǎn tántɔngɔ́ ɔ́ gbe ɔ́, è nǎ sɔ́ ɛ ná mì.

Tíntɔ́n 23:16

Énɛ́ ɔ́ gúdo ɔ́, mi ná ɖu nǔkún-yiya sín xwe, hwenu e mi ná ya nǔkún nukɔntɔn e nyɔ́ ɖo gle mitɔn jí é. Mɔ̌ ɖokpó ɔ́, mi ná ɖu nǔkún dó agɔ̌ sín xwe, hwenu e mi ná gbɛ atínsínsɛ́n e ɖo gle mitɔn mɛ lɛ́ɛ fó dó ɖo xwe fífó ɔ́.

Ezayíi 41:11

Ɛɛn! Mɛ e ɖo gbě towe nya wɛ lɛ́ɛ bǐ ná ɖu hɛ̌n; yě ná ɖu winnyá. Kɛntɔ́ towe lɛ́ɛ sɔ́ ná nyí nǔɖé ǎ, kún yětɔn ná sú dó.

Ezayíi 47:6

Xomɛ sin mì dó togun ce wú; énɛ́ ɔ́, un jó mɛ e nyí ce lɛ́ɛ nú we dó dó winnyá yě. Nǔ yětɔn ká blá wǔ nú we ǎ; a zǎn acɛ e a ɖǒ ɔ́ dó dó tagba nú degénɔ lɛ́ɛ zɛ jlɛ̌ wú.

Jelemíi 12:14

Xó e Mawu Mavɔmavɔ ɖɔ dó togun dídá e lɛ́ lɛ̌ dó Izlayɛ́li to ɔ́ wú lɛ́ɛ ɖíe: “Yě klá jɛ nǔ e nyí ce ɔ́ nu, yě klá jɛ ayǐkúngban e un ná Izlayɛ́li togun ce ɔ́ nu. Éɖíe, un ná ɖe togun dídá énɛ́ lɛ́ɛ tɔ́n sín to yětɔn mɛ. Un ná ɖe Judáa sín fɛn yětɔn mɛ.

Jelemíi 2:4

Jakɔ́bu ví e mi! Mi ɖótó nyɛ Mawu Mavɔmavɔ! Hɛ̌nnu e ɖo Izlayɛ́li tomɛ lɛ́ɛ mi, mi bǐ ɖótó mì.

Jelemíi 30:16

Amɔ̌, mɛ e nɔ wá bɛ́ dɔkun mitɔn lɛ́ɛ bǐ ɖu lɛ́ɛ ɔ́, è nǎ bɛ́ dɔkun yětɔn lɛ́ɛ bǐ ɖu. Kɛntɔ́ towe lɛ́ɛ ɔ́, ahwan na wlí yě bǐ yi. Mɛ e nɔ fin nǔ towe lɛ́ɛ ɔ́, è nǎ fin nǔ yětɔn lɛ́ɛ. Mɛ e nɔ hɛn nǔ towe gblé lɛ́ɛ ɔ́, è nǎ hɛn nǔ yě lɔmɔ̌ tɔn gblé.

Jelemíi 50:7

Kɛntɔ́ yětɔn lɛ́ɛ xo go yě ɔ́, yě nɔ́ hu yě tɛ́, bó nɔ ɖɔ: ‘É nyí hwɛ bɔ mǐ hu ǎ, yědɛɛ lɛ́ɛ wɛ hu hwɛ dó Mawu Mavɔmavɔ, Mawu Mavɔmavɔ e gɔ́n è nɔ mɔ hwlɛngán ɖe é; é wɛ tɔ́gbó yětɔn lɛ́ɛ nɔ́ ɖó nukún.’

Jowɛ́li 1:3

Mi kpi tan tɔn nú vǐ mitɔn lɛ́ɛ, bónú vǐ mitɔn lɛ́ɛ ná kpi nú vǐ yětɔn lɛ́ɛ. Vǐ yětɔn lɛ́ɛ ká ná kpi nú vǐ e è nǎ wá ji dó gǔdo yětɔn lɛ́ɛ.

Amɔ́si 6:1

Mi mɛ e vo fɛɛ ɖo Sinyɔ́ɔ ɖo Samalíi só ta, bó vɛdó ɖɔ nǔɖé kún ná wa émí ó lɛ́ɛ ɔ́, heelú mi. Mi wɛ nyí akɔta e jɛ nukɔn ɖo akɔta ɖě lɛ́ɛ mɛ ɔ́ bɔ è ɖɔ; è ɖɔ mi gɔ́n wɛ Izlayɛ́linu lɛ́ɛ nɔ wá.

Xabakúku 1:11

Yě nɔ́ dín jɔhɔn ɖaxó ɖé ɖɔhun, bó nɔ́ lɛ́ yi tɔ́n ɖo fí ɖěvo. Hlɔ̌nhlɔ́n yětɔn wɛ nyí mawu e yě nɔ́ sɛn é.

