Jelemíi 1:1 - MAWUXÓWÉMA

¹ Xó e Jelemíi Ilukyahu ví ɔ́ ɖɔ lɛ́ɛ wɛ ɖo wěma élɔ́ mɛ. Jelemíi ɔ́, vɔ̌sánú-xwlémawutɔ́ lɛ́ɛ sín hɛ̌nnu mɛ wɛ é jɔ ɖe. Anatɔ́ti toxo mɛ wɛ é nɔ́ nɔ, ɖo akɔta Bɛnjamɛ́ɛ tɔn sín ayǐkúngban jí.

Jelemíi 1:1 Iomraidhean Croise

1 Axɔ́sú 2:26

Énɛ́ ɔ́ gúdo ɔ́, axɔ́sú Salomɔ́ɔ ɖɔ nú vɔ̌sánú-xwlémawutɔ́ Abiyatáa ɖɔ: “Gosín fí, bó yi ayǐkúngban towe jí, ɖo Anatɔ́ti toxo mɛ, ɖó hu wɛ è ɖǒ ná hu we. Un ka ɖo nǎ hu we wɛ égbé ǎ, ɖó a hɛn akɔjijɛgbá Aklúnɔ, Mawu Mavɔmavɔ tɔn ɖo tɔ́ ce Davídi nukɔn; a ka lɛ́ ji ya lɛ́ɛ bǐ xá tɔ́ ce.”

1 Tan 6:60

Hukɔ́ki kpó ayǐkúngban e lɛ́ dó e lɛ́ɛ kpó, Hlexɔ́vu kpó ayǐkúngban e lɛ́ dó e lɛ́ɛ kpó.

2 Tan 35:25

Gbeyíɖɔ Mawu tɔn Jelemíi ji gbɛvíhan dó Joziyási sín cyɔ jí. Hanjitɔ́ súnnu kpó nyɔ̌nu kpó bǐ wɛ ɖɔ Joziyási sín xó dó gbɛvíhan yětɔn lɛ́ɛ mɛ káká wá jɛ égbé, bó ɖó hwɛndo tɔn ayǐ ɖo Izlayɛ́li. È wlǎn han énɛ́ lɛ́ɛ dó gbɛvíhan lɛ́ɛ mɛ.

2 Tan 36:12

Nǔ e má nyɔ́ Mawu Mavɔmavɔ, Mawu tɔn nukún mɛ ǎ lɛ́ɛ wɛ é wa, bó lɛ́ gbɛ́ ɖɔ émí kún ná sɔ́ émíɖée hwe ɖo gbeyíɖɔ Mawu tɔn Jelemíi e nɔ wá ɖɔ xó n'i ɖo Mawu Mavɔmavɔ nyǐkɔ mɛ é nukɔn ó.

2 Tan 36:21

Énɛ́ ɔ́, xó e Mawu Mavɔmavɔ ɖɔ gbɔn gbeyíɖɔ Jelemíi nu mɛ ɔ́ jɛ; é ɖɔ: “È nǎ jó to ɔ́ dó xɔ xwe kanɖé gban (70), ɖó gbɔjɛ́ e é ɖó ná gbɔjɛ́ lě e sɛ́n ɔ́ ɖɔ gbɔn, bɔ é má ká gbɔjɛ́ ǎ ɔ́ sín tɛnmɛ.”

Ɛsidlási 1:1

Hwenu e Dadá Pɛ́si tɔn Silúsi ɖo xwe ɖokpó bló wɛ ɖo axɔ́súzinkpo jí ɔ́, Mawu Mavɔmavɔ ɖɔ émí ná bló nǔ e émí ɖɔ gbɔn gbeyíɖɔ Jelemíi jí é. Énɛ́ ɔ́, é sɔ́ dó ayi mɛ nú Dadá Silúsi, bɔ ayixa tɔn mɔ ɖɔ émí ná zé nu émítɔn dó jlá xó élɔ́ gbɔn axɔ́súɖuto émítɔn bǐ mɛ, bó ná wlán.

Ɛsidlási 2:23

Gletoxo Anatɔ́ti tɔn mɛ nu lɛ́ɛ: súnnu kantɔn tántɔn (128).

Ezayíi 1:1

Mawu ɖɔ xó nú Ezayíi Amɔ̌si ví ɔ́ ɖo nǔmimɔ mɛ. É ɖɔ xó n'i dó axɔ́súɖuto Judáa tɔn kpó Jeluzalɛ́mu toxo ɔ́ kpó wú. Axɔ́sú Judáa tɔn Oziyási, Yotámu, Akázi kpó Ezekiyási kpó hwenu wɛ é ɖɔ xó ɔ́. Xó e é ɖɔ n'i ɔ́ ɖíe.

Ezayíi 10:30

Galímunu lɛ́ɛ e mi, mi sú xó! Layicanu e mi, mi ɖo tó jí! Anatɔ́tinu e mi, heelú mi!

Ezayíi 2:1

Xó e Mawu ɖɔ nú Ezayíi Amɔ̌si ví ɔ́ ɖo nǔmimɔ mɛ dó Judáa kpó Jeluzalɛ́mu kpó wú é ɖíe.

