Jelemíi 1:8 - MAWUXÓWÉMA

⁸ Ma ɖi xɛsi nú yě ó, ɖó un ɖo kpɔ́ xá we; un ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Jelemíi 1:8 Iomraidhean Croise

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Ezayíi 43:2

A ɖo tɔ mɛ gbɔn wɛ ɔ́, un ná ɖo kpɔ́ xá we; a ɖo tɔ gbo wɛ ɔ́, a nǎ kú tɔ ǎ. A ɖo zɔnlin ɖi gbɔn myɔ mɛ wɛ ɔ́, a nǎ ji myɔ ǎ, myɔ ná wa nǔɖé nú we ǎ.

Ezayíi 51:12

Mawu ɖɔ: “Nyi wɛ nɔ dó wǔsyɛ́n lanmɛ nú mi; nyi wɛ nɔ bló mɔ̌; togun ce, étɛ́wú a ka nɔ ɖi xɛsi nú gbɛtɔ́? Gbɛtɔ́ bǐ wɛ nɔ́ kú; gběhan gbɛ mɛ wɛ yě ɖe.

Ezayíi 51:7

Mi ɖótó mì, mi mɛ e tunwun nǔ e nyí nǔ wa ɖó sɛ́nxwi jí lɛ́ɛ, mi mɛ e hɛn sɛ́n ce dó ayi mɛ lɛ́ɛ, mi ɖótó mì. Mi ma ɖi xɛsi nú zun e gbɛtɔ́ lɛ́ɛ ná zun mi é ó; mi ma nú zun yětɔn ɖɔ nǔɖé nú mi ó.

Jelemíi 1:17

Jelemíi, hwɛ ɔ́, sí te, sɔ́ nǔ bó ná yi ɖɔ nǔ e un zɔ́n we lɛ́ɛ nú yě. Ma ɖi xɛsi ɖo nukɔn yětɔn ó, é má nyí mɔ̌ ǎ ɔ́, un ná dó xɛsi we ɖo nukɔn yětɔn.

Jelemíi 1:19

Yě ná tɔ́n ahwan we, yě ká ná kpé wǔ we ǎ, ɖó un ɖo kpɔ́ xá we bó ná hwlɛ́n we gán. Nyɛ Mawu Mavɔmavɔ wɛ ɖɔ mɔ̌ nú we.”

Jelemíi 20:11

Lo ɔ́, Mawu Mavɔmavɔ, a dǒ hlɔ̌nhlɔ́n, bó ɖo ahwan fun nú mì wɛ. Yě mɛ e ɖo ya dó nú mì wɛ lɛ́ɛ ɔ́, yě wɛ ná klɛ́n afɔ. É ná gbo dó yětɔn jí ǎ. Yě ná ba nu tɔn kpo bó ɖu winnyá; wi ná kɔ́n sín ta nú yě káká sɔ́yi; mɛ ɖěbǔ ná wɔn ǎ.

Jelemíi 30:11

Un ɖo kpɔ́ xá yě bó ná hwlɛ́n yě gán. Akɔta e mɛ un gba yě kpé gbɔn lɛ́ɛ ɔ́, un ná sú akɔta énɛ́ lɛ́ɛ sín kún dó. Amɔ̌, yědɛɛ lɛ́ɛ ɔ́, un nǎ dɔn tó nú yě lě e é jɛ xá gbɔn é, un ka ná sú kún yětɔn dó ǎ. Un sixú jó yě dó, xomɛvɔ́ wɛ yě ɖe ɖɔhun ǎ.” Mawu Mavɔmavɔ wɛ ɖɔ mɔ̌.

Jelemíi 39:11

Nǔ e Babilɔ́nu xɔ́sú Nabukodonɔzɔ́ɔ zɔ́n Nɛbuzaladáni ɖɔ é ní bló nú Jelemíi lɛ́ɛ ɖíe:

Jelemíi 42:11

Din ɔ́, mi ma sɔ́ ɖi xɛsi ɖěbǔ nú Babilɔ́nu xɔ́sú ɔ́ ó. Nyɛ Mawu Mavɔmavɔ wɛ ɖɔ mɔ̌ nú mi; mi ma ɖi xɛsi n'i ó, ɖó un ɖo kpɔ́ xá mi, un ná hwlɛ́n mi, un ná yí mi sín alɔ tɔn mɛ.

Daniyɛ́li 3:17

Nǔ e mɛ ka ná tunwun ɔ́ wɛ nyí ɖɔ Mawu e mǐ nɔ́ sɛn ɔ́ ɖó acɛ bó ná hwlɛ́n mǐ gán. É ná ɖe mǐ sín myɔ mɛ, bó ná lɛ́ ɖe mǐ sín acɛ mɛtɔn mɛ.

Daniyɛ́li 3:25

Axɔ́sú ɔ́ lɛ́ ɖɔ: “Anhɛɛn nɛ́! Din ɔ́, un ka ɖo mɛ ɛnɛ mɔ ɖo zɔnlin ɖi wɛ ɖo myɔ ɔ́ mɛ. Yě ɖo kanmɛ ǎ, bó ɖo sa ɖi wɛ; myɔkpa ɖěbǔ ka ɖo yě wú ǎ. Mɛ ɛnɛgɔ́ ɔ́ ɖi nǔmɛsɛn sɛ́xwé tɔn lɛ́ɛ ɖě.”

Matíe 10:26

“Mi bo ma ɖi xɛsi nú gbɛtɔ́ lɛ́ɛ ó; ɖó nǔ e wa wɛ è ɖe ɖo nǔglɔ́ ɔ́, bǐ ná wá jɛ wěxo.

Matíe 28:20

Mi kplɔ́n nǔ yě, bónú yě ní se tónú nú nǔ e un kplɔ́n mi lɛ́ɛ bǐ. Mi ka tunwun ɖɔ un ɖo kpɔ́ xá mi tɛgbɛ bɛ́ sín din káká yi jɛ gbe e gbe gbɛ ɔ́ ná vɔ dó é.”

Mɛsɛ́dó 18:10

ɖó un ɖo kpɔ́ xá we, bɔ mɛ ɖěbǔ ná ɖó alɔ wú we, bó wa nǔ nyanya xá we ǎ; ɖɔ xó, ɖó mɛ gěgé ɖo to élɔ́ mɛ, bó nyí ce.”

Mɛsɛ́dó 26:17

Un ná hwlɛ́n we gán ɖo togun Jwifu lɛ́ɛ tɔn e mɛ un ná sɛ́ we dó ɔ́ sí, bó ná lɛ́ hwlɛ́n we gán ɖo mɛ e ma nyí Jwifu ǎ, bɔ un ná sɛ́ we dó yě mɛ lɛ́ɛ sí.

Mɛsɛ́dó 4:13

Mɛ e ɖo toxóɖɔgbɛ́ ɔ́ mɛ lɛ́ɛ mɔ ɖɔ Piyɛ́ɛ kpódó Jǎan kpán ɔ́, gbɛtɔ́ yǎyá ɖé kpowun wɛ yě nyí; yě kún se wěma ɖé ó; lě e yě ka gbó adɔ, bó ɖo xó ɖɔ gbɔn wɛ ɔ́ nyí nǔɖé, bó kpácá yě tlala. Yě ka mɔ nǔ jɛ yě wú ganjí ɖɔ yě mɛ e ko zɔn xá Jezu lɛ́ɛ ɖěe wɛ.

Mɛsɛ́dó 4:29

Din ɔ́, Aklúnɔ, kpɔ́n adǎn e gblɔ́n nú mǐ wɛ yě ɖe é, bó bló bónú mǐ mɛ mɛsɛntɔ́ towe lɛ́ɛ ná ɖó akɔ́nkpinkpan, bó jlá xó towe kpódó jiɖiɖe bǐ kpán.

Efɛ́zinu 6:20

Un ɖo gankpá mɛ din cóbó ka sɔ́ Wɛn Ɖagbe énɛ́ sín afɔ ɖó te. Hǔn mi bo nɔ xo ɖɛ nú mì, bónú ma sixú jlá Wɛn Ɖagbe ɔ́ kpódó jiɖiɖe kpó lě e un ɖó ná bló gbɔn é.

Sɛ́nflínmɛ 31:6

Mi bo kpan akɔ́n, bó dó gǎn! Ado ma hu mi ó, mi ma ɖi xɛsi ɖo nukɔn yětɔn ó. Đó Mawu Mavɔmavɔ, Mawu mitɔn ɖésú ná zɔn xá mi; é ná jó mi dó ǎ, é ná ɖe alɔ sín kan mitɔn mɛ ǎ.”

Sɛ́nflínmɛ 31:8

Mawu Mavɔmavɔ ɖésú ná nɔ nukɔn nú we, é ɖésú ná nɔ kpɔ́ xá we, é ná jó we dó ǎ, é ná ɖe alɔ sín kan towe mɛ ǎ. Ma ɖi xɛsi ó, ado ma hu we ó.”

Jozuwée 1:5

Đo gbɛzán towe bǐ mɛ ɔ́, mɛ ɖěbǔ ná sixú nɔ te nukɔn towe ǎ, ɖó un ɖo kpɔ́ xá we lě e un nɔ kpɔ́ xá Mɔyízi gbɔn é. Un ná ɖe kɔ sín wǔtu towe gbeɖé ǎ, un ka ná jó we dó gbeɖé ǎ.

Jozuwée 1:9

Un ɖɔ nú we ɖɔ hwi ní kpan akɔ́n bó dó gǎn, ma wɔn ó. Ma ɖi xɛsi ó, ma lɔn nú awakanmɛ ní kú we ó, ɖó nyɛ Mawu Mavɔmavɔ, Mawu towe ɔ́, un ɖo kpɔ́ xá we ɖo fí e a nǎ gbɔn lɛ́ɛ bǐ.”