Zakalíi 1:15

Lo ɔ́, un sin xomɛ ɖaxó ɖé dó akɔta e nɔ gán jɛ yě ɖésúnɔ wú lɛ́ɛ. Nǔgbó ɔ́, un sin xomɛ dó Izlayɛ́li, é ká kó nyí xomɛsin jɔ xomɛsin ɖé ǎ. Akɔta énɛ́ lɛ́ɛ wɛ zɔ́n bɔ é gba.

Zakalíi 2:8

Bó ɖɔ n'i ɖɔ: “Kán wezun yi ɖɔ nú dɔ̌nkpɛvú e hɛn kan ɔ́ ɖɔ: È nǎ mɛ dǒ lɛ́ lɛ̌ dó Jeluzalɛ́mu ǎ, ɖó gbɛtɔ́ kpó kanlin kpó e ná nɔ mɛ lɛ́ɛ ná sukpɔ́ ɖésú.

Kɛ́nsísɔ́ 18:12

Un ná we nǔ nukɔn tɔn e nyɔ́ ɖo gle yětɔn mɛ bɔ yě wá ná nyɛ Mawu Mavɔmavɔ lɛ́ɛ; nǔ lɛ́ɛ wɛ nyí: ami e nyɔ́ hú ami ɖě lɛ́ɛ bǐ é, vɛ̌ɛn kpó jinukún kpó e nyɔ́ hú ɖě lɛ́ɛ bǐ é.

Hlɔ̌manu 11:16

Ényí è sɔ́ wɔ̌xúxú ɖé bó kán ɖ'é wu, bó sɔ́ xwlé Mawu ɔ́, wɔ̌xúxú e kpo ɔ́ bǐ wɛ nyí étɔn. Ényí è sɔ́ atín sín ɖɔ ɖó vo nú Mawu ɔ́, atínla lɛ́ɛ lɔ bǐ wɛ nyí Mawu tɔn.

Hlɔ̌manu 16:5

Mi dó gbe agun e nɔ kplé ɖo xwé yětɔn gbe ɔ́ lɔmɔ̌ nú mì. Mi dó gbe wǎnyínámɔ ce Epenɛ́ti e nyí mɛ nukɔn tɔn e ɖi nǔ nú Klísu ɖo tokpɔn Azíi tɔn mɛ é nú mì.

Efɛ́zinu 1:4

Đó, cóbónú Mawu ná bló gbɛ ɔ́, é ko cyán mǐ, bɔ mǐ ná nyí étɔn ɖo Klísu mɛ, bónú mǐ ná sixú nyí mɛ mímɛ́, mɛ ma ɖó blɔ̌ ɖo wǔ ɖo nukɔn tɔn; ɖo wǎn yíyí tɔn mɛ ɔ́,

Sɛ́nflínmɛ 14:2

Đó togun ɖé wɛ mi nyí, bó ɖo vo nú Mawu Mavɔmavɔ, Mawu mitɔn. Mi wɛ é sɔ́ ɖo togun e ɖo ayǐkúngban ɔ́ jí lɛ́ɛ bǐ mɛ, bɔ mi vɛ́ n'i hú nǔ bǐ.

Sɛ́nflínmɛ 26:19

Énɛ́ ɔ́, é ná bló bɔ mi ná hú gǎn togun e é kó bló lɛ́ɛ bǐ ɖo susu mɛ, ɖo ɖɛkpɛ mɛ; nyǐkɔ mitɔn ná nɔ aga nú yě bǐ, bɔ mi ná nyí togun e Mawu Mavɔmavɔ, Mawu mitɔn sɔ́ ɖó vo lě e é kó dó akpá tɔn nú mi gbɔn é.”

Sɛ́nflínmɛ 7:6

Đó togun ɖe ɖó vo Mawu Mavɔmavɔ, Mawu mitɔn tɔn wɛ mi nyí. Mawu Mavɔmavɔ, Mawu mitɔn sɔ́ mi bɔ mi ná nyí togun tɔn vívɛ́ná ɖo togun e ɖo ayǐkúngban ɔ́ jí lɛ́ɛ bǐ mɛ.”

Jaki 1:18

Đo é ɖésúnɔ sín jlǒ mɛ ɔ́, é ná gbɛ jɔ gbɛ mǐ gbɔn xó tɔn e nyí nǔgbó ɔ́ gbla mɛ, bónú mǐ ná nyí mɛ nukɔn nukɔntɔn lɛ́ɛ ɖo nǔɖíɖó tɔn lɛ́ɛ bǐ mɛ.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.

Nǔɖexlɛ́mɛ 14:4

Mɛ énɛ́ lɛ́ɛ hɛn yěɖée blí kpó nyɔ̌nu kpó ǎ; ɖó yě tunwun nyɔ̌nu kpɔ́n ǎ; yě hɛn yěɖée ɖó mǐmɛ́ jí; yě nɔ xwedó Lɛ̌ngbɔ́ví ɔ́ gbɔn fí e é xwe ɔ́ bǐ; é vɔ́ yě xɔ sín gbɛtɔ́ lɛ́ɛ mɛ, bónú yě ná nyí mɛ nukɔntɔn e è nǎ Mawu kpó Lɛ̌ngbɔ́ví ɔ́ kpó é.