Jelemíi 10:3 - MAWUXÓWÉMA

³ Sinsɛn akɔta ɖě lɛ́ɛ tɔn ɔ́, nǔ yǎyá wɛ, jɔhɔn kpowun wɛ, é hú mɔ̌ ǎ. È nɔ yi zunkan mɛ bó nɔ́ yi gbo atín bɔ alɔnuzɔ́watɔ́ nɔ́ bɔ asyɔ́ nyi wú.

Jelemíi 10:3 Iomraidhean Croise

Ɖɛhan 115:4

Amɔ̌, vodún yětɔn lɛ́ɛ ɔ́, siká kpó kpatágan kpó wɛ è nɔ dó bló yě; gbɛtɔ́ sín nǔwiwa kpowun wɛ.

Ezayíi 45:20

Mawu ɖɔ: “Mi mɛ e kpo ɖo gbɛ ɖo akɔta lɛ́ɛ mɛ lɛ́ɛ mi, mi sɛ miɖée kplé, bó wá; mi zɔn kpɔ́ bó wá. Yě mɛ e nɔ zé bǒcyɔ yětɔn lɛ́ɛ dó jǐ, bó nɔ́ ɖo nǔ e má sixú hwlɛ́n yě ǎ lɛ́ɛ xomlá wɛ lɛ́ɛ ɔ́, yě tunwun nǔɖé ǎ.

Jelemíi 1:16

Un na bló mɔ̌ dó dɔn tó nú toví lɛ́ɛ, ɖó hwɛ e yě hu ɔ́ wú: yě jǒ mì dó; yě dó zǎlínkpɔ́n zo nú vodún; yě ɖe kɔ́ nú nǔ e yě sɔ́ alɔ yě ɖésúnɔ tɔn dó bló lɛ́ɛ.

Jelemíi 10:8

Yě bǐ wɛ jɔ xlo, bó jɔ yɛyi. Vodún sinsɛn ɔ́, nǔ yǎyá kpowun wɛ.

Jelemíi 14:22

Vodún e togun ɖě lɛ́ɛ nɔ sɛn ɔ́ ɖě nɔ́ ná jǐ a? Abǐ jǐnukúnsin wɛ nɔ́ ná jǐ a? É má nyí hwɛ Mawu Mavɔmavɔ, Mawu mǐtɔn ɔ́ wɛ nɔ ná a ce? Mǐ ɖo nukún ɖó we wɛ, ɖó hwi wɛ nɔ bló nǔ énɛ́ lɛ́ɛ bǐ.”

Jelemíi 16:19

Mawu Mavɔmavɔ wɛ nyí gǎnjɛwú ce, é wɛ nyí sósyɛ́n ce. Adǎngbomɛ hwenu ɔ́, é wɛ nɔ́ nyí bibɛtɛn ce. Akɔta akɔta lɛ́ɛ ná gosín wɛ̌kɛ́zo ɛnɛ lɛ́ɛ bǐ jí wá mɔ we, bó ná ɖɔ nú we ɖɔ: “Nǔ e tɔ́gbó mǐtɔn lɛ́ɛ nɔ́ sɛn lɛ́ɛ bǐ wɛ nyí awo, nǔ yǎyá wɛ, yě kpé nǔɖé wú ǎ.

Jelemíi 2:5

Mi ɖótó xó e ɖɔ wɛ nyɛ Mawu Mavɔmavɔ ɖe ɔ́: Hɛ̌n tɛ́ tɔ́gbó mitɔn lɛ́ɛ ka mɔ ɖo wǔ ce bó hɔn nú mì? Étɛ́wú yě jɛ vodún nǔ ma ɖó ta ɖé lɛ́ɛ xwe dó jí, bɔ yě ɖésúnɔ wá húzú nǔ ma ɖó ta ɖé?

Levíi ví 18:30

“Mi xwedó nǔ e un ɖɔ nú mi lɛ́ɛ, bó nɔ gbejí ná. Mi ma xwedó walɔ gblégblé e ko ɖo to ɔ́ mɛ ɖ'ayǐ có mi wa ɔ́ ó; mi bló mɔ̌ ɔ́, mi ná hɛn miɖée blí. Nyɛ wɛ nyí Mawu Mavɔmavɔ, Mawu mitɔn.”

Matíe 6:7

“Mi ɖo ɖɛ xo wɛ hǔn, mi ma nɔ wlí xómaɖixó lɛ́ɛ ɖɔ mɛ e ma nɔ sɛn Mawu ǎ lɛ́ɛ ɖɔhun ó; yědɛɛ lɛ́ɛ wɛ nɔ vɛdó ɖɔ xó gěgé wlí ɖɔ wɛ ná zɔ́n bɔ Mawu ná yí ɖɛ émítɔn sín.

Mɛsɛ́dó 19:26

Mi ka ɖo nǔ e dó sin wɛ nya Pɔ́lu énɛ́ ɖe ɔ́ mɔ wɛ, bó ɖo sise wɛ: é sɔ́ xó tɔn dó gblé tamɛ nú mɛ gěgé; ényí Efɛ́zi fí kɛ́ɖɛ́ wɛ ǎ, ɖibla gbɔn Azíi gbé ɔ́ bǐ jǐ wɛ, ɖó é nɔ́ ɖo ɖiɖɔ nú mɛ lɛ́ɛ wɛ ɖɔ nǔmɛsɛn e mǐ nɔ́ sɔ́ alɔ dó bló ná lɛ́ɛ kún nyí nǔ è nǎ sɛn ɖé ó.

Hlɔ̌manu 1:21

Yě tunwun Mawu; lo ɔ́, yě nɔ ná susu e jɛ xá ɛ é ǎ; yě ka nɔ lɛ́ dó kú n'i lě e é jɛ xá gbɔn é ǎ; é nyɔ́ wa ɔ́, nǔ e yě nɔ lin ɔ́ nɔ ɖó ta ɖé ǎ; nǔɖé ɖo ayixa yětɔn mɛ ǎ; ayixa yětɔn nɔ mɔ nǔ ǎ.

1 Piyɛ́ɛ 1:18

Nǔgbó ɔ́, mi tunwun nǔ e è dǒ xɔ mi sín gbɛ ma nyí gbɛ e sín gǔ mi ɖu ɖo tɔ́gbó mǐtɔn lɛ́ɛ sí ɔ́ mɛ é; nǔ e nɔ wá cá kpatágan abǐ sikágan ɖɔhun ɔ́ wɛ è dǒ xɔ mi ná a?