Jelemíi 1:3 - MAWUXÓWÉMA

³ Mawu Mavɔmavɔ lɛ́ ɖɔ xó n'i hwenu e Yoyakímu Joziyási ví ɔ́ lɔ wá ɖo axɔ́sú ɖu ɖo Judáa to ɔ́ nu wɛ é. É ɖɔ xó n'i azɔn gǔdo gúdo tɔn ɔ́ hwenu e Sedesíyasi e nyí Joziyási ví ɖěvo ɔ́ lɔ wá ɖo axɔ́sú ɖu wɛ ɖo Judáa to ɔ́ nu ɔ́, ɖo xwe tɔn wǒ-ɖokpógɔ́ ɔ́ sín sun atɔ́ɔ́ngɔ́ ɔ́ mɛ. Hwenɛ́nu wɛ è kplá Jeluzalɛ́munu lɛ́ɛ yi kannumɔgbénu, bɔ axɔ́súɖuɖu Sedesíyasi tɔn fó.

Jelemíi 1:3 Iomraidhean Croise

2 Axɔ́sú 23:34

Ejípu xɔ́sú ɔ́ sɔ́ Joziyási ví Eliyakímu bɔ é jɛ tɔ́ tɔn tɛn mɛ. É ɖyɔ́ nyǐkɔ n'i, bó sun nyǐ i ɖɔ Yoyakímu. É kplá Yoakázi yi Ejípu bɔ é kú ɖo dɔ̌n.

2 Axɔ́sú 24:17

Axɔ́sú Babilɔ́nu tɔn ɔ́ sɔ́ Yoyakini sín tɔ́ nɔví ɖokpó ɖó tɛn tɔn mɛ, bɔ é nyí axɔ́sú. Nyǐkɔ tɔn nɔ nyí Mataniya, bɔ é ɖyɔ́ nyǐkɔ n'i bɔ é nɔ́ nyí Sedesíyasi.

1 Tan 3:15

Joziyási ví lɛ́ɛ ɖíe: nukɔngbéví ɔ́ nɔ́ nyí Yoxanáni, wegɔ́ ɔ́ nɔ́ nyí Yoyakímu, atɔngɔ́ ɔ́ nɔ́ nyí Sedesíyasi, ɛnɛgɔ́ ɔ́ nɔ́ nyí Calúmu.

Jelemíi 1:4

Xó e Mawu ɖɔ nú mì é ɖíe:

Jelemíi 34:1

Axɔ́sú Babilɔ́nu tɔn Nabukodonɔzɔ́ɔ tɔ́n ahwan Jeluzalɛ́mu kpó Judáa toxo ɖě lɛ́ɛ kpó. É kplá ahwangɔnu tɔn bǐ: É cyán sɔ́ja gbɔn axɔ́súɖuto lɛ́ɛ bǐ mɛ, bó cyán gbɔn togun e ɖo acɛ tɔn mɛ lɛ́ɛ mɛ. Hwe énɛ́ nu wɛ Mawu Mavɔmavɔ ɖɔ xó élɔ́ nú Jelemíi.

Jelemíi 35:1

Hwenu e Yoyakímu, Joziyási ví ɔ́ ɖo axɔ́sú ɖu wɛ ɖo Judáa to ɔ́ nu ɔ́ wɛ Mawu Mavɔmavɔ ɖɔ xó élɔ́ nú Jelemíi; é ɖɔ n'i ɖɔ:

Jelemíi 36:2

“Xó e ɖɔ nú we wɛ un ɖe dó Izlayɛ́li kpó Judáa kpó, kpódó akɔta lɛ́ɛ kpó wú sín axɔ́sú Joziyási hwenu ɔ́, sɔ́ anyǔwéma ɖokpó bó vlɔ́n, bó wlán bǐ d'é jí.

Jelemíi 39:2

Yě xá toxo ɔ́ mɔ̌ káká jɛ hwenu e Sedesíyasi bló xwe wǒ-ɖokpó ɖo zinkpo jí é. Azǎn tɛ́nnɛgɔ́ e ɖo sun ɛnɛgɔ́ ɔ́ mɛ ɔ́ gbe ɔ́, Babilɔ́nunu lɛ́ɛ tɔ́n ali ɖokpó dó ahohó e è mɛ lɛ́ lɛ̌ dó toxo ɔ́ é mɛ.

Zakalíi 7:5

má ɖɔ nú vɔ̌sánú-xwlémawutɔ́ lɛ́ɛ kpódó to ɔ́ mɛ nu lɛ́ɛ bǐ kpó ɖɔ: “Sín xwe kanɖé gban (70) ɖíe ɖokpóó wɛ, mi nɔ ɖo nu blá wɛ, bó nɔ ɖo vo sa wɛ ɖo sun atɔ́ɔ́ngɔ́ ɔ́ kpódó tɛ́nwegɔ́ ɔ́ kpó mɛ. É ka nyí ɖɔ mi ná nyɔ́ ɖo así ce wútu wɛ mi nɔ ɖo nu énɛ́ lɛ́ɛ blá wɛ ǎ.

Zakalíi 8:19

“Un ɖo ɖiɖɔ nú mi wɛ ɖɔ nu e mi nɔ blá ɖo sun ɛnɛgɔ́ ɔ́, sun atɔ́ɔ́ngɔ́ ɔ́, sun tɛ́nwegɔ́ ɔ́ kpódó wǒgɔ́ ɔ́ kpó mɛ xwewú xwewú ɔ́, bɛ́ sín din ɔ́, yě ná húzú xwe ɖaxó ɖaxó nú Judáa togun ɔ́, bɔ yě ná nɔ́ hun xomɛ, bó ná nɔ j'awǎ tawun. “Amɔ̌, mi ní nɔ́ ba nǔgbó ɖiɖɔ kpódó fífá kpó.”