Jelemíi 11:21

Anatɔ́tinu lɛ́ɛ ɖo kú ce ba wɛ bó nɔ́ ɖɔ: “Ma ɖɔ xó ɖé nú mǐ bó ɖɔ Mawu Mavɔmavɔ wɛ ɖɔ ó, é má nyí mɔ̌ ǎ ɔ́, a nǎ kú ɖo alɔ mǐtɔn mɛ.” Énɛ́ ɔ́ wú wɛ Mawu Mavɔmavɔ ɖɔ xó dó yě wú.

Jelemíi 29:27

bɔ étɛ́wú a ma ka gbɛ́ nǔ nú Jelemíi Anatɔ́tinu e ɖo éɖée sɔ́ gbeyíɖɔ wɛ ɖo tɛ́ntin mitɔn ɔ́ ǎ?

Jelemíi 30:1

Mawu Mavɔmavɔ ɖɔ xó nú Jelemíi.

Jelemíi 37:12

Jelemíi jló ná tɔ́n sín Jeluzalɛ́mu, bó ná yi Bɛnjamɛ́ɛ yíkúngban jí, bó ná yi gletoxo tɔn mɛ, bó ná nɔ ayǐkúngban e má wɛ yě ɖe ɔ́ sín tɛn mɛ.

Ezekiyɛ́li 1:3

Mawu Mavɔmavɔ ɖɔ xó ɖé nú nyɛ vɔ̌sánú-xwlémawutɔ́ Ezekiyɛ́li Buzi ví ɔ́, ɖo Babilɔ́nunu lɛ́ɛ sín to mɛ dɔ̌n, ɖo Kebáa tɔ ɔ́ tó; fínɛ́ wɛ hlɔ̌nhlɔ́n Mawu Mavɔmavɔ tɔn wá jǐ ce ɖe.

Daniyɛ́li 9:2

nyɛ Daniyɛ́li xa wěma mímɛ́ lɛ́ɛ, bɔ xwe kanɖé gban (70) e è nǎ sɔ́ ɖó te dó hánnyá Jeluzalɛ́mu toxo ɔ́ ná, bɔ Mawu Mavɔmavɔ ɖɔ xó tɔn nú gbeyíɖɔ Jelemíi ɔ́, un mɔ nǔ jɛ mɛ.

Amɔ́si 1:1

Xó e Amɔ́si ɖɔ lɛ́ɛ wɛ ɖo wěma élɔ́ mɛ; Amɔ́si ɔ́, lɛ̌ngbɔ́nyitɔ́ e ɖo Tekowa toxo ɔ́ mɛ lɛ́ɛ ɖě wɛ. Mawu ɖe nǔ xlɛ́ ɛ dó togun Izlayɛ́li tɔn ɔ́ wú ɖo axɔ́sú Judáa tɔn Oziyási kpó axɔ́sú Izlayɛ́li tɔn Jelobowámu, Yexoázi ví ɔ́ kpó hwenu. Mawu ɖe nǔ énɛ́ ɔ́ xlɛ́ ɛ ɔ́, é bló xwe we cóbɔ ayǐkúngban dán wǔ.

Amɔ́si 7:10

Amaciya vɔ̌sánú-xwlémawutɔ́ Betɛ́li tɔn ɔ́ dó wɛn sɛ́ dó Jelobowámu, axɔ́sú Izlayɛ́li tɔn ɔ́ bó ɖɔ: “Amɔ́si ɖo biba wɛ bó ná yí gǎn sín así towe ɖo axɔ́súɖuto Izlayɛ́li tɔn mɛ. Xó e ɖɔ wɛ é ɖe lɛ́ɛ kpé agbɔ̌n nú togun ɔ́.

Matíe 16:14

Yě yí gbe n'i ɖɔ: “Mɛ ɖé lɛ́ɛ nɔ́ ɖɔ hwi wɛ nyí Jǎan Yɛhwesinlɛnúmɛtɔ́; mɛɖé lɛ́ɛ ka nɔ́ ɖɔ hwi wɛ nyí Elíi; mɛ ɖěvo lɛ́ɛ ka nɔ́ lɛ́ ɖɔ hwi wɛ nyí Jelemíi, abǐ gbeyíɖɔ Mawu tɔn lɛ́ɛ ɖě.”

Matíe 2:17

Énɛ́ ɔ́, nǔ e gbeyíɖɔ Jelemíi kó ɖɔ ɖ'ayǐ ɔ́ jɛ; é wɛ nyí ɖɔ:

Matíe 27:9

Nǔ nyí mɔ̌, bónú xó e Mawu kó ɖɔ ɖ'ayǐ gbɔn gbeyíɖɔ tɔn Jelemíi jí ɔ́ ná dó jɛ; é wɛ nyí ɖɔ: “Yě bɛ́ kpatágankwɛ́ gban (30) lɛ́ɛ; akwɛ́ énɛ́ jí wɛ Izlayɛ́li ví ɖé lɛ́ɛ ɖɔ gbo dó, bó dó xɔ Jezu ná.