Hwliti 4:6 - MAWUXÓWÉMA

⁶ Bɔ nya ɔ́ ká yí gbe n'i ɖɔ: “Ényí mɔ̌ wɛ hǔn un sɔ́ ná yí ǎ, ɖó un táá wá gba dɔkun nyɛ ɖésúnɔ tɔn lɛ́ɛ dó. Azɔ̌ énɛ́ e nyí ce ɔ́, un jó nú we, ɖó nyɛ ɖésúnɔ sixú wa ǎ.”

Hwliti 4:6 Iomraidhean Croise

Bǐbɛ́mɛ 38:8

Énɛ́ ɔ́, Judáa ɖɔ nú Ɔɔnáni ɖɔ: “Sɔ́ fofó towe sín asi ɔ́ da, ɖó asú tɔn nɔví wɛ a nyǐ. Đǒ xó xá ɛ, bó ná ɖó vǐ donu nú fofó towe.”

Levíi ví 25:25

“Nú nɔví mitɔn ɖé jɛ ya mɛ, bó sa ayǐkúngban tɔn ɖě ɔ́, mɛ e nyí mɛ tɔn bó sɛkpɔ́ ɛ ganjí, bó ɖó acɛ, bó hɛn ɔ́ é ná vɔ́ ayǐkúngban ɔ́ xɔ ɔ́ ná wá, bó ná vɔ́ ayǐkúngban ɔ́ xɔ ɖo mɛ e é sa xá ɔ́ sí.

Sɛ́nflínmɛ 25:7

Ényí mɛ ɔ́ má ká jló ná da nɔví tɔn sín asi ǎ ɔ́, nyɔ̌nu ɔ́ ná yi tomɛxó lɛ́ɛ gɔ́n ɖo toxo ɔ́ sín hɔntogbó jí, bó ná ɖɔ nú yě ɖɔ: “Asú ce nɔví gbɛ́ ɖɔ émí kún ná hɛn nɔví émítɔn sín nyǐkɔ ɖó te ɖo Izlayɛ́li ó. Asú ce nɔví jló ná nɔ asú do mɛ nú mì ǎ.”

Sɛ́nflínmɛ 25:8

Énɛ́ ɔ́, tomɛxó lɛ́ɛ ná ylɔ́ ɛ, bó ná ɖɔ xó n'i. Ényí é gbɛ́ jɛ́n wɛ ɔ́,

Sɛ́nflínmɛ 25:9

nɔví tɔn si ɔ́ ná sɛkpɔ́ ɛ ɖo tomɛxó lɛ́ɛ bǐ nukún mɛ, bó ná ɖe afɔkpa sín afɔ n'i, bó ná tún atán dó nukún mɛ n'i, bó ná yí xó, bó ɖɔ: “Lě e è nɔ wa nǔ gbɔn nú mɛ e ma jló ná ɖó donu nú nɔví tɔn ǎ é nɛ́.”

Hwliti 2:20

Nɔemíi ɖɔ nú Hwliti Mɔwabunu ɔ́ ɖɔ: “Mawu Mavɔmavɔ e nɔ́ kú nǔbláwǔ nú mɛ e ɖo gbɛ lɛ́ɛ kpó mɛ e ko kú lɛ́ɛ kpó ɔ́, ní xo ɖɛ dó nya énɛ́ jí.” Nɔemíi lɛ́ ɖɔ: “Nya énɛ́ ɔ́ mɛ mǐtɔn wɛ. Mɛ e ɖó ná kpé nukún mǐ wú lɛ́ɛ ɖě wɛ.”

Hwliti 3:13

Dɔ̌ fí, sɔ zǎnzǎn tɛɛn ɔ́, un ná yi mɔ ɛ, nú é yí gbe, bó ná kpé nukún wǔ we ɔ́, é ná bló. Nú é má ká jló ǎ ɔ́, nyɛ ná kpé nukún wǔ we, Mawu Mavɔmavɔ Gbɛɖe ɔ́ nukɔn ɖíe ɖɔ ɖe wɛ un ɖe e. Amɔ̌, to mlɔ́ ayǐ hwɛ̌ nú ayǐ ní hɔ́n.”

Hwliti 3:9

Ée é mɔ mɔ̌ ɔ́, é ɖɔ: “Hwi mɛ̌ ká nɛ́?” Nyɔ̌nu ɔ́ ká yí gbe n'i ɖɔ: “Nyɛ mɛsɛntɔ́ towe Hwliti wɛ, kɛnklɛ́n yí mì dó xɔ towe sá, ɖó a ɖǒ acɛ bó ná kpé nukún wǔ ce